حياكم الله تنور فيكم قطر
الفندق والله زين حسب ترشيح البعض
وطبعا جمبة مجمع الاصمخ مول
وموقعة في شارع السد ....ممتاز شارع تجاري
هذا الروابط بتفيدكم
https://artravelers.com/p/re/251944
طبعا المراكب اللي تتجول في كورنيش الدوحة متوفرة على الكورنيش وبسهولة تحصلونها
انصحكم تزورون مشروع لؤلؤة قطر روعة والمحلات فيه عجيبة
https://artravelers.com/p/re/259335

wabw
وعليكم السلام
حياك الله والله يتمم على خير
نعم رائع كفندق 5 نجوم وممتاز
والمطاعم أكثرها وأغلبها على شارع السد
( خلف الفندق )
وأيضاً هناك جلسات رايقة جداً بسوق واقف < ------- مطاعم ومقاهي
وتوجد مراكب لأخذ جولات وتشاهدهم على الكورنيش
وأحد هالأماكن بالقرب من مجسم الشعلة ( أسياد 2006 )
للأسف لاتوجد حالياً مدينة ترفيهية !
وأي أستفسار حاضرين
فالك طيب

wabw
اول شي بتنور الدوحه بوجودك
وبنسبة للفندق هو حلو الصراحه انا مادخلته ولاكن كنت اشوفه وباين عليه فندق حلو وممكن بعد اذنك اتقولنا بكم خذته بليله علشان الاعضاء يستفيدون ولاتنسى اتنزل لنا تقرير عن سفرتك
بنسبة للمطاعم والبوفيهات
عندك بوفية فندق الشرتون وعندهم بوفية سي يوه على ماعتقد انه الجمعه الظهر واكيد في بليل بعد بس مومتاكد اي يوم وبعد في بوفية فندق فريج شرق وايد حلو ومن احلى البوفهيات
وتقدر وانت بدوحه تتصل على الاستعلامات ورقمهم 180 وتسالهم عن ارقام الفنادق وتسال عن البوفهات على شان تتاكد شنو النوع الي مسوينه بنفس اليوم
وافضل شي عندك الشرتون & فريج شرق & لاسيجال&الفورسيزنت & الرتز كارلتو &موفنبيك تاور وانتبه لان في اثنين طبعا الموفنبيك تاور هو الجديد & دبليو & جراند حياة
وبنسبة للمطاعم الحلوة
عندك مطعم بنهمبار وهو من احلى المطاعم وقعدته على البحر وحلوة واي واكله لبناني
وعندك مطاعم في سوق واقف ومنها مطعم طاجين المغربي وايد حلو وقعدتها بشوق حلوه وفي طابق فوق قعدتها حلوه وعلى الهوا والجو حلو
وعندك مطعم بخارا اكله هندي &باكستاني بس من احلى المطاعم بدوحه وهو عند ملعب السكواتش حلو وايد وراقي
وعندك مطعم ليال اللبناني بعد من ارقى المطاعم البنانية الي بدوحه
وعندك مطعم الطواش في سوق واقف وهو للاكلات القطرية مطعم حلو ويستاهل الزيارة
وعندك مطعم الصياد في النادي الدبلوماسي حلو وايد وقعدته على البحر
وعندك مطعم شبستان الايراني بعد حلو واعنده اكلات حلوة
وعندك مطاعم امريكية مثل امريكان غيرل وعندي شيليز وعندك ابل بيز وافرايديز وبنجز كلهم حلوين
وعندك مطعم سراي في مجمع فيلاجيو
ومن غير عندك المجمعات مثل الاند مارك والستي سنتر و فيلاجيو و المول وفيها مطاعم حلوة وسينما تقدر اتغير جو فيها وتستانس
وعندك متحف الفن الاسلامي وسوق واقف كلهم يستاهلون الزيارة
وبنسبة للمراكب في ولاكن مو بمعنى مركب يعني ماراح اتحصل باخرة ومطعم وهلكلام لا ممكن مراكب صغيره تاخذلك لفة فيها وحاول اتكاسرهم لانهم نصابين
وللاسف ماعندنا مدينة ملاهي كان في مدينة علا الين ولاكن اكلها الزمن وخلاص تعد في عداد الاموات لان مافيها العاب
بس ان شاءالله يسون مدينة جديده
وبعد روح لؤلؤة قطر فيها اسواق وفنادق تغير جو اهناك
واتنور الدوحه بوجودك وان شاءالله تستانس
اتمنى اني ساعدتك ولو بلقليل وعندك مواضيع المنتدى تقدر اتشيك واترنبلك جدول
واذا عندك اي اساله انا جاهز
تحياتي

هلا الشيخ تنور قطر ان شاء الله
الفندق ممتاز و هادي
انا تقريبا بالشهر مرة او مرتين اخذلي غرفة هناك
ادور على الراحه و الهدوء
بالنسبة للمطاعم سوق واقف فيه مطاعم جيدة
وكذلك مطعم شبستان أكل ايراني حلو
وكذا مطعم بالمجمعات التجارية حلوه
بخصوص مدينة ملاهي حاليا لايوجد
بس ممكن تاخذ العيال الى مجمع حياة بلازا عندهم جنقل زون حلو ومرتب ومكان مكيف وراح يستانسون
وكذلك مجمع الرويال بلازا بالدور الاخير عندهم ملاهي مكيفه
وصالات التزلج بالفيلاجيو و كذلك بالستي سنتر
وبالفيلاجيو في مركب حلو للعيال يخذون فره بالبحيرة
بالنسبة للمراكب شغاله ما شاء الله على الكورنيش
اما الحدائق العامة عندك حديقة اسباير قريبة من الفيلاجيو ممتازة
وعندك حديقة الكورنيش حلوه و مرتبه

هلا والله مشكورين ياحبايبي
ماقصرتم
روعه ردودكم افدتوني ربي يخليكم لقطر