هل اطلعت على صفحة التقارير؟ فيها تقارير مفصلة و رائعة لمدة اسبوع و أكثر

أنا الان في برشلونه الجو حار نوعا ما والنهار طويل جدا جدا من الساعه السادسه وحتى التاسعه ليلا لكن برشلونه رائعة جدا
اليوم الأول يمكن أن تذهب للا رامبلا ومن ثم التوجه لأحد المراكز التجاريه مثل ال كورت انجلس
اليوم الثاني الكامب نو وسوق المركزي الذي بجانبه llile أعتقد اسمه كذا والذهاب للبحر
اليوم الثالث الحي القوطي ومتحف بيكاسو ورؤية اعمال قاودي
أتمنى أنى أفدتك

اخذي تيكت للباص السياحي مال برشلونة واعتقد تاخذين يوم واحد او على راحتكم بويمين
بيوم الشخص 20 يورو
فيه هتفون يعرفكم بكلشي بالمدينة وياخذ اليكم جوله كامله على المعالم والمتحاف والحدائق والنادي الكتالوني والتلفريك والملعب الاولمبي والقصور والاككواريووم تقريبا كل مكان ياخذكم وحديقة الحيوان
واذا عجبكم المكان نزلوا وادا لا لاتنزلو وحتى لو نزلتوا وماعجبكم 10 دقايق الا جاي الباص الثاني
ونصيحة اخذوا الباص الا في لونين الاحمر والازرق احسن ومتوفر بكثره
لان في باص بس بلون الاحمر
اعتقد بيومين بكون احسن
الباص كل ربع ساعه يجي عند المحطة يعني حلوة السالفه وتركبون فوق احلى من تحت
وكل يوم بالليل طبعا شارع الرامبلا
ومثل ماقال الاخ شوبينغ المجمع الا قال عنه وتقدرين تمشين على طول الشارع تقريبا طوله اكثر من 2 كيلو متر
يمين ويسار اماكن تسوق
وللعلم نصيحة
اي فاتورة بمبلغ 90 يورو وفوق طلبي فاتورة استرداد الضربية لان يرجعون نسبة حلوة بالمطار
لان التسوق في برشلونة بالذات بشهر يوليو الواحد يصير مثل المجنون اسعار خيالية
مثال
اشتريت من زارا صندل للطفلة ب 3 دينار بحريني
ورحت بعدها تركيا وشفته بعد بالتخفضيات ب 7 دينار بحريني
والاعظم من ذلك ان يوم وصلت البحرين رحت اشوف الا خذناهم الاغراض
المصيبه الكبرى ان هو بقسم البضائع الجديدة وبملغ 25 دينار بحريني؟؟؟؟؟؟؟
سفرة موفقه انشاله
شوقتينه الى اسبانيا توي راد وخاطري ارجع

هلا bu jana ابسألك من وين نجيب تيكت الباصات السياحيه وهل هي موجوده في كل مدن اسبانيا ؟؟؟؟؟