هلابك عاشق الشرق
ciputra hotel ممتاز والسوق اللي فيه رايق
وبالتوفيق
سوكارنو
مقهى كابتشينو كافيه بالراشد

فندق اكاسيا يقع بالوسط مابين مجمع الاتريوم والمطعمين اللي ذكرتهم ..
لكن راح تحتاج للتاكسي اذا حبيت تروح للأتريوم مدة خمس دقايق او اقل .. وقريب من المطعمين تقدر تروح مشي لكن عبور الشارع والتلوث راح يتعبك " على فكره مطعم السفير اعتقد انه اغلق " لكن مازال فيه المطعم العربي الاقدم على الاطلاق اسمه مطعم رادين صالح "لابأس به " بالاضافه لمطعم أميره..
عيب الفندق اذا احتجت لطلبات خارجيه من المطعم مثلا العربي راح يزيد الفندق عليك ثلاثين بالميه من سعر الفاتوره الا اذا انت جلست تنتظر طلبك عند باب الفندق وهذي شكلها اعتقد مزعجه ..
فندق دوسيت يقع في منطقه تجاريه ومزدحمه جدا .. ماأنصح به..
فندق سيوبترا فخم جدا ومثل ماذكر الاخ"سوكارنو" مشبوك بمجمع تجاري كبير لكن يعتبر بعيد عن وسط جاكرتا " قريب من المطار " ووقتك ممكن يضيع عليك بين زحمة السيارات ...
فندق اليلا موقعه جيد وقريب من مطاعم السمك المكشوفه على الشارع ....
ومن رأيي :
ان الواحد دايما راح يحتاج للصرف والأكل والتسوق وأحلى شي تبتعد قدر الامكان عن التكاسي وزحمة الشوارع .. عليك بفندق الاتريوم سعره مناسب 150 ريال وجنبك مجمع الاتريوم لكن المطعم العربي لازم من التاكسي ..
تحياتي

هلا بك عاشق وعلى فكره متى روحتك
بالنسبه للسكن اشوفك ما كتبت اتريوم
اعتقد انه الافضل من حيث القرب من الاسواق ... وبالنسبه للمطاعم ترى فيه توصيل للمنازل(يعني للفنادق) ما راح تحتاج للقرب من المطاعم . حضرموت عنده هالخدمه (توصيل للغرف)
وبالنسبه للسعر اللي انت راصده فهو بقوس .. يعني ممتاز وجدا بعد

اخوي / bmw
شكرا لك على هالمعلومات الله لايخلينا من اهل العرف والمعرفة
والظاهر اني ابا اخذ بنصيحتك واسكن اتريوم

عاشق الشرق
الشكر للجميع واخص الاخوان سوكارنو وبارون الله يعطيهم العافيه وكلنا اعضاء في خدمة الجميع

بارون - سوكارنو
الف شكر لكم وماقصرتوا
وروحتي يوم الاحد 22/8 /2004
الرياض - جاكرتا الساعة 8 مساء

الاخ / بارون
الاتريوم فيه سفتي بوكس والا لا وكيف الامان فيه والازعاج وسعة الصدر واهم شي الازعاج مااحبه تكفى انصحني اهم شي السكن عندي

ارقد وامن
صندوقين مو واحد
واحد في الغرفه وواحد تحت عند الرسبشن (اللي تحت غوييلي )
خلك على اللي في الغرفه
ولا فيه ازعاج مطلقا .... والاناسه مدري شقصدك فيها
يمكن قصدك الفطور المجاني ههه . ترى الفطور رايق مره لا يفوتك. وبالمجان حتى الاشباع . والغرفه الوحده يعطونك عليها فطور مجانا لشخصين.

الاخ / بارون
تحياتي لك
والظاهر انك زعلت مني لاني حيت من الاخر (يعني عطيتك على البلاط)
بس مااقدر على زعلك واقولك اسف اسف اسف 1000000