أنا أشوف والله أعلم
وممكن الأماكن اللي أقولها ,,, ماتكون حلوة ,, ولكن اللي أعرفه

• سوق الخيمة
• لمسات
• البلد

والعذر لكن الجود من الموجود

أهلاً بك فى جدة
أفضل أماكن لفساتين السهرة فى جدة :

• سوق المساعدية - طريق المدينة
• الأندلس مول - المطار القديم.
• عزيز مول - دوار الطيارة.
• جدة مول - شارع التحلية.
• جامعة مول - شارع الجامعة.
• لمسات - شارع الستين.
• النجار - شارع الستين .

ما شاء الله الشباب كفو ووفوا بس بضيف سوق اليمامة في الصحيفة بجوار سوق الذهب على شارع الستين بعد طريق الملك عبدالله وانت رايح جنوب .

وعليكم السلام ورحمة الله وبركاته
العزيزة s.a.m
ماشاء الله ماقصروا الأخوان معك يعطيهم العافية يارب
النجار حلو خاصة الكواكب والعطيف فيه فساتين روعة
وآتام في عزيز مول ..
ودبنهاامز فيه فساتين برضه حلوة ..
بشكل عام النجار أغلب المحلات فساتين سهرة
ذكرتيني عندي مناسبة ولا اشتريت فستان إن شاء الله قريب
موفقه يارب بإيجاد الحلو والمميز
وأجمل تحياتي لك ..

هلا بيكي ياغاليه
بصراحه اقولك عن تجربه افضل فستانين وباسعار معقوله
المساعديه
المحلات امام مركز جمجوم
الاندلس موول من اسبوعين ماخذه من عنده فستان مره رهيب
واذا ماتحبي تلبسي فستان مكرر
نصيحه روحي كتير للمحلات قبل ماتشتري

الله يجزاكم خير ويوفقكم جميعا...
صراحة خجلتوني بتفاعلكم..
شكرا جزيلا...
وان شاء الله كلها راح تؤخذ بالحسبان....

:
شوفي الأسعار المعقولة ما عادها فيه
كل شيء ارتفع سعره حتى الملابس على ايش مدري ؟؟؟
مركز لمسات والنجار
معظمها تقليد لأزياء المصممين يعني زي تصاميم ايلي صعب وزهير مراد وعبد محفوظ وغيرهم
بس تقليد .. للأسف ما أعرف الأسعار
جدة مول + التحلية سنتر
راح تلاقين فساتين لمصممين في الغالب زي (جوفاني) مثلا
موديلات حلوة بس الأسعار ما فيه أقل من 3000 و 4000 آلاف وأكثر
ودبنهامز (الدور الأرضي) فيه عدة ماركات يحطون فساتين أحيانا إذا تحبين الأشياء الناعمة
وأظن أسعارها من 1200 ل 2000
:

لا لا انا اشوف المحلات اللي ذكروها قدمت وما سارت تجيب شي حلو
روحي (كارين ميلن ) في لي مول اول شارع التحلية مرة واو المحل والفساتين مو غالية
انا عن نفسي مرة رحت ولقيت 3 فساتين عجبتني كلها طلعتلي بحوالي 2000 وشوية لانو كان في تخفيض
فساتينهم كلها تلاقي الفنانات لابسينها
في توب اكسات لبسوه هيفا و اليسا كان من عندهم وفستان روبي الاحمر انا اشتريت زيو من عنهم بس اخضر واختي انا يوم دبشت لفرحها اشترت بالهبل من عندهم
وعندك بوتيك ناسية اسمو في الدور التاني في البساتين و هوا محل بس حريم مرة واو
و عندك ازا تحبي الاشياء الاوفر و الفصوص و الخرز الكتير في احمد البدوي في المساعدية مصمم ازياء
ام اش كمان انا عندي رقم مصممة اسمها الهام الغامدي تصمم اشياء رائعة وتلاقي عندها اشياء جاهزة وتشتريها
وازا حابة ثياب جدا مميزة انا اختي مصممة ثياب وتصميمها جدا رائعة مو مدحا فيها بس انا انهبل على اشيائها
و عندك ام جدة مول بس بداو يخبصو دحين رحت قريب ما شفت شي حلو
و شاميل بلازا بس كل اللي عندهم ماركات عالمية
في عزيز مول الدور التاني بس اشياء ما تعجبني ابدا
وبس الله يوفقك
تلاقي الفستان اللي يعجبط :d

انا اشوف الاندلس مول افضل مكان
لانه يوجد اكثر من 15 محل في موقع واحد من المولواغلب الي فتحوا فيه هم اصحاب تجار الجملة
الموقع بالضبط الاندلس مول الدور الثاني