الفندق الاول
Hotel Oberlanderhof *
قمت بحجز إقامة هنا يوم 8-09-2012.
Am Quai 1, 3806 بونيغن
و هذا اسم الفندق الثاني
Brienzersee *
قمت بحجز إقامة هنا يوم 5-09-2012.
Beundenstrasse 49, 3852 رينغنبرغ

وعليكم السلام ورحمة الله وبركاته::
مرحبا ..والله يعطيك العافية ..ونتمنى لكم رحلة سعيدة.
بالنسبة للفندق الاول ..اقرب لمحطة انترلكن الغربية ..ويبعد تقريبا 2 كم..عن المحطة.
بالنسبة لرحلات السياحيه في انترلاكن هل فيه مكتب سياحي مجرب ننسق معاه هناك او نعتمد على الكونسيوج يدلنا على مكاتب
بيني وبينك المكاتب السياحية متوفرة ..لكن لم اجربها .
وان كان على الانشطة ..كل شي واضح هنا في المنتدى وفي المواقع الرسمية للسياحة في انترلكن او سويسرا..من أنشطة وخلافه.
سؤال أخير كيف الجو في انترلاكن درجات للحراره تتفاوت على كم
بالعلم انه رحلتنا تاريخ 14سبتمبر
وبالنسبة لدرجة الحرارة ..تقريبا كمعدل 15 درجة مئوية.
============
على فكرة..ليش ما تجربون استئجار سيارة من مطار بازل الفرنسي (اسمه Mulhouse Bale Airport)
والتسليم في مطار جنيف...بالقسم الفرنسي.
============
على فكرة ..التواريخ في 2013 ؟ مو صح.

مشكور اخوي ما عليك قصور والله
ايوا صح ان شاء الله يوم الخميس رحلتنا الى باريس و بعد باسبوع الى سويسرا
كيف ما فهمت شنو يعني 2013
انا تاريخ سفرنا 14 سبتمبر 2012
و بالنسبه لموضوع ايجار السيارة انا حاولت اقنع زوجي بس احس ما دخلت بباله الفكره
و احنا وصولنا لبازل محطه القطار من باريس ما راح نكون في مطار بازل
تنقلاتنا الداخليه من منطقه لاخرى عن طريق القطار
طيب بحدود كم تتفاوت اسعار السيارات لليوم الواحد
احس وايد تكلمت ههه يالله معليش و منكم نستفيد ^^

صح بالنسبه للفندق الاول في بونيقين انت رشحت لي محطة انترلاكن الغربيه بس الحين احترت و انا ابحث لقيت هذا ال لابو عزيز
عن طريقه الوصول لهذي المدينه
,,
أخترت لكم قرية http://www.interlaken.ch/index.php?id=124&L=3 والتي تبعد عن انترلاكن 5 كم فقط وتقع على بحيرة برينزير والقريبة من محطة انترلاكن الشرقية
يمكن الوصول للقرية الصغيرة بالباص او بالبوت من المرفأ القريب من محطة قطار انترلاكن الشرقية ,,,
انا احترت الحين شنو رايك ميدو انت تقصد الفندق قريب لهاي المحطة الغربيه او قريه بونيغين ككل
و اسفه على كثرة الاستفسارات ^^

اوف ..المعذرة والله يا اختي...السموحة لهذا الخطأ المطبعي ..
نعم صحيح ..المحطة الشرقية ..اللي تجي يمين انترلكن ...لأن بحيرة برينزرسي شرق انترلكن ..والثونرسي غربها .
وهذا موقعها على الخريطة.
https://maps.google.com.sa/maps?hl=en&safe=active&q=Bonigen&ie=UTF-8
================
ايوا صح ان شاء الله يوم الخميس رحلتنا الى باريس و بعد باسبوع الى سويسرا
كيف ما فهمت شنو يعني 2013
انا تاريخ سفرنا 14 سبتمبر 2012
حلو ..لا كنت افكر ان التخطيط راح يكون للسنة الجاية ..لأني كنت خايف ان الرحلة تكون بعد 21 سبتمبر ..واغلب الانشطة السياحية تكون مقفلة.
و بالنسبه لموضوع ايجار السيارة انا حاولت اقنع زوجي بس احس ما دخلت بباله الفكره
و احنا وصولنا لبازل محطه القطار من باريس ما راح نكون في مطار بازل
تنقلاتنا الداخليه من منطقه لاخرى عن طريق القطار
طيب بحدود كم تتفاوت اسعار السيارات لليوم الواحد
اذا كانت التنقلات بالقطارات والباصات ..انصحكم باخذ السويس باس : وهذا شرح وافي له:
https://artravelers.com/p/re/62167
السيارة تختلف ..مثلا من موقع تأجير سيكست :
http://sa.sixt.com/
لمدة اسبوع ..ارخص سيارة ب 1200 ريال ..يعني في حدود 170 ريال يوميا
شاملة اقل تأمين + الدفع الان + ضريبة الطرق + كيلومترات مفتوحة.
والسيارة فولكس واجن بولو.
انا حطيت اسبوع افتراضيا يعني من يوم 14 الى 21 سبتمبر.
===========
المعذرة مرة اخرى للخطأ المطبعي ..واي استفسار اخر نحن حاضرين.
وبالتوفيق

ههه ترا استحيت و انا اكتب اقول لا ما يصير اقول يمكن كلامه صحيح بالمحطه الغربيه و احس نفسي اتفلسف و كذاا يالله الحمد لله هنا فائده القراءة و الاطلاع ^^
و مشكور مرة ثانيه
و بالنسبه للسيارة سعرها وايد حلو انا على بالي قيمتها لليوم الواحد بحدود ال 500 ريال
و تتوقع وين اقدر استلمها فيه قريب لمحطه قطار انترلاكن مكتب التأجير او اني استلمها بالتوقف حقي في محطه قطار بازل
و ان شاء الله نقدر نطلع الرخصه الدوليه لانه موعد سفرنا الخميس تتوقع فيه مجال صح
لانه حسيت صح سعر السيارة وايد بيوفر علينا و في حال ما اخذنا سيارة راح ناخذ السويس باس من محطه بازل
و الشكر موصوول لك اخوي ^^

هلا والله ..ولا عادي خذو راحتكم ..
بالنسبة لأستلام السيارة من محطة قطار بازل تستلموها ..وتحتاجون الى بطاقة فيزا ورخصة دولية.
الرخصة الدولية تطلعوها من اي مكتب سياحي..ممكن تتأخر صحيح ..عشر دقايق ربع ساعة في اسوأ الاحوال...وخلاص وهي جاهزة.
اهم شي ما يكون فيه مخالفات .
وتحتاجون صورتين شخصية ايضا لها لصاحب الرخصة.
طيب السؤال ..كيف تروحون للانشطة في سويسرا ..والفنادق والمدن وغيرها ؟؟
هل مجهزين القارمن والاحداثيات ؟؟
والا راح تاخذون سيارة مع نظام الملاحة موجود فيها ؟؟

ههه
شكلنا بنرجع للقطارات و معاها سويس باس اواحد من انواعهاا
لانه فيه مخالفاات >_<
كل الشكر لك اخووي ما قصرت و الله

ما يمنع انكم ما تسألو ..شوفو الموضوع عند مكاتب السفر والسياحة ..وممