- السلام عليكم مسافري اوروبا
السلام عليكم مسافري اوروبا
أنا قبل يومين راجع من جوله اوروبيه لأول مره بحياتي أنا و ز وجتي و اطفال اثنين و الحمد لله كانت تجربه رائعه من وجهة نظري. أنا أشوف انه من المفروض على اي مسافر راجع بعد السفر ان يكتب الملاحظات المهمه التي يراها لكي يستفيد منها المسافرين الجدد.
طبعا أنا رحلتي كانت على طيران الاتحاد بما أني اسكن المنطقه الشرقيه سافرت عن طريق البحرين-ابو ظبي-ميونخ و العوده جنيف-ابو ظبي-بحرين. أنا ما ابي اكتب عن تفاصيل الرحله و لكن ابي اكتب الأشياء المهمه لكل مسافر قبل و أثناء السفر و عندي ملاحظه ابي اتركها نهاية الموضوع.
الأشياء المهمه جداً جداً من وجهة نظري:1- التجهيز المبكر للسفر و خاصة الحجوزات طيران و فنادق علشان يستفيد من انخفاض الأسعار اذا حجز بدري.
2- حجز سياره من نفس المطار اللي ينزل فيه و يفضل تكون قير اوتوماتيك. أنا حجزت قير عادي من أفيز و عطوني اوتوماتيك بنفس السعر.
3- دبر لك جهاز ملاحه (قارمن) اشتره ولا تسلفه من احد مثلي قبل ما تسافر و حمل الإحداثيات المهمه فيه ( لو بدونه كان ما امداني رجعت) استخدامه سهل جداً بس لا تدوخه بكثر الفرفره ثم يقلب عليك و يضيعك.
4- جهز انت و زوجتك العزبه اللي أشوفها من اهم التجهيزات قبل السفر حط فيها كل شي طبعا بمقادير بسيطه اللهم يتبقى لك الدجاج او السمك تشتريه من اوروبا. أنا استغرب ناس يسافرون اوروبا بدون عزبه من وين بياكلون خاصة اغلب المطاعم ما تبيع حلال او على الأقل مشكوك فيها و غير كذا اسعار مطاعمهم مبالغ فيها لأني جربت مطعم هندي اسمه تاج محل كنوع من التغيير بس بعدها حرمت اروح مطاعم.
5- طبعا نقطه رقم 4 ترى هذا دور الزوجه . لا يصير كل شي على راس الزوج المسكين.
6- اول ما توصل دور بقاله تبيع دجاج حلال. ابحث عن بقالة علاء الدين في زيلامسي ان كنت في النمساء.
7-حاول قدر الإمكان تسكن في شقق لأن فيها مطبخ و مغسله يعني تريحك و أنصحكم بشقق اسمها باربرا في كابرون ممتازه جداً و صاحبها
خلوق و طيب.
8-أنا سافرت لأربع دول في 12 يوم بس أشوفها متعبه شوي خاصة مع طلوع و نزول الجبال. لذلك انصح بالاستقرار في منطقه واحده او بالكثير
دولتين لأن السفر متعب و يضيع عليك يوم كامل.
هذي النقاط المهمه اللي أتذكرها هالحين و سلامتكم.
اتمنى أني أفدتكم في هالموضوع البسيط و اعذروني اذا طولت في الكلام.
و مشكور