الاخت الفاضلة بالنسبه الحجز بأسم أختج أتصلي على المكتب وتحولين الاسم من أختج إلى أسمج
باذن الله تكون سهالات
لا تحاتين اذا عن التكسي في علامات مكان التكاسي وهم اذا سالتيهم مكان التكسي راح يقولون لج تراهم متعاونين
وحطي بالشنطة عنوان الفندق بس تاكدي من العنوان صح لان الحرف الواحد اذا غلط يضيعج
يا اختى الفاضلة انتى ما شاء الله دارسة راح تطلع بدل الجمل كلمات ويفهمونج
احنا اللغة اللى عندنا بسيطة جدا جدا بس الحمد لله تساهيل
وراح يفهمونج
وأي خدمه أحنا حاضرين

مشكور اخوي بس العلامات وين تكون قصدك باللوح وانا كنت دارسه لغه مودراسه دراسه بس طارت مدري وين المهم التكاسي احصلهم عند البوابات ماله داعي اطلب والله يستر دعواتكم طيب الفندق متى يسلمون الغرفه لي ماحجزت الليله الي بوصل فيها لاني بوصلهم الصباح وهل ممكن احصل احد بالفندق يتكلم عربي من الموظفين

لاتحاتين لندن ماتضييع واذا كنتي تعرفين انجليزي مكسر بيمشي حالج .. والعرب بتشوفينهم في كل مكان

لاتحاتين يالغالية
الامر جدا سهل وميسر ان شاء الله
اول ماتستلمين شنطك وتطلعين للخروج من المطار بتلقين لوحة فوق مكتوب تاكسي
وطلعي مع اللي يطلعون ووقفي وبيجيك التاكس اهم شيء مثل ماقال اخونا يكون عنوان الفندق مكتوب عندك صح
الغالية الوقت اللي بتوصلون اول الفجر وبيكون الجو مرة بارد والدنيا مابعد تنور ...حاولي تاخذين معك لبس شتوي
الشيخة ماقلتي وين بتسكنون ....وحاولي تخلين اختك تتصل دايركت للفندق وتبلغهم بوصولكم وان الاسم الصحيح
نفس العايلة بس الاسم الاول اختلف ....وهذا من باب الاحتياط
الغالية طبعا ممكن يسلمونكم الغرف وممكن يقولون لا انتظروا بس ربك يفرجها ويسلها
وبهذا الوقت لاتنقلين هم رتبي امورك بالفندق واخذي العنوان منهم في كرت وخلية معك ومع الاولاد
وطلعوا تمشوا وفطروا وعقب رجعوا لهم ...ولاتحاتين شيء

لا تحاتين ياأختنا الكريمة الامور جدا سهالات انا ثلاث مرات اجي لندن وما اعرف انجليزي بالمرة
كل شغلي اخلصه بالاشارات والناس جدا متعاونه
(( الله يسامح اختج راح تخلينا جدا مشغولين عليكم وخاصة الصغار ))

neno
ان شاء الله اني مااضيع انا افهم انجليزي كويس جدا بس مشكلتي مااعرف ارد مظبوط والرهبه لها دور

qatar2007
الله يسعدك طمنتيني يعني التكاسي موجوده عند نفس البوابه اللي نطلع معهااذا كذاكويس انا بسكن بالماريوت ماربل ارش ان شاء الله

نضرة النعيم
كويس يعني فيه امل اعدي ان شاء الله ربي بيسهلها بس هي الرهبه زي ماقلت وانا لو لحالي اهون انا كنت هناك من سنتين بس انا وزوجي فكنت مااسأل عن شي ابدا

حبيبتي الغرام ترى الانقلش بسيط بس انتي قولي اول حرف وبيطلع معك على طول
ما تدرين الاوانتي كاره الامر بسيطه خيتي اطلبي تاكسي يكون السايق يتكلم عربي
وهم بيجبون لك اياه برسم الخدمه والله يكون معك (تقبليني مترجمه دزي التذكره ههه)