1. المهم

السلام عليكم ورحمة الله وبركاته ،،
الحين قبالية صيف والكل الحين يجهز لترتيب رحلته عشان تطلع بالشكل المطلوب .. ماتطلع خبط لزق وحوسه ،،
دعوة للاخوان والاخوات / موادع - فارس الجبيل - لندنية - (لكل شخص له خبرة ولا ذكرنا اسمه)
وانا ارتب لرحلتي لندن الصيف القادم بما اني ولا مره طبيتها ولا اعرف شي عنها قعدت اقرا التقارير من الاخوان والمواضيع لين اخذت خلفية كويسه عنها وهذا من جهود الاخوان والاخوات بعد فضل الله ..

المهم

سويت جدول يومي لمدة سبع ايام .. حطيت به كل يوم ازور كذا مكان على اساس انها تكون متقاربة - اضافة الى انه ماكلها تكون تاخذ وقت طويل .. مثلا الحديقة تاخذ كذا ساعه تتمشي فيها + شارع اكسفور تتمشي بين المحلات وتسوق يبي لك وقت طويل .. لكذا نحط مكان ياخذ وقت ومكان ماياخذ وقت - الميادين مثل البيكاديلي حسب ماعرفت انه حلو تتكي فيه مطاعم كفيهات واشياء ممكن ويكند روعه ( لذلك نراعي الويكند مع المكان الي نحطه فيه لزيارته - نوضح للقراء ترى هذا مكان حلو بالويكند ) اضافة الى انه فيه ايام المحلات تتاخر ماتسكر فيها زي الخميس ( مثلا نحط هاليوم للاكسفورد حتى نتسوق ع راحتنا ) ، وفيه ايام اعتقد تسكر مبكرر مانحطه للتسوق مثل يوم الاحد اضن تسكر مبكره .. واذا يوم مكان مايصلح بالويكند مانحطه فيه زيارته .. فهمتوا الي ابغاه .. حتى الزيارات تكون توقيته مناسب.
طبعا حنا ماراح نحط الجدول ع اساس الايام السبت والاحد وكذا ، لا بس نحط ملاحطة قدام كل اسم والمسافر يرتب ع راحته المهم علمناه .. كل واحد يجتهد ويحط الي عنده .. ادري بنتعبكم بس بيفيد ناس كثير
همتكم
نشوف الخبرة وس تسوي
انا بدرج لكم الاماكن وابي لاهنتوا ترتبونها على هالاساس :
المسافة بينهم - استغراق المكان للوقت لزيارته - مراعاة للويكند ( نضع ملاحظة المكان المناسب للويكند و اذا كان يقفل مبكر او يتاخر - مثل التسوق ) .. والحدائق + القصر ( تكون الصباح ).
نقطة مهمة
البتسر فيلج الاوت لت ( يكون اخر يوم بالسفره يفضل كل شخص يرتبها لنفسه )
مستعدين نبدا الاختبار ( ع فكرة انا مرتب البعض وبحطه زي ترتيبي وانتم راجعوها صح او خطأ)
اول يوم:
الباص السياحي ( اول يوم يلف بك الاماكن السياحية كلها) خوذوا - الرد لاين- .
لندن آي والبق بن
لستر سكوير والحي الصيني
ثاني يوم:
قصر باكنغهام - حدائق جيمس بارك وحدائق كنغستون (الصباح)
الهارودز < وش الاماكن قريبة له تزار بيوم واحد ؟
متحف الشمع
وتتعشون بالاجور رود او البيكاديلي او الريجنت ستريت ( حلوه ويكند )
ثالث يوم ( مشي كثير لكنه هالامكان متصله ببعض )
الهايد بارك ( الصباح)
شارع اكسفورد ( المحلات تفتح الخميس الى 9 م )
الريجنت ستريت
ساحة التلغراف ( حلوه ويكند)
رابع يوم
الريجنت بارك ( بها حديقة الزهور والحيوانات) - الحيوانات مفصولة شوي مشي لازم ولا ننصح به.
متحف صدق او لاتصدق
البيكاديلي
الاجوررود - شارع العرب ( للغداء او العشاء كله مطاعم ) - لاتتاخرون اخر الليل سكارى.
خامس يوم
قرين بارك
نايتس برج ستريت
القارب بنهر التايمز ( فيه رحلات عشاء تبدا من الساعه 9 م ، وفيه رحلات عادية اي وقت)
اليوم السادس ( مشي كثير كله مولات )
ويست فيلد مول
مجمع كوفنت قاردن
اي مكان تحبونه باليل تتعشون فيه وتتكون مثل البيكاديلي وغيره
اليوم السابع
البستر فيلج اوت لت ( من الصبح للمغرب ، قطار خارج لندن )
الليل اي مكان تحبونه
(( ممكن اي اضافات لو عندكم ماذكرناها و زي الكونزوي وغيره ماسجلتها وبعض الشوارع بحاول احصل اسمها اضيفها ياليت لو تتذكرونه حطوها )).
يارب يفيدكم ..
بيستانسون بعض الناس اخويا بيتر- تغشيشه-
وشكرا لكم