اهلين للجميع
خصوصا مشرفين القسم ,,
وربي ماشجعني اكتب الموضوع الا عشان أطمن الجميع
خصوصا خواتي اللي يحبون البحرين ويستمتعون فيها ...
> خصصت البنات لان خوفهم اكبر ..
زرت البحرين يوم الخميس اللي طاف ,, وكان مجمع السيف زحمة والوضع عادي جداً
رحت أنا وزوجي .. تمشينا وتغذينا وكان فيه عوائل سعودية .. يلعبون اطفالهم ويتغدون زي العادة ..
راح زوجي للقهوة اللي بالدور الارضي وانا فرفرت المجمع لحالي ولا كأن شي صار .. بالعكس
البنات البحرينيات يتبسمون بوجهي لانهم عارفين اني سعودية من العبايه والنقاب .. وربي ان كذا وحده تشوفني وتتبسم
صار لي الموقف 3 مرات .. ولاحظت فيه بنات معلقين بروشات صغار فيها علم السعودية وفيه ناس معلقين على سيايرهم علم الامارات ..
وعلى فكرة شفت كذا شخص قطري واماراتي .. ومايهون السعوديين كابين هناك ههه ..
ورجعنا للخبر لان عندنا شقة هناك ماحبينا ننام ونتخسر ههه
قمنا الجمعه دق زوجي على أخوه الصغير عمره 19 يموت بالسنما ..
وقلنا تعال معنا
وصارت رحله ثلاثيه ..
رحنا هالمرة للستي سنتر .. تغذينا بالمطعم الايطالي > الا انا ماتغديت ههه
لاني مسويه رجيم
وبعدين خشينا السنما مليانه ميه بالميه فل ..
شفنا فلمين fast 5 هذا حق اخو زوجي ماحبيت ادخله بس علشانه ههه
وطبعا طبعا دخلت فلم قراصنة الكاريبي وهذا اللي أنا اخترته وفرحت لمن شفته معروض,,
وبعدها درت لي كذا محل > ما أتوب .. ههه
والحمد لله مشينا الساعه 10 ونص و وصلنا الخبر الساعه 11
وللمعلومية .. ما شفت ولا تفتيش ... بالخط ..
والوضع مرة عادي ,, بس الجمارك السعودية والبحرينيه مخلين السيد واحد بس ؟؟!
وكان زحمه شوي ..
وصلى الله وبارك
اختكم آنيا من الجبيل البلد