يا مرحبا بك في عمان ،،،
بخصوص منتجع ملينيوم رائع , اختيار موفق ،،،
بخصوص المصنعه مب بعيدة عن مسقط مثل ما ذكرت ، عندك شاطيء السوادي في المصنعة , حلو للجلسات , ممكن تطلع لفة بالقارب مع الصيادين ب 5 او 7 ريال ، ما تذكر السعر بالضبط , وفي ايظا منتجع السوادي بس الملينيوم افضل منه ب 10000000 مره ،،،
واي استفسار حاضرين

بارك الله فيك اخوي على الرد
انا ناوي ازور مسقط خلال اقامتي في ملينيوم يعني ممكن اقضي في مسقط ساعتين او ثلاث
هل تعتبر كافية لزيارة اهم المعالم
؟

forex_samer
واجبنا ,,,
لا , مب كافية ابدا ساعتين الى 3 ساعات , مسقط كافية من 3-4 ليالي ,,,
بس ممكن تسير مسقط من العصر وتردوا بالليل , لأنه المصنعة مب بعيدة من مسقط ,,,
اهم المعالم في مسقط :
(1) منطقة مسقط , الي فيه في سوق وكورنيش مطرح العريق + قصر العلم + ممكن تأخذوا لفة على منتجع شنغريلا لأنه كلها قريبة من بعض , وافضل وقت للزيارة من العصر ,,,
(2) منظقة شاطيء القرم , افضل وقت للزيارة من بعد زيارتكم لمنطقة مسقط ,,,
اي استفسار حاضرين
اختك Munati

يا هلا وسهلا بأهلنا من دبي
شقول يعد ماشالله الاخت موناتي ماقصرت
بس اذا تبي تروح مسقط ليش ماحجزت فيها عشان الاماكن اللي بتزورها راح تكون اقرب واسهل
المهم دام حجزت بالمصنعه قريب منك عين الكسفه (العين الحاره ) لازم تزورها وتجربها تبعد عن المصنعه حوالي 35 كم ... ومعاك منطقه الحوقين بالرستاق بعد منطقه حلوه بالعاده الناس تخيم اهناك عالوادي اذا انت محضوظ والوادي نازل راح يكون شي حلو
يعني راح تكون بتاريخ 6 و 7 نوفمبر بعمان وهذي فتره العيد شي حلو
بس دام انك بتوصل بالعيد لازم تجرب كل شي يعني راح تجارب الاكل اللي نسويه بالعيد وهذا شي ضروري هذي السياحه الصح جرب كل شي
مثلا المشاوي والاكل العماني وابشر انشالله راح ارجع عمان بالعيد وانا مو بعيد عن المصنعه حللت اهلا ونزلت سهلا
بتنور عمان عزيزي .....

الاخ عماني هيرو و الاخت موناتي
ما شاء الله عنكم ما قصرتوا ابد
ان شاء الله يتكون رحلة جميلة و بزور الاماكن الي قلتوا عنها
مشككورين

برنامج مسقط الاخوان كفو وفوا
بس ممكن تزيد عليه برالجصة منتجع شنغريلا ولازم تزوره
عندك مطعم مغربي راقي وروعة اسمه شهرزاد
او مطعم التنوور..رائع ويقدم بوفية موجود في شنغريلا
ولازم تجرب شارع الحب في منطقة القرم ومتصلة بشاطئ القرم
وزيارة دار الاوبرا السلطاني بمنطقة شاطئ القرم
وزيارة مجمع بريق الشاطئ والعشاء في مطعم بي + اف
او العشاء في مطعم شيراز في فندق كروان بلازا..رائع وراقي المطعم
وممكن زيارة الى منطقة السيفة وقضاء يوم
الغداء او العشا في فندق سيفاوي او مطعم السماك
ممكن مشاهدة الدولفين
ممكن رحلة الى رمال وهيبة (بعيدة عن مسقط)
والخيارات متعددة يعتمد ع حسب رغبة العائلة
زيارة ممتعه