تختلف اسعار السفر من وقت إلى اخر حسب موعد السفر والحجز المبكر يخفض اسعار التذاكر وفيه عروض حلو للخطوط السعودية للسفر إلى النمسا تبدا من 990 وتخضع لشروط وقيود
اما بالنسبه للمشروبات فهي ممنوعه نهائيا على متن الطائرة ولكن يمكن شحنها

شكرا اخوي لمن على الرد الله يعطيك الف عافيه
بس متأكده ان الماكولات المشحونه مو ممنوعه ..
لأن فيه ناس قالوا ممنوعه اذا كشوفوها وياخذونها من الشنط ....!!!!!!
انا ماراح اخذها وانا بالطائره انا بخليها مع شنطه الملابس وكذا

انا كنت مسافر ومعاي كريمات واشياء سائلة وقالوا لي حطها مع العفش بالطياره ممنوع وطبعا السالفه تختلف من مطار إلى مطار فيه بعض المطارات تسمح بانك تشيل 150مل من السوائل معك بالطيارة وبعضها تمنع اي سوائل بس غالبا اي شي سائل يسمح به بالعفش المشحون إذا كان مامون انه لن ينفك وينكب وتنحاس الدنيا
والله يوفقك

الله يعطيك العافيه اخوي ..
ماقصرت
وانا كل قصدي اني اوفر بحيث من كل وقت مطعم يعني بس العشاء من مطعم والفطور طبعا من الاوتيل
والغداء اندومي سريع ههه وكذا

هذه بعض أغراضي

وبعضها ما ظهر بالصورة
حتى علب فول أخذت معي
وكيلو عسل
وربع كيلو رز
وكرون فليكس
وبن وهيل
حتى أخذت سخانة التوست
وضعتها بكرتون وتم تغليقها بالمطار عن أحد الشركات في المطار
ولا أحد فتش أغراضي

اخي الكريم
سعر التذاكر يعتمد على الفتره الي بتحجز فيها فمثلا الخطوط القطريه سعر تذكرتها 2700 الى 2900 ريال على درجه h
اما سعر الخطوط الاماراتيه من البحرين الى فينا بحرين طبعا راح توقف في دبي راح تكون سعر التذكره 2600 الى 2800 على درجه m
طبعا تقدر تاخذ البيبسي والشكولاته بس بكميه محدوده يعني كميه استخدام شخصي
وخذ في بالك في شهر ديسمبر تقريبا الرحلات الى فينا مليانه

روج احمر
مع إحترامي لك بس تأخذين بيبسي هذي قوية
يعني قهوة - هيل - رز - معكرونة - شاهي - فول ( هذي ممكن لكن بيبسي )
تحياتي

من الدمام مافيه رحلات دايركت الى فيينا
يبيلكم تروحون للرياض وتاخذون المباشرة واذا اشتريتوها في الربيع او الشتا ممكن تطلع ب 1200 ريال للشخص الواحد شاملة الضرائب
او انكم تروحون عن طريق القطرية سواء من الدمام او البحرين (تبديل طائرة في مطار الدوحة) او الاتحاد من الدمام او البحرين (تبديل طائرة في مطار ابو ظبي) او الاماراتية من الدمام او البحرين (تبديل طائرة في دبي)..
انا برأيي شوفو الاسعار وتوكلوا مع الارخص وضروري تسألون عن سعر التذكرة من الدمام او البحرين لان فيه فرق بالسعر!!