أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
اخواني
احنا حجزنا عن طريق الانترنت ... 3 غرف نوم ... و كل غرفة فيها سريرين ...
و هذا هو عنوان السايت
http://marriott.co.uk/Channels/globalSites/propertypage/UK/LONPL
الموقع جدا قريب من شارع اكسفورد و سعره اكيد بشهر سبتمبر اقل من اغسطس ... بس ترى مو رخيص ... اشوي غالي
و بالنسبة لسؤالك اخوي خالد ... يعتمد كم عدد الاشخاص المسافرين معاك ... اذا عائلة ممكن سويت ... اما اذا شخص واحد مثل ما قلت ( لوحدك) اكيد غرفة وحدة كافية ... و الغرف راهية و مريحة جدا ...
السايت فيه صور تقدر تشوف
و على فكرة الفندق جديد و نظيف و الخدمة ممتازة
بس نصيحة .... تاكد من الفاتورة في كل مرة لان ممكن يغلطون و يحطون لكم شغلات انتوا مو طالبينها ( الخطا وارد في كل مكان ) يعني مثلا فطور ااو غدا مطلوب للغرفة ...
اتمنى لكم رحلة موفقة
الحمدالله على سلامتك اختي حوريه ... انا ابي تساعديني في حاجه اذا ممكن لاني مسافر يوم الاربعاء وحاجز على Claridge's Hotel هل تنصحيني فيه اوا غير واحجز على ماريوت ؟؟؟ المدة اللي بروحها اسبوع تقريبا هل ممكن تذكرين لي بعض لاماكن الحلوه وموقعها بالضبط وكيف الجو هناك كل يوم مطر ولا؟؟؟؟ ومع جزيل الشكر...بليز ردي علي اليوم او بكره <<< طرار ويتشرط :)
والله شوف فندق Claridge's Hotel في منطقة my fair و هذي منطقة راقية و حلوة ... بس انا ما جربت هالفندق فما اقدر احكم .... فندق ماريوت اللي سكنت فيه احلى شي فيه انه قريب للسوق ... بس في نقطة ... ترى ما فيه لوبي ... لكن في مكان مثل اللوبي تدفع باليوم الواحد 8 باوند شامل القعدة فيه و الاكل ليوم كامل ... بس تبي الصراحة لو يحصل لي ارجع لندن باخذ في نفس الفندق لاني تعودت عليه ... و نظيف . الاماكن الحلوة ....... م .... يعتمد انت بروحك او معاك اهلك ... خلني ألخص لك الاماكن اللي رحت لها و عجبتني ... الاسواق : 1- oxford st. 2- regent st. 3- sloane st. 4-bond st. هذه اسماء الشوارع اللي فيها اشهر الماركات و المحلات التجارية ( رقم 3 و 4 محلات لاشهر الماركات مثل شانيل و ديور و غيرها ) طبعا غير مجمع هارودز و هارفي نيكلز و Fenwick و بالنسبة للاماكن الترفيهية انا تعجبني London eye اذا سامع فيها او شايفها بالنت ... مكان تقدر تشوف منه لندن من فوق وايد حلو و استمتعنا .. كذلك متحف الشمع ( مدام توسو) كل فترة و فترة يغيرون الشخصيات داخل المتحف و تقدر تصور معاهم . covent garden انصحك فيها يوم الاحد ... لانها مكان يكون فيه استعراضات و ناس تعزف موسيقى و قهاوي و تطمش و اغراض مصنوعة يدوية ... و اكسسوارات ... و شموع ... و غيرها ... و يفضل استخدام التاكسي لانها بعيدة اشوي
brent cross مكان فيه محلات للتسوق ... وايد حلو و فيه سوالف غريبة
