saffron
12-10-2022 - 09:40 pm
سلام عليكم
وصلت الصباح تقريبا 11 وثلث لعمارة الصفوة
وصف عمارة الصفوة شارع العليا العام بعدين يسارا لشارع موسى بن نصير شرقا
يجيك على يسارك مركز السدحان لما يخلص المركز خذ يسار بعدين اجباري يمين او يسار خذ يسار تجيك الصفوة يسارك ....مركز السدحان فيه بينه وبين عمارة الصفوة شارع صغير
الشارع شمال السدحان وجنوب الصفوة
المدخل الثاني من عمارة الصفوة تدخل معه والمدخل جنوب العمارة يعني من لم السدحان
صار لغز ههه
تطلع الدور الثاني بعدين يسار بعدين يمين بعدين يمين
يجيك مدخل مكتب تأشيرات بريطانيا واستراليا
امش قدام يجيك مكتب تأشيرات الهند
عنده سكيورتي
بمشي جهاز كاشف على جسمك ويقول سكر الجوالات ويسألك الجوازات اللي معك لك اولا ؟
انا قلت معي حتى جولزات صديقي بس منب مخلصهن
خفت ههه
تدخل يجيك كونتر فيه هندي فيه شوفة نفس شوي
تقول له ابي نماذج تعبأة يعطيك اياهن
بالانجلش
لاتخاف خذهن وادخل داخل على الكونتر رح اول واحد يسار يعبيهن لك كب نموذج ب 5 ريال
تخلص من عنده ترجع الكونتر يعطيك رقم تجلس انتظار عند نفس الكوننر اللي يعبي لك النماذج بس اول اثنين يمين مهوب يسار
تنتظر دور رقمك تروح لمه ياخذ منك الجوازات والارواق المطلوبة
وطق طق طق تاخذ لك شويات حسب الجوازات
ياخذ 238 عن كل جواز
يعطيك تذكرة ويقول تعال بعد كذا يوم تاخذهن
انا قال لي السبت القادم
الحين مرهق ان شاء ارجع القصيم اعطيكم معلومات شوي
انا خاشش من الجوال ولانمت البارح الا ثلاث ساعات وكله لعيونكم
قصدي لعيوني ههه
اهم نقطة يوم عرف ان رحلتي ب14 جولاي تردد بتخليص المعاملة قال المفروض ماتجي الا قبل السفر بعشر ايام
قلت له انا جاي من مسافة 500 كجم
قصدي كم
ومشى الامور لما تأكد من مصدر الجواز
شكرا*
خ
ماشاء الله عليك وعلى السرد.. كان كملتها وجبت المفيد والأوراق اللي قدمتها لهم وهل اشترطوا حجز فندق والا لا و..