روحي معك
19-07-2022 - 08:18 pm
مراحب حبايبي
بدي اروح بيروت 4 ايام هذا الاسبوع ابي برنامج جميل من عندكم .. وين احلى مكان السكن في بيروت ابغى مكان جميل وفخم وقريب من السلودير او الحمرا
ويش رايكم وين افضل سكن ؟
وابي مكان اقدر اروح فيه اشوف الثلج زي فاريا يعني ؟ كم تبعد فاريا عن بيروت ؟ وكيف اروح اليها ؟
وهل في اماكن جميله لا زم ازورها لما اروح بيروت ؟ يعني ماتتفوت
وكيف اقضي هال 4 ايام بحيث اني ما انساها ابد ؟ ابغى اشوف بيروت الي يتكلمو عنها الناس بالجمال ؟
وكيف القهاوي وين افضل مكان للسهره على انغام الموسيقى البيروتيه والجو الخلاب
ادري مابتخيبوني
انتظركم
وعندك فندق السفير بس شوي بعيد لازم سيارة تروح للحمرا والسولدير ..
وبخصوص فاريا ..انت اخذ لك سيارة بشوفير ويكون عندك ..وتطلع على فاريا من بيروت عن طريق مفرق عجلتون مرورا بزوق مصبح وانت طالع لها
بخصوص الايام الا4 ..
اخذ للثلج يوم واستمتع فيه ..
وعقب اخذ زيارة لجعيتا ومتحف الشمع وتلفريك حريصا ..
واليوم الثاني ..روح للشوف ..ومر مغارة كفر حيم ونبع الصفا وقلعة موسى وبيت الدين " وبيت الدين احرص يصك مبكر على ال3 )
والثالث روح صوب صيدا واستمتع فيها
واليوم الرابع خلها بالاسواق ..عندك اسواق الحمرا ..وعندك مجمع ال abc بالاشرفية و عندك الستي مول
والليل عندك قهاوي السولدير كلها حلوة ..بس اللي بتحصل فيها زحمه البيتي كافية
واحرص لا يغشونك تأكد من كل فاتورة وتأكد من سعر الصرف
والمطاعم اللي تقدم سهرات حلوة ..عند اوتار اللي قبال فندق الفنسيا عندهم سهرة كل يوم من 11 لي 2
وموفق