south moulten شارع ما تمشي فيه السيارات يقطع شارع اكسفورد و فيه محلات غالية و كشخة و قهاوي ... الجو في نهاية اغسطس بدا يبرد وايد .... انصحك تاخذ معاك جاكيت و ملابس شتوية ... و في امطار متفرقة ... يعني عادي اليوم الواحد مطر و شمس و برد و هوا و بعدين يصير حر .... 4 فصول في يوم واحد ... عادي على جو لندن .. شارع ادجوررود ما انصح فيه نهائيا ... اخترب و المستوى اللي فيه مش ولا بد .... اذا كنت تدور المستوى الراقي لا تقرب صوبه ابدا ... المطاعم ... انا عجبني مطعم ياباني اسمه ( wagamama) وايد حلو و قعدته غير شكل ... و فيه اكل صيني اعتقد .. و اكله لذيذ ... كذلك مطعم ask في شارع فرعي يقطع اكسفورد جنب فندق ماريوت بارك لين ... مطعم ايطالي بيتزا و لازانيا و غيره و اللي اكثر من روعة و احلى شي عجبني بالسفرة .... مطعم ايطالي ما اذكر اسمه موجود في st crestopher place رهيب و هالمنطقة فيها قهاوي و مطاعم الى الليل يونانية و ايطالية ... و اليوناني اسمه sofra ... و كذلك مطعم nando's متخصص بالدجاج يقع في شارع شارلوت ... في ترى الاكل فيه فلفل و انا ما عجبني بس لمحبي الفلفل راح يعجبهم و قعدته غريبة احلى شي و لا يطوفك الدونت في هارودز .... لذيذ مو طبيعي !!!!! و يعطونك قطعة ببلاش تذوقها :) و البيتزا في هاروزدز ايضا حلوة و في مطعم في هارودز روعة ثم روعة ... اسمه mo's dinner لمحبي البرجر ... جدا رهيب !! بس احنا تعبنا يالله بقينا مكانه فوق يم الملابس و يضيع ! اتمنى اجبت على تساؤلاتك و اي سؤال انا حاضرة تحياتي
مشكوره كثير والله يعطيك الف عافيه على الرد ومعلوماتك الرائعه ... على فكره انا رايح معاي الاهل و اول مره اروح لها بس بصراحه من كثر ماتحكون فيها وتمدحون بديت احفظ بعض الا ماكن واسماء الشوارع:d ... الفندق اللي حجزت فيه سألت عنه وقالولي انو راقي وفخم,وفيه لوبي والغرفه مكيفه وهذا اهم شي وهو بشارع برووك بمنطقة المايفييرمثل ماذكرتي و قريب من الاكسفور والهايد بارك يعني كل مشاويري مشي ... اشكرك مره ثانيه اختي حوريه والله يجزاك الف خير ماقصرتي
حورية 78
مداخله او اضافه بسيطه اذا ما عليج امر
بالنسبه للماركات أفضل شارع تحصل فيه الماركات في لندن بشارع New Bound St وأهو شارع متفرع من أكسفور
بالنسبه للأماكن الترفيهيه أبحث فيها برا لندن أفضل مثل ألتون تور ولا بلاك بول ولا بالمناطق الساحليه بالجنوب البريطاني ولا ثيم بارك
في مجمع كبير بس تروحله بالقطار من يبعد نص ساعه اسمه بلو واتر واهو مجمع كبير جدا ومحلاته تسكر بالعشر بالليل تضيع فيه من كبره وتلقى فيه كل شي
واذا تبي اسواق OUT LET فعليك بالليستر فيليج Licster Village في مدينه اكسفورد سيتي أو Gunwarf Quayse في مدينه بورتسموث وأهي أسواق للماركات المعروفه كلها بس عليها خصم لانها تكون موضه السنه اللي طافت او الملابس مو مالت السنه هذي
وآسف على الاطاله
الف الف شكر لك ياحلو يا انا والله اسم على مسمى مشاءالله عليك ... كفيتو و وفيتو ماقصرتو الله يجزاكم خير انت والاخت حوريه مبين انو عارفين لندن كلها مشاءالله... وشكرا ثانيه على ردودكم السريعه
