صباح الخير
نعم مناسبه لكم جدا وبتحصل شقق كثيره تفي بالمطلوب انصحك بالسكن في كابرون فهي قمه في الهدوا والراحه عشر دقائق من زلامسي انا سكنت فيها عامي 2009 و2010 كانت احلى ايام رحلتي حيث الطبيعه الخياليه مابين امطار وثلوج
الميزانيه كافيه بالمره
توكل على وابدا من الان بحجز السكن والسياره راح تحصل اختيارات كثيره امامك
اتمنى لك رحله موفقه وسعيده

احنا عائله 9 اشخاص ورحنا هالصيف المانيا والنمسا وانبسطنا مره وقبلها بكم سنه رحنا لسويسرا وفرنسا والنمسا
انا افضل يكون مخططكم
ميونخ ليله - سالزبورغ 3 ليالي - كابرون 10 ليال - 7ليال ميونخ
واذا تبغون تروحون لملاهي اليورب بارك في رست الالمانيه ممكن تخلون مخططكم نفس مخططنا هالصيف
ميونخ - سالزبورغ - كابرون - كونستانس - رست - ميونخ
كونستانس مدينه مطله على بحيره بودن شي ثالث اكبر بحيره في اوروبا انصحك فهيا وبقوه وراح اعطيك معلومات كامله عنها لو حبيت
واذا تبغى معلومات عن كونستانس اكتب هالكلمه في محرك البحث قوقل وراح تشوف تقارير عنها
او : ::
فيينا - سالزبورغ - كابرون - ميونخ - رست - فرانكفورت
المده 21 يوم ممتازه ورائعه
والمواقع اللي انصحك فيها وتلقي فيها خيارات كثيره للسكن
http://www.alpen-apartments.com/Home.11.0.html
سكنك في شقق او فلل اواكوخ من هذه المواقع سيقلل عليك الكثير من مصاريف السكن للعوائل الكبيره مثلنا مع اخذ شنطه تحوي بعض المواد الغذائيه لتخفيف الصرف هناك وهذا الشي جربته مرتين وكان ممتاز لان الاكل من المطاعم العربيه المرتفعه السعر واللي مالها طعم او الاكل من ماكدونالدز كل يوم شي متعب
انتظر ردك وابشر بالمساعده الى النهايه بس اول شي اعطينا خيارات محطه الوصول والاقلاع في الخطوط المصريه ؟؟
وهل ترغبون في زياره العاب اليورب بارك او لا؟؟

الشكر لكم اقتراح جميل وبنت حواء على المساعدة
أختي بنت حواء محطة الوصول فيينا والعودة من فيينا
قرأت عن اليورب بارك وأعجبتني لكن المشكلة في التنقل
والمده توقعت إن 21 يوم كافيه فقط لزيارة فيينا
ممكن تقترحين لي مخطط بين فيينا وسالزبورغ وكابرون ورست
بحيث يكون الوصول والعودة من فيينا.

gentle771
صعبه اذا محطه الوصول والاقلاع فيينا وتبغى تروح رست لانها بعيده جدا المسافه800 كلم
ا لا اذا كان تروح من رست الى ميونخ والمسافه 380 كلم وبعدها تروح بطيران اقتصادي من ميونخ الى فيينا
يكون ممكن هالشي
او تقسمين مسافه 800 كلم على يومين وبحيث يكون المبيت بأحد المدن اللي راح تمرين عليها واقترح عليك (بساو passau) تبعد 500 كلم عن رست او ممكن توقفون بميونخ اللي تبعد 00 كلم تقريبا وبعدها تكملون الباقي
اوتكون محطه العوده من زيورخ او ميونخ اوحتى جنيف او دوسلدروف كلها اقرب من فيينا لرست
او انك تستغنين عن الالعاب رغم انها مميزه حاولي وشوفي الخطوط وردي علي

نستبعد اليورب بارك من مخطط الرحلة
واكتفي بزيارة فيينا وسالزبورغ وزيلامسي وميونخ
3 أيام فيينا - 6 سالزبورغ - 7 زيلامسي - 3 ميونخ - 2 فيينا
المخطط كذا مضبوط أو يحتاج تعديل ؟

gentle771
سالزبورغ تستاهل 3 ليالي فقط وميونخ رائعه ومميزه كتسوق وكمنتزهات
من ميونخ الى فيينا صعب المسافه شوي طويله
اذا ضروري الوصول والاقلاع من فيينا ممكن
ليلتين فيينا - 7 ليالي زيلامسي - 6 ليالي ميونخ - 4 ليالي سالزبورغ - ليلتين فيينا
1ليله يعني 22 يوم
لان حجز الفنادق بالليالي
من فيينا الى زيلامسي 397 كلم
من زيلامسي الى ميونخ 168 كلم
من ميونخ الى سالزبورغ 146 كلم
من سالزبورغ الى فيينا 295 كلم
هذي المسافات بين المدن
والاماكن السياحيه من زيلامسي كثيره جدا وتستاهل اكثر من اسبوع بالذات اذا تحبون الطبيعه بس خفت احط لك عشره ايام لان اغلب الحجوزات تكون بالاسبوع في زيلامسي اذا ما عندك شمكله نزيدها 10 ايام
ومن ميونخ تقدرين تروحين قارمش
ومن سالزبورغ تروحين للبحيرات قريبه منها موندسي وفوشل ام سي وسانت جلجن وولف قانق وهالشتات وبحيره الملك
ونهر السالزاك وحديقه الميرابيل
فيينا ما اعرف عنها شي
بس ميونخ رائعه وفيها اماكن كثيره

المخطط كذا ممتاز لكن لو ننقص يوم من ميونخ أو سالزبورغ
لأن حجزي 21 يوم فقط وإذا بزيد زيلامسي إلى 10 أيام شلون بيكون المخطط
لأني من عشاق الطبيعة وأبي أزور زيلامسي بكل مافيها
الحجز حاولت أبدل العودة من فيينا إلى ميونخ وقالوا بعد العيد اتصل علينا ..

اذا نقصنا يوم راح يكون المخطط
ليلتين فيينا - 7 ليالي زيلامسي - 6 ليالي ميونخ - 3 ليالي سالزبورغ - ليلتين فيينا
وكذا 20 ليله يعني 21 يوم
واذا تبغين 10 ايام في زيلامسي ممكن بس السكن في فلل او شقق
او اكواخ اغلب المواقع حقت العوايل الكبيره يحسبون الحجز باسبوع
يعني لو تقعدين 10 ايام تدفعين حق اسبوعين وترى المبلغ مناسب
جدا احنا سوينا كذا قبل كم سنه عادي لان السعر مو غالي ولو قارنتيه
بالمواقع اللي حجزها باليوم راح يطلع الفرق الضعف اذا مو اكثر للايجار اليومي
اذا تبغين تخلينها 10 ايام وقدرتي تخلين الرحله من ميونخ يصير تاخذين
ليله من فيينا اللي بالبدايه مع الليلتين اللي بالنهايه وتضيفينها على
زيلامسي او اذا ما قدرتي تغيرين خذي ليله من فيينا بالبدايه وليله من النهايه وضيفيها تصير 9
ليالي زيلامسي
جربي الخطوط التركيه فيها رحلات الى ميونخ رغم انها مو مميزه زي الاتحاد والاماراتيه والقطريه

بنت حواء
بسم الله ما شا الله
شعله من النشاط والعون والمساعده
وفقك الله