طبعا مافيه مقارنه بالنسبه للبنيه التحتيه
ماليزيا متطوره اكثر من ناحيه الترفيه والاماكن
لكن اذا انت جربت ماليزيا جرب سيلان لانها طبيعه بكر واتوقع من ناحيه الطبيعه تفوق عن ماليزيا فقط
اتمنى تطلع على تقارير الاخوان

هلا اخوي من حيث الاسعار
ماليزيا اغلا بالسكن بس الامور اثانيه من اكل ومواصلات وتسوق سيريلانكا اغلا
من حيث الطبيعة سيريلانكا افضل لان طبيعتها بكر مابعد خربها التطور العمراني
من حيث التطور لا مقارنه بين البلدين
من حيث الامن البلدين كلها امان
بنسبه للاطفال تبي تضيق صدورهم في سيريلانكا اماكن الترفيه محدوده جدا والمواصلات متعبه جدا
لحد ان الكبير لايتحملها كيف الصغار
فنصيحتي اذا كان معك عائلة انك تدور مكان غير سيريلانكا
ولك خالص التقدير والاحترام

مجرداحساس
هل سبق لك وذهبت الى سيلان
وين الغلاء وانا اكل واشرب بالفندق ماعدا كلمبو وهي كلها وجبات سريعه مثل ماليزيا اسعارها
انا اطلعت على جميع مواضيع الاخوان في المنتدى وخارج المنتدى
لدرجة انهم يقولون تجي ايام مانصرف
اذا صار البكج مدفوع من سياره خاصة بي 24 ساعه
بالنسبه للفطور والعشاء مدفوع
بعض الاماكن وهي قليله الي تدفع فيها مثل الحديقه والقارب
وبعض النثريات والهدايا والمشتروات الخاصه بي

من حيث التطور و العمران اكيد ماليزيا الافضل
و الاماكن الترفيهيه للاطفال قليله جدا و تنعدم في بعض الاماكن
للي يبي يزور سريلانكا يزورها لطبيعتها الخلابه و رخص التكلفه فيها

ام الزهور
هلا اختي
نعم انا كنت في سيلان شهر 4 الماضي
والرجل كان يقارن بين الاسعار في ماليزيا وسيرلانكا
انا قلت ان الاسعار في سير لانكا اغلا من ماليزيا ولو كنتي دخلتي سوبرماركت كان شفتي الاسعار
حبت( السنكرس) يوصل سعرها 5 ريال والببسي يوصل سعره 2 ريال والوجبات السريعه اغلا من ماليزياء بغض النظر الرجل اكل بالفندق او بالمطاعم
واختي لاتنسين ان الرجل معه اطفال تبغينهم يصومون من الصباح ينتضرون العشاء الساعه 8 بالليل صار معتقل ماصار تمشيه
وبنسبه للالعاب البحريه والرحلات اغلا من ماليزياء سعر الدباب البحري (جيت سكي) يوصل سعره 12 الف ربيه في بنتوته قرابة 400 اريال لساعه بعكس ماليزيا تاخذه 130 ريال لساعه في بيناق
هذي بس امثله للاسعار ويوجد الكثير
ولو جينا لتسوق من احذيه وشنط وملابس وهدياء كلها اغلا من ماليزياء بل بالعكس يمكن لو قارناها بالاسعار عندنا لكان وجتي الاسعار عندنا ارخص من سيرلنكا (اقصد الملابس ولاهدياء) ليس الاكل
بس كل هذا الكلام لايمنع من ان سيرلانكا من اجمل البلدان التي زرت ولها ذكريات جميله في صدري
وردي على الرجل من واقع تجربه انها لاتصلح للاطفال
ولو كان سواله انه سوف يذهب بدون اطفال لقلت اذهب الى سيرلانكا وبدون تفكير
وبعدين انتو يالحريم وش دراكم عن الاسعار لوحده بس جالسه وتطلب والرجال المسكين هو الى يروح ويجيب الطلبات ويحاسب والتعب والمصروف كله عليه ( لول)
اخيرا هذي وجهة نظري تحتمل الخطا وتحتمل الصواب
ولكم مني خالص التقدير والاحترام

مجرداحساس
انا مااقول نصوم بالعكس فيه فاكهه ((((((لول)))))
اقصد الكل وصرفيته تختلف
انا قالو لي عن ماليزيا وانها غاليه وانها وانها
لكن يعرف الواحد يبسط نفسها بالمعقول والحمد لله ماقصرنا على انفسنا ومشتريات واكل ولعب وغيره
وصرفيتنا كانت معقوله
وان شاء الله كذا بسيلان:8888:

فعلا الرياضات البحرية غاليه عندهم اما Food City انا اشوفها رخيصه مقارنة بالاسعار عندنا في الامارات
انا رحت مرتين بدون اطفال و اشوف الصرف فيها رخيص اما بالاطفال ما جربت الصراحه

بصراحة سريلانكا
غالية مرة
المكاتب اللي هناك يلعبون علينا
أزود ثلاثة او اربعة الاف واروح ماليزيا اجمل واحسن واونس واكشخ
تخيلو سويت بكج لسريلانكا عن طريق احد المكاتب هناك
عطاني البكج لشخصين ب 1950 دولار يعني 7300 ريال
والطيران 3000 ريال لشخصين
يعني 7300 + 3000 = 10300 ريال
بصراحة السعر هذا غالي على سريلانكا مقارنة بالرخص الموجود هناك
لذلك رح ماليزيا وزود 4000 ريال
أحسن لك
خاصة اذا كان معك أطفال
نصيحة رح ماليزيا وبتدعي لي
اذا محتاج مساعدة انا تحت امرك
بس المشكلة الآن الطيران غالي حق ماليزيا
لأن الصيف قرب والأسعار ارتفعت
بس ممكن تروح عن طريق طيران الامارات لتايلند والا اندونيسيا والا سنغافورة
وتطلع من هناك الى ماليزيا
وبكذا تكون زرت دولتين