- السؤال كالاتي ..
السلام عليكم و رحمة الله و بركاته ..
حقدملكم لمحة بسيطة كدا عن موضوعي .
ببساطة أنا طالب جامعي بدرس في جامعة في مدينة ليون بفرنسا .
قدمت على الفيزا من باريس و تم الرفض لأنه طلب كشف حساب بنكي من فرنسا باليورو فحين اني كنت مستخدم كشف حساب والدي بالمصري بالجنيه المصري.
بس بعد ما تم رفضي , اداني ورقة كدا مكتوب فيها أنه تم رفضي لأني لم اثبت نيتي العودة مرة اخرى او ان الزيارة لامريكا مؤقتة .. بمعنى اصح , اني مأسبتش أني راجع تاني بلدي بعد الزيارة .
دلوقتي انا فمصر اجازة و مسافر يوم 15-8 ان شاء الله و ناوي اقدم طلب الاسبوع دا .
السؤال كالاتي ..
انا ناوي اسافر فيناير 2015 و اقعد اسبوعين كدا . اثبتله ازاي اني حرجع تاني فرنسا ؟؟ أو اثبتله ازاي اصلن اني مسافر فرنسا تاني علشان الترم حيبدأ فسبتمبر ! الجامعة بتدي كل سنة شهادة قيد للسنة نفسها , يعني اللي معايا بتاريخ 2013-2014 و باخد الجديدة لما اوصل هناك. هل مثلا بعقد السكن بتاعي اللي حيخلص يناير 2015 ولا بشهادة القيد للسنة الاولى مع بيان النجاح ؟
تاني حاجة , لو قالي ليه اترفضت فأول طلب ارد اقوله ايه ؟ القنصل قالي بسبب الكشف الحساب و الورقة مكتوب فيها اللي شرحته .
بس المهم اعرف ازاي اثبتله اني راجع تاني بعد الزيارة ؟
و سؤال اخير , هل الدعوة من احد اقاربي معاه الجنسية ممكن تساعد فالموافقة ؟ و لو ان شاء الله تعالى تم القبول , الفيزا بتقعد قد ايه ؟ لأني ححتاج جواز السفر فشهر 8 للسفر الى فرنسا ..
شكرا جزيلا
