بارك الله فيك على هذه الملاحظة

جزاك الله خير على التنبية

لاهنت
وش صار رجعوك يعني

وشصار معاك يالغالي وضح
والله يجزاك خير على التنبيه

مرحبا
اللي صار انه بعد ان تحرك القطار من روما جاء مجموعه من الشرطة الطليان وطلب الجواز والفيزا ، قلت انه انا تركته في الفندق كوني ما راح اعبر الحدود لدولة ثانيه (ما كان يتكلم الانجليزيه فتولت طفلة ايطالية الترجمة) سالني عن ختم دخول الشنجن وفي اي مطار تم
كان مصر علي انزالي من القطار لمركز الشرطة
صدفة كان عندي بالتلفون صورة من جواز السفر وصورة للفيزا الشنجن
بعد لم يقتنع وكرر نفس الاسئلة
سالني من وين قلت له من البحرين ، نوعا ما خفت حدته
بعدها قال لي هذه اخر مرة اتنقل فيها داخل ايطاليا من غير وثيقة سفر
وبالامكان ان يتخذ اجراء قانوني
حدث لي نفس الموقف اثناء انتقالي من نيس في فرنسا الي سان ريمو ايطاليا لكن وقتها كنت حامل الجواز كوني راح اعبر الحدود الايطالية

لا هنت يا غالي
زين لو كان فيه صورة جواز تمشي الامور بنظرك

مرحبا فيصل
ما اتوقع راح تمشي الامور بدون الوثيقة الاصلية مع ختم الشنجن لاول مطار دخلت اوربا منه
كان معاي ايطاليين علي نفس القطار واوراقهم ما كانت كاملة اخذ سجل اسماءهم وتفاصيلهم بس لشنو بالضبط ما عرفت
الاجراءات في ايطاليا تحسسك انك في واحدة من دول اوربا الشرقية كل مكان سؤال عن الفيزا والجواز
على عكس دول الثانية مثل النمسا وسويسرا والمانيا
كنت بسويسرا ودخلت النمسا بالسيارة ومنها الي المانيا بدون حتي ما يسالوني عن اي شي