أم مجتبى
وين تنصحوني اروح في عمان
انا خطتي مسقط ونزوى وصلالة فهل تنصحوني بالثلاث المناطق وكيف اتنقل بينهم وارجو الرد في اقرب وقت وشكرت
وعليكم السلام ورحمة الله وبركاته
أهلا وسهلا ومرحباً بك يا
أم مجتبى
أنا أنصحك بأن تقتصر رحلتك المقررة الى السلطنة على العاصمه مسقط و المنطقة الداخلية ، وأن تكون صلالة خارج الحسبة ، لأن الجو هذه الأيام عادي ولا توجد أي مظهر للخضار والجو الرائع الذي تتميز به المنطقة خلال فصل الخريف .
وهناك العديد من الفعاليات والأماكن السياحية التي يمكنكي زيارتها في العاصمة مسقط مثل : الحدائق العامة ومراكز التسوق والمتاحف والقلاع والحصون وجامع السلطان قابوس الأكبر وغيرها.
وفي المنطقة الداخلية يمكنكي زيارة قلعة نزوى وسوق نزوى الشهير المجاور للقلعة ، ويمكنكي زيارة كهف الهوتة الرائع ، وكذلك زيارة مسفاة العبريين المجاورة لكهف الهوتة ، ويمكنك زيارة الجبل الأخضر وغيرها الكثير من الأماكن والمزارات السياحية .
وهذه روابط يمكن أن تفيدك يا أختي
https://artravelers.com/p/re/232436
وإذا عندك أي تساؤل أو إستفسار تفضلي وفالك طيب .

مشكور والظاهر راح نكتفي بمسقط ونزوى

أم مجتبى
حياك الله يا غالية بين أهلك وناسك

ام مجتبى مرحبا بك في مسقط العامره عاصمة عمان الغالية
اولاً لازلت اشدد على ان صلالة تنفع للزياره بكل وقت و حين و ليس فقط فصل الخريف
صلاله بكل فصل و كل شهر و كل يوم لها ميزه مستقله ( رغم اني ليس من محافظة ظفار نهائياً ) و لكن صلالة و الولايات القريبه منها بها مقاصد سياحيه جميله و ليس فقط الطبيعه النضرة التي تجعل من صلالة مقصد سياحي
نعم صلالة لا تنفع الى بفصل الصيف ( الخريف ) للي يحبون الاستمتاع بجمال الطبيعه
و لكن هناك مقاصد سياحيه رائعه بهذه المناطق اتمنى من المشرف سالم بن سيف كتابتها على مهل و ان يأخذ الكتيبات و المنشورات من السياحه بصلالة و من بلدية ظفار و هكذا
نرجع لمحور الحديث المتبقي ( مسقط - نزوى )
ارشح لكم يا ام مجتبى الاستقرار بمسقط يعني تحجزوا فندق في مسقط الجميله الحالمه الرائعه ( منطقتي و لازم امدحها يعني - مثل اهل الحساء ما يمدحونها يعني )
السكن مري على قائمة الفنادق الموجوده بالمنتدى و اسألي عن اي فندق و ما يهمك ان شاء الله راح افيدك حسب المستطاع
من مسقط توجهوا الى الرستاق و نخل بها قلاع و عيون ساخنه تبعد الرستاق عن مسقط ساعه و نص ساير و ساعه و نص جاي
من مسقط توجهي الى نزوى و منها الى الجبل الاخضر و فلج دارس و قلعة نزوى و قلعة جبرين في بهلا تبعد قلعة جبرين ( لأنها الابعد ) ساعتين و نص ساير و مثلها جاي
من مسقط الى مناطق ( يتي - الخيران - السيفه ) و هذي مناطق ساحليه تتبع مسقط و بحرها شي عجيب و تقدري تروحين لها عن طريق فندق بر الجصه في شارع مختصر من مسقط الى هذي المناطق ابعدها ساعه و ارشح انكم توقفون السياره بقنتب و تاخذون قارب صيد و هو اللي يمشيكم الى هناك
و اي شي انا حضر

ياهلا فيج أم مجتبي في عمان الخير .. وانصحك على مسقط بصراحه .. وكذلك انصحك على منطقة الباطنه وهي على ساحل خليج عمان وهي منطقة زراعيه خصبه وشواطئها جميله جدا وشريط ساحلي يمتد لأكثر من 200 كيلومتر حتى حدود الامارات

