نشر في النمسا

حجز السيارة من الكويت او مطار ميونخ

moh12345

07-03-2022 - 01:01 am

السلام عليك ورحمة الله وبركاتة
انا حصلت حجز علي ايفس لسيارة صغيرة اتوماتيك مثل الجولف او اوبل ..الخ
تقريبا 13 دينار لليوم التامين ضد الغير و ليس شامل ( حسب كلامه تحطه في مكتبهم في مطار ميونخ )
يعني احتمال يكون سعر السيارة شامل التامين 18 دينار والله اعلم
ودي اعرف احجز من الكويت و لا من ميونخ ارخص ؟؟ ما ودي اغامر و عقبه يطلع علي اغلي في مطار ميونخ
وشكرا

التعليقات (4)

bohasoon

07-03-2022 - 04:47 am

مطار ميونخ ارخص بوايد و محطة قطارات ميونخ احسن وارخص .. لكن مشكلة الصيف اخاف ماتحصل سيارة هناك احجز من الانترنت احسن لك و حد المكان محطة قطارات ميونخ ..مكانها مايضيع ابد
بعدين خلك علي التامين الشامل و الكيلو مترات المفتوح ..
اذا تفرق معاك ال 5 دنانير .. اسأل عن اسعار البانزين قبل لاتروح
وبخصوص السعر تاكد لان هذي سعر القير عادي .. شكلك تدور الرخص ..

دلوعة الفارس

07-03-2022 - 05:48 am

مرحبا بخصوص السيارة هل من المعقول سعر السيارة 600 ريال فى اليوم لحجم عدد 8 راكب وشكرا

moh12345

07-03-2022 - 06:49 am

bohasoon
ايفس الكويت مسوين عرض رخيص حسب كلامهم و يقول لي احنا ارخص من مطار ميونخ
طبعا سالته عن السيارة اتوماتيك عشان جذي مستغرب من السعر
شفت موقعهم علي الانترنت السعر الي حصلتهم من مكتبهم بالكويت ارخص
عموما شكرا علي الرد و قواك الله

moh12345

07-03-2022 - 07:50 am

دلوعة الفارس
هلا والله
0ريال باليوم اتوقع مبالغ فيه والله اعلم
حاولي ادقين علي مكاتب التاجير العالمية في بلدكم و سالي عن السعر بنفسج و قارني بينهم و بين الانترنت
طبعا اشهرهم
ايفس لتاجير السيارات
سيكست للتاجير
ويورب كار
طبعا تحصلين ارقام التلفون في موقعهم حسب كل دوله
انا حصلت سعر حلو من ايفس الكويت افضل من الانترنت
بادري بالاتصال عليهم و ان شاء الله تحصلين ارخص الاسعار
تحياتي

النمسا المسافرون العرب

حجز السيارة من الكويت او مطار ميونخ