اخوى انت جاى مع طريق الملك فهد
اذا تعديت وزارة الداخلية على يسارك باتجاه الجنوب
يجيك مخرج الوشم والمعذر نسيت اسم الشارع
ادخل مع الخدمه وقف عند الاشارة
ولف يسار تجيك شارع تقاطع الاحوال
اذا تعديت الاشارة لف يمين الطريق هكذا
يجيك طريق الملك عبدالعزيز وقف عند الاشارة وتصير وازرة البرق امامك او البريد
الشارع هذا اسمه طريق عمر بن الخطاب ادخل يسار تجيك اشارة لف يمين
ومن ثم تجيك اشاره ثانية وقف عندها وادخل الحاره يسار لان شارع الغرابى اتجاه واحد
للشمال
وخليك وسط الحاره من الجهة الشرقية الى ان تخرج من جديد على الغرابى من الجهة الجنوبية

اما من ناحية الملز فانت بامتداد شاعر صلاح الدين الستين
اذا وصلت اشارة طريق الخرج ومقابل لك ملعب الامير فيصل الملز
لف يمين اشارة اولى ومن ثم اشارة ثانية اعتقد
5 كم يجيك مجمع كبارى خلك مع الطريق اللى يودى الى طريق عمر بن الخطاب
ادخل معه لكن لا تتجه الى طريق عمر بن الخطاب لانه سيؤدى لك مشكلة الاتجاه الموحد للغرابى لذا
شف سيارة ليموزين وخلك خلفها وتدخل الحارة يجيك شارع الريل امش معه الى تشوف
حقين محلات الكفرات وهذا بداية الغرابى

حبي لمملكتي
يعطيك العافية على التفاعل

اللي اعرفه أن شارع الغرابي أو الصناعيه القديمه هو طريق العروبه ! بجانب جامع الملك خالد
بس ما ادري حبي لمملكتي وين موصفلك ههه

حياك الله ابو عبدالعزيز وحياك الله حميدو فيتش
الغرابى المقصود هو الشارع المختص بزينة السيارات
ولا اعلم عن شارع اسمه الغرابى فى الرياض غيره
اما اللى بجوار مسجد الملك خالد هذه ام الحمام

بالضبط كلام اخونا ( حبي للمملكتي ) صحيح ..
الغرابي شارع تززين وتضبيط و تلبيس السيارات والوصف تمام
تحياتي/
أحسن واحد

افضل وصف والاكثر دقة .. تكون متجه مع طريق الملك عبدالعزيز ( شارع المطار القديم ) باتجاه الجنوب الى ان تصبح وزارة المالية على يسارك فتلف يسارا مع شارع عمر بن الخطاب ويكون الحي على اليمين هو بداية الغرابي

مشكورين حبايبي على المرور الرائع
,,,,,,,,,,,