1. اول شي اتوقع المبلغ يكفي للمدة الي بتكونوا فيها متواجدين ان شاء الله


2. غرفتين وصاله ومطبخ 55 ريال عماني


3. 3 غرف وصاله ومطبخ 75 ريال عماني

مرحبا بكم ب سلطنة عمان

اول شي اتوقع المبلغ يكفي للمدة الي بتكونوا فيها متواجدين ان شاء الله

بخصوص الاماكن السياحيه اذا تحبوا تبدأوا بمسقط واعتقد انه افضل شي وخاصتا اذا الاطفال يحبوا اللعب بالملاهي والحدائق
بنظري اذا وصلتوا مسقط وقت الصباح او الظهر تاخذوا وجبة غداء ولو بالفندق الي نازلين فيه عشان تستغلوا الوقت بعد الغداء ترتاحو الى وقت صلاة العصر او الساعه 4 وعندكم من هالوقت لحد الليل لما ترجعوا الفندق تنامو طبعا بهذا الوقت ممكن تعملوا 3 اشياء والي هي ( الحدائق تختارو حديقه عشان الاطفال يستمتعوا فيها و خذوا بالكم انه الجو بارد كثير هالايام وممكن تتمشوا بسوق مطرح ( السوق القديم ) اقترح اذا بتروحوا حديقه تروحوا الريام بس اول شي تاخذوا لفه بسيطه على سوق مطرح وبعدين الحديقه كونها قريبه من السوق عشان كذا اقترحت هالحديقه ولو انها قديمه كثير ومو نظيفه بذاك الزود او تروحوا السيتي سنتر مباشرة لانه بيكون في العاب هناك ومافي داعي تروحوا الحديقه وممكن تروحوا مجمع تجاري ( سيتي سنتر او مركز البهجه وهذول المركزين قريبين من بعض ) واعتقد انهم احسن مركزين كون فيهم العاب ومحلات ومطاعم وسوبر ماركت للتسوق مثل كارفور بسيتي سنتر والفير ب مركز البهجه ( السعر يعتمد على التسوق والشراء ) والالعاب للاطفال ما اتوقع اكثر من 10 ريالات لانه 10 كثير بصراحه
ثاني يوم الصباح تكونوا مخططين وين بتروحوا مثلا صوب الشرقيه رمال الوهيبه والاشخره ورأس الحد تشوفوا السلاحف ( اعتقد انه السلاحف تطلع بوقت متأخر من الليل ) ( اتمنى احد يفيدنا ) او وادي بني خالد ( التكلفة البترول بحدود 10 الى 15 ريال اذا العداد غير ممتلئ ) اذا بتروحوا رأس الحد اعتقد التكلفه بسيطه بحدود 1.5 ريال للشخص او اقل ماعندي فكره بس حبيت ابين انه هذي تكلفة الرحله تقريبا ) ما اعقد في داعي تروحوا الاشخرة لانه مافيها غير البحر ممكن تروحوا وادي بني خالد بعدين رمال الوهيبة وتخلوا رأس الحد اخر شي اذا لكم نية تروحوا تشوفوا السلاحف وتنتظروا لليل
ممكن تطلعوا لصوب نزوى تشوفوا القلعه والجبل الاخضر والسوق ( بحدود 10 ريال البترول واقل طبعا اذا الخزان فارغ ) وباقي التكلفه تعتمد ع التسوق
بخصوص العيون والاماكن الثانية ممكن ترحوا قريات ونخل والرستاق ( نفس الشي البترول بحدود 10 ريال واقل اذا الخزان فارغ )
وايضا يوجد بمسقط عين حاره بس ما اعرف موقعها بالضبط واعتقد الاسم ( الحمّام ) ممكن تروحو لهذي العين بيوم من الايام يكون مخصص لرحله بحريه لمشاهدة الدلافين والشباحه بس اتوقع البحر لليوم متلوث بالمد الاحمر ف البديل بيكون صيد السمك والرحله تستغرق 4 ساعات تقريبا بالبحر ولما ترجعوا من البحر تروحوا العين الحاره وقت العصر وبعجها ترجعوا الفندق ترتاحو ( اتوقع تكلفة الرحله البحرية بحدود 30 ريال للشخص والاطفال ما يحسبوهم ) وانتوا وحظكم ممكن تكون رحله عائليه فقط ما احد معاكم بالقارب وانا ممكن اشوف لكم شخص عنده قارب اذا حبيتوا
وبخصوص الفنادق في عدة فنادق ممكن تشوفو هالفندق كونه جديد وما صارله غير 6 او 7 اشهر من يوم الافتتاح
ممكن تشوفي الموقع الخاص http://www.delmonhotelapartments.com الاسعار موجوده بالموقع بالدولار وهذي الاسعار بالريال العماني
غرفه مفرده 25 ريال عماني ( متوفره بسرير كبير او سريرين مفردين )
غرفه وصاله ومطبخ 40 ريال عماني

غرفتين وصاله ومطبخ 55 ريال عماني

3 غرف وصاله ومطبخ 75 ريال عماني

• * الاسعار شاملة الضرائب + الافطار + خدمة الانترنت + خدمة الغرف 24 ساعه
• * المطعم يكون فاتح للساعه 11 المساء طبعا يغلق بعد الغداء فترة راحه من الساعه 4 اعتقد ويفتح الساعه 6 اعتقد

اذا نحسب اجمالي الاسعار للرحلات اتوقع بحدود 180 ريال واعتقد اني زدت ببعض الاسعار للاحتياط
نحسب الاقامة بالفندق لمدة 8 ايام بموجب غرفة وصالة 40 يطلع بحدود 320 ريال عماني
هذا الي قدرت افيدكم بيه واتمنى لكم رحله موفقه ان شاء الله