اهلا و سهلا فيك
اول شيء على شان نقدر نساعدك لازم تحدد الميزانية قبل اي شيء
ثاني شيء اذا ودك تسافر على القطرية فهي خيار مناسب خصوصا اذا انك طالع من الدمام لانه فترة الانتظار عادت مناسبة و لكن اذا ودك تروح فرانكفورت في من الدمام في رحلة دايركت بس شوي اغلى
تحديد المسار يتم بعد تحديد الميزانية
تحياتي

3اسابيع يعني 21 يوم يعني 20 ليله ممكن نخلي المخطط
خلي الذهاب جنيف والعوده ميونخ افضل
استاجروا السياره من القسم الفرنسي بمطار جنيف وتسلميها في ميونخ وراح تدفعون ضريبه طبعا بس هذا الحل الوحيد للجمع بين كل هالمناطق
وممكن تعكسون المخطط وتبداون من ميونخ وتنتهون بجنيف بس انتي شوفي الفرق بين السعر لواستاجرتوا من ميونخ وسلمتوها بالقسم الفرنسي بمطار جنيف والعكس وعلى اساسها قرروا
ليله جنيف - 5ليالي انترلاكن - 3ليالي كونستانس -6ليالي زيلامسي -3ليالي سالزبورغ - ليلتين ميونخ
اولادك اعمارهم صغيره وفيه العاب قريبه من ميونخ ومن سالزبورغ ومن زيلامسي وفيه بجزيره الزهور في كونستانس العاب حلوه للصغار
انا قللت الايام في جنيف وميونخ لانها مدن كبيره وانتي تبغين الريف
شوفي صور لكونستانس
هذي صور بسيطه عن كونستانس
هذي الجهة السويسريه لكونستانس وهي في الضفه المقابله وهذا مايميز كونستانس طبعا الجزء السويسري اقل جمالا من الالماني
مايميزها وجود ثلاثه جسور تربط بين الضفتين وهذا اكبرها
السنتر
لاقو سنتر
اما جزيره الزهور
مجسمات الورود روعه وفيه اشكال كثيره منها وكل فتره يغيرون الشكل
هذا المبنى سبجان الله زارعين داخله نخيل ومسوين جلسات زي المقهى يجلسون فيها الناس طبعا مخلين الجو مناسب له داخل الغرفه
الحمضيات بانواعها
حديقه الفراشات صغير بس روعه
وفيها الوان وانواع كثيره من الفراشات وعصافير صغيره الوانها حلوه وضفادع
هذا الجسر اللي يربط بني كونستانس والجزيره
كل انواع الزهور موجود عندها لوحه صغيره فيها نبذه عنها
جلسات للراحه بين هالاشجار
الممرات
شلالات صغيره
البط في كل مكان
الالعاب
من الاعلى واطلاله على الجزيره والبحيره
شلال رائع جدا
اما شلالات الراين اللي قلت لك تزورينها بحط لك كم صوره

اخوي مسافر امريكي..مشكور . والميزانيه حوالي30 الف
وللأسف انا من الرياض
اختي دموع الوجد مشكوره وماتقصرين تعبتك معايا افدتيني كثير
وجاري البحث

تحية الى دموع الوجد
.
طيب انا من مؤيدين انه البداية تكون من ميونخ لانه استاجر السيارة اسهل ارخص.
ارجو قرات التقرير التالي
https://artravelers.com/p/re/421520
انا على يقين انه رح يكون ذو فائدة كبيرة
و اي استفسار احدنا حاضرين

مسافر امريكي
مشكور اخوي ويعطيك الف عافيه مره افادني خصوصا بالسكن.شكرا

انا من أشد المؤيدين بأن تكون الاستفسارات بساحتها المخصصة !!

ميو ابو قذله
واخيرا قررت على ميونخ- زيلامسي- قارمش-بادن بادن او رست(ابي رايكم)اهم شي زيارة الغابات السوداء-ستراسبورج
اتمنى تساعدوني في تحديد المده لكل وحده والأماكن اللي تستاهل الزياره
واذا فيه ترتيب افضل لاتبخلون علي لأني ما افضل المشاوير الطويله
ومشكورين على تعاونكم

ميونخ - زيلامسي - قارمش - رست اوبادن بادن اوستراسبورغ - ميونخ او فرانكفورت
بما انه تبغى المخطط كذا راح تكون اطول مسافه لك من قارمش الى رست 436 كلم تقريبا 4ساعات طبعا ولو اخترنا السكن في بادن بادن 375 كلم او ستراسبورغ 420 كلم
رست وبادن بادن وستراسبورغ كلها قريبه من بعض تقدر تسكن بوحده فيها وتتنقل بينهم انا افضل تشوف اللي تلقى فيها سكن افضل تسكن فيها وانا افضل اذا كنتوا شخصين تسكنون في بادن بادن اوستراسبورغ
العوده اذا كانت ميونخ راح تكون المسافه طويله من رست 380 كلم او من بادن بادن او ستراسبورغ بهالحدود
اما لو خلينا العوده من فرانكفورت اقرب لكم
واذا بتختار العوده فرانكفورت انا افضل تعكس المخطط عشان تخلي ميونخ بالاخير للتسوق

ممكن يكون السكن في مدينة Freiburg ارخص من السكن في رست اوبادن بادن اوستراسبورغ
بالنسبة الى التسوق اضافة الى ميونخ ممكن توقفوا في الطريق من قارمش في هذا الاوت لت اسعاره مره حلوه و هو على الطريق
http://www.outletcity-metzingen.com/