السلام عليكم ورحمة الله وبركاته::أخوي ...طبعا ما دام انكم شباب ..راح اهجولكم شويتين .
وراح ارشح لك مخطط على 18 يوم . من غير الفنادق..لأنها بحكم ميزانيتكم.

• -

محطة الوصول ميونخ والمغادرة باريس
استئجار السيارة من ميونخ والتسليم في بادن بادن.
لتفادي ضريبة الاستلام والتسليم في دول مختلفة..ولكون المانيا الافضل في تأجير السيارات .

• -

الوصول الى ميونخ..والسكن فيها لمدة يومين (للتعرف على معالمها وزيارة المتحف الاولمبي والمارينا بلاتز)
زيلاميسي أربعة ايام (مرورا على ىسالزبورغ وزيارة منجم الملح وبحيرة زيلاميسي المشهورة وشلالات كريمل والكهف الجليدي والخوانق والطيران الشراعي وقمة كابرون وقرية سالفادين والزحليقة ومطل الجروسجلوكنر)
انترلكن أربعة ايام (مرورا على متحف السوارفيسكي + بيت هايدي + لوزيرن والجسر الخشبي وتمثال الاسد..الوصول الى انترلكن..وتخصيص يوم كامل لقمة اوروبا مع شلال التروميل باخ ..زيارة بحيرة البلاوسي والاوشن سي ..زيارة كهوف ساينت بيتس وخوانق نهر الار وشلال الريخن باخ ..زيارة لقرية برينز ومتحف البالينبيرج ومطل الهاردركلم..زيارة بلاد الدباديب والرحلات البحرية في احدى البحيرتين)
جنيف وزيارة مونترو ولوزان والريف الفرنسي أنسي وشامونيه وايفيان وميجيف يومين
(يعني تطلع من انترلكن ..وتزور مصنع الشوكولاتة في قرية بروك ومصنع الجبن في جريير والقلعة الموجودة بها وتمر على مونترو ولوزان ..والسكن في ضواحي جنيف..واليوم الثاني تزور الريف الفرنسي)
بادن بادن ثلاثة ايام(وتخصيص يوم لمدينة الالعاب اليوروب بارك ..وبإمكانك الغاءها لوجود ديزني لاند في باريس..ايضا بإمكانك زيارة مدينة الاوتلت ميتزنقن في شتوتقارت..وزيارة ستراسبورغ الفرنسية)
بادن بادن مدينة الراحة والاستجمام لكثرة الينابيع الحارة فيها .
باريس ثلاثة ايام.هذا كان مقترح بسيط ...ممكن تعديله ..او اضافة اي شي عليه.
ممكن تريد زيارة كلا من : (لكن ما حطيتها في المخطط)
قارمش وبحيرة فيوسين وبحيرة البجع
بحيرة كونستانس ومتحف الحياة المائية وجزيرة الورود انسل ميناو
شلالات الراين (أكبر شلالات في اوروبا)
زيرمات وجبل الماترهورن
لوقانو السويسرية (قريبة من ميلان )
الغابات السوداء جنوب المانيا واكبر زحليقة في تودناو.
افضل القراءة المستفيضة عن هذه الاماكن ..واختيار المناسب لكم في المخططوبإمكانكقراءة الدليل السياحي السويسري https://artravelers.com"center">وبعض منتقارير الاعضاء
http://www.aboaziz.net/blog/?p=979
ورحلة سعيدة أخوي.

شكرا اخوي ميدو على ردك عالبرنامج بس ماتشوف انك هجولتنا شويتين على قولتك ترى ياخوك احنا طالعين اجازه نبي نرتاح ونسجم مو نتهجول ههه
وحسب ماسمعت من الكثير انو الطبيعة في سويسرا والنمسا متشابهه فا ايش ترشح منهم
بالنسبه للسكن احنا نفضل السكن في شقق او كامباوند للاستجمام والراحه ويكون مستوى مو اقل ن 4 نجوم واسعار معقوله ماتكون مرره غاليه

ههه الحمد لله ..انت اللي قلتها اول:
لشخصين شباب نرغب في برنامج سياحي يشمل سويسرا وفرنسا ولمانيا والنمسا
أربع دول ...وتقولي ما نبغى هجولة ...ههه الله يسعدك يا شيخ.
لكن الواضح انك شياب مو شباب
على العموم ..شكلك ما قريت الدليل السياحي ..مو صح ؟
ومثل ما تفضلت ..النمسا وسويسرا طبيعيا تقريبا نفس الشي.
لكن الارخص النمسا والافضل سويسرا من ناحية الاهتمام السياحي والامان والجودة.
توجد الكثير من المنتجعات السياحية ..لكن في البداية تحدد وش اهتماماتك ..طبيعة بحتة ..ولا متنوعة ..ولا ترفيهية ..وهكذا.
الدليل فيه تقريبا كل شي..طب وتخير ..
ولي عودة لك أخوي

اخوي ميدو ابشرك شباب مو شياب وكل واحد من يفكر ياخذ الثانيه بعد
بس لاتعلم احد
المهم بالنسبه لاهتماماتنا نبيها متنوعه طبيعه وترفيه وممكن نحذف وحده من الدول فرنسا او سويسرا
ابييك تفصلي برنامج تفصيل كامل نمشي عليه شامل المواصلات والفنادق المسافات بي المدن علشان تريحنا وننبسط صراحه احنا غشم اول مره نطلع لاوروبا شاكر لك مقدما تاونك وسامحنا على الكلفه

اها قصدك السيارة الثانية ...يمدحون المرسيدس >>> يقاله يصرف ألحين ههه
يا رجال ما من كلفة الله يعافيك.
بالنسبة لعدد الايام تراها كثيرة وراح تزور اكثر من منطقة ..ولازم تكون عندك خلفية عن المناطق اللي بتروح لها ولو بسيطة.
وقراءة التقارير الخاصة بها ..حتى تشوف وش المناسب لك .
القراءة ثم القراءة ثم القراءة
هي المفتاح لنجاح الرحلة.
وانتم شخصين ..والسيارة مناسبة لكم للتنقلات .
وبالنسبة للفنادق امرها هين ..اهم شي المخطط وش راح يكون.
وانا اقترحت عليكم المخطط الاول ..ولا شفت تعليق منك عليه ..هل هو مناسب ..وش ودك تزور..وش ودك تحذف...يعني رد تفصيلي.
وانا في انتظارك أخوي.

تسلملي ياميدو بس ماعليش تحملني
بالنسبة للبرنامج الاول اوك بس يحتاج شوية تنظيم يعني ممكن نخليها 3 دول قريبه من بعض بدل من اربع وتكون من الممكن نتنقل بينها بالسياره او بالقطار مانبغى نستخدم التنقل بالطائره بين الدول الطائره بس في القدوم من السعوديه والعوده انا ارشح ميونخ وسويسرا والنمسا ماادري انت ايش رايك
بالنسبه للمناطق تكون مختلطه بين ارياف ومدن وياريت تحطلي كل دوله مناطق السكن المقترحه واماكن الزيارات والنزهات
ياخي خليك صاحب مكتب سياحي محترف
واعملي البرنامج زي برامج المكاتب السياحيه فل انفورميشن مع اكثر من اختيار

شوف اخوي انت شكلك ماتبي تتعب واجد
خل اقولك باحتراف على قولتك وبلغة بسيطة
خذلك 3 ايام بميونخ تمشى وزر حديقة الالمبياد والامريكيه والمارينا
واذا تبي في مدينة تبعد ساعه وربع اسمها نيورمبيرغ فيها حديقة حيوان ومدينة تاريخيه
اطلع بعدين 3 ايام سالزبورغ يومين بالمددينة ويوم تزور البحيرات الثلاث
بعدين 4 ايام زيلامسي
خذلك كوخ اطلع القمة الثلجيه والزحليقه الصيفية والبحيرات الصناعيه والكريمبل والخوانق والكهف (شباب استحمل )
بالطريق لانترلاكن مر شلال الراين
اجلس 5 ايام انترلاكن خذ كوخ
زر الشلالات الثلاث وكل القمم واجد ماشاء الله الجونفروخ اهمها وجوله في احد البحيرتين وزر مصنع الشوكلاته ومصنع سوارفسكي
والبلو سي والاوشن سي
2 يومين بجنيف
شوف الناس والبحيره وروق من المشاوير
او 2 يوم ميلان
نفس الشي بس بدون بحيرة مدينة وسوق وناس

الوصول ميونخ ومنها استأجر السيارة في اخر يوم لك في ميونخ وابداء رحلتك اخوي منها للنمسا وبعدين سويسرا وبعدين كمل عليه لين فرنسا باريس وسلم السيارة هناك
ووزع الايام بين الدول

يعني بدينا شغل بزنس وحركات ؟؟ ..لألألأ ..ما يصير.
لكن انا غسلت يدي منك يوم قلت ..نحذف وحدة من الدول ..وحطيت سويسرا.
وبيني وبينك ..لما ترجع لسويسرا ..خلاص نفسك تطيب من الدنيا ..وتدور الجنة ..اسأل الله لك اياها...لأن ما بعدها طبيعة مجتمعة في مكان واحد زي كذا.
لكن انا بشور عليك خيارات ..والله يكون بعونك:
طبيعة النمسا مشابهة لسويسرا ..فانا افضل عدم الجمع بينهما.
اذا كانت وجهتك للنمسا ..فبإمكانك اضافة المانيا (ميونخ وما جاورها) وايطاليا الى الخطة.
واذا كانت وجهتك الى سويسرا ..فبإمكانك زيارة ايطاليا والمانيا والريف الفرنسي.
عليك بالتقارير ..استلمها وحدة وحدة .
والله راح تستفيد
الرجاء مشاهدة المرفقات