السلام عليكم ورحمة الله وبركاته
اسف على غيابي الطويل وذلك لاسباب دراستي والاختبارات والتي سوف انقطع ايضا لبعض الوقت حتى انهي دراستي .
لكن حبيت اعطي بعض النقاط المهمة .
إذا اردت التسجيل في مدرسة للدراسة ،،، لا تروح للمكاتب لانهم ياخذون منك نسبة عالية ،، يعني يرفعون عليك المبلغ ،،،، لو كانت النسبة عادية قلنا ميخالف ،،، حقهم لانهم فاتحين مكتب ويشتغلون لكن بصراحة ،،، المكاتب يشفطون ويستغلون الطلاب
قبل يومين بالضبط ،،، اللي هو يوم السبت 22-1-2012 راح واحد من اصدقائي إلى بورمث وتحديدا إلى ممدرسة كابتل لمدة ثلاثة اشهر ... ولم يذهب إلى مكتب
طبعا اجور الدراسة لمدة ثلاثة اشهر + السكن عند عائلة + وجبتين باليوم + تكسي من المطار إلى العائلة = 15 الف ريال .
طبعا اسعار الشتاء ارخص مقارنة بالصيف لكن اقول لكم حاولو تسوون الحجوزات من انفسكم
ادخل على صفحة المدرسة وقل لهم انك ضعيف بالانجليزي وتبغى مساعدة تعبي الاوراق والا شف لك احد يساعدك ترى الدعوى بسيطة . وراح توفر حوالي خمس الاف ريال تقريبا .
بالاضافة إلى ان المكاتب اللي بالسعودية توديك إلى مدارس مليئة بالسعوديية يعني وش استفدنا
لان المكاتب متعاقدة مع مدارس تجيب لها طلاب .
اسف على الاطالة واسف على الانقطاع ولكن ظروفي صعبة مع دعائي للجميع بالتوفيق