لو انتي متمسكه بالعبايه الافضل انك تلبسين شي ملون ..
او ممكن تلبسين تنوره و بلوزه واسعين و ساترين او بلوزه طويله مع بنطلون و حجابات ملونه

السلام عليكم
انا رايحه انا و زوجي السنه هذي ان شاء الله ع باريس
وراح البس حجابي العادي حتى لو كنت ملفته للنظر عادي
بطنش اهم شي انا اكون مرتاحه وراضيه عن نفسي
ومبسوطه

عادي كل سفراتي معا زوجي او لحالي بعباتي ونقابي ولا احد يقول شي لاتنسين العالم كله يعرفنا ويعرف تقاليدنا وتمسكنا في دينا والله موجود معاك في كل مكان هنا ولا في باريس
وبصراحه كثير يلبسون عبايه حتى راس مو على الكتف
انا بالسعودي عباتي على الراس بس اذا سافرت لسهوله المشي وانا ام اعيال بمسك عباتي ولا بنتبه لاطفالي ولا بدف العربانه فلبس عباة على الكتف معا شيلة والنقاب المتحرك الي يسمونة نقاب لثمة يكون مطاط له وقصير وكان الله غفوراً رحيما
توكلي على الله والبسي العباية استر لج واريح لك بدل ما تاخذين بدلات واحجابات على عدد الايام اخذي 3 عبي وبس

انا ان شاءالله ناويه البس عبايه سوداء وحجاب ملون وبتلثم بالحجاب

السلام عليكم الصيف اللي فات كنت في فرنسا وكنت لابسه عبايتي وحجاب ملون ومتلثمة فيه وعادي ماكنت ملفته بلعكس راح تكونين محتشمة وانيقة ومرتاحة في نفس الوقت والعباية ابدا مو غريبه هناك تمنياتي لك برحلة سعيدة

انا اول مانزلت في مطار باريس قبل عشرة ايام تقريبا كنت اتوقع ان الحجاب ليس له وجود ولكني رأيته على نساء كثيرات ولم يكن بمسغترب ولا يوجد اي تعقيد وارجو من كل مسافرة ان تحفظ حجابها

ان شاء الله راح اكون متمسكه بحجابي وراح يكون بالطو طويل فضفاض وحجاب ولثام والالوان يفضل البيج والبني والابيض
وماراح تكونين ملفته للنظر والله يسهل علينا وعليكم

عادي جدا اذا رحتي بعبايتك السودا بتشوفين كثير مثلك لا تخلينها عائق لك هم متعودين على شكل العباية وما يستغربو .. اتمنى لك سفرة سعيدة

العباية السوداء أكثر أناقه من الكابات الملونة .. وجهة نظر !
و ممكن حجاب (سكارف) وتوب طويل مع بطلون ..
اللي يريحك ..