حمدا لله على سلامة الاسفار لكن ياليت تحددي الدول اللي سافرتي لها

حمدلله على سلامتك
عندي سوالين
شلون وضع النقاب في اوربا وخاصة المسا ومطار فرنسا
وكيف اشغل النت على الاب توب حقي
وش القطع المطلوبة
وين احصلها

حمدلله على سلامتك
كيف الاسعار
كيف معاملتهم مع العرب خاصه الخليجيين

الحمدلله على سلامتكم
والله يعينك علينا ههه
1/كيف تعتقدين بيكون الجو تقريبا من 18جولاي الى نهاية الشهر
سواء بالنمسا او ميونخ
2/الاماكن التي تستحق الزياره -فينا-كابرون-ميونخ
3/ الاسواق الماركات المخفضه هل اجدها بميونخ افضل
او قولي لي اسماء الاسواق

الف حمدلله على السلامه
بالنسبة للتأشيرة من وين طلعتيها قبل تروحين وهل يعقدون اللي مطلعها من غير النمسا؟؟؟ او عادي جدا ومافيها تعقيد؟؟؟

يا هلا فيكم الحين برد على كل واحد
اول شي الدول اللي زرتها نمسا والمانيا وفرنسا
ووضع النقاب في النمسا جدا طبيعي وبصراحه احترمت اللي لبسوا النقاب وحز بخاطري يوم قاعده بمطعم علي بابا
واشوف وحده سعوديه قاطه كل شي ومطلعه شعرها وزوجها عادي الوضع عنده وازيدكم من الشعر بيت ينادي لبناني
يقعد معاه ومع زوجته ويستشيره بشغلات بس عطيتهم ذيك النضره اللي تنقدهم على نفسهم والحرمه تضحكلي
ماعطيتها وجه انقثيت من لبسها حتى اهيا قامت اذا شافتني تلبس الكبوس تستحي مني ماتستحي من ربها ادري
طولت عليكم بس من حرتي وفرنسا والله صادفت وحده لابسه نقاب بالشانزلزيه بس الملون البيج نفس مال المصاروه
عادي الوضع حتى والله يوم شفتها احتقرت نفي واحترمتها انها محافضه على اللبس ولا وازيدكم بعد
في المانيا شفت وحده في ميونخ لابسه البرقع وبنتها نقاب مع ولدها واهيا عجوز بغيت اروح اضمها ذكرتني في امي لبا عينها
بعدين اكمل الرد بعد ساعتين

التأشيره طلعتها من فرنسا وانا مسافره المانيا اول محطه عادي الوضع بس تكون الشنغل مو شرط ان من الدوله
بطب عليها ولا اسالوني بس قالولي كم يوم بتقعدين كل شي سهالات من رب العالمين
ولاب التوب لازم الرسبشن يعطونج رقم سري تشبكين فيه ماتحتاجين اي قرض بس ترا لازم يكون عندج بلاك ابو ثلاث روس
لان اووربا كلها بس راسين انتي اشتريه من اهنيه

لو سمحتي اختي حبيت اسالك عن المكتب اللي استخرجتي منه الفيزا ايش اسمه ؟ وكم اسعاره ؟
وبمعرفتك وخبرتك هل 25 الف كافيه للفنادق 3 نجوم وطيران والشنغن ومصروف يومي وحجز سيارة من دون الاكل لاني ناوي اجيب عدتي معي عشان اوفر شويه ؟؟طبعا لمده 14 يوم بعد العيد ؟؟

مرحبا عزيزتي
الحمدلله على سلامتكم
انا حاجزه في هذي الشقه
https://artravelers.com مش عارفه مكانها بالضبط قالو لي قريبه من سوبرماركت بيللا الي في كابرون
ابي اعرف الله يعافيك مكانها وين ؟ وهل هو قريب من انفرميشن كابرون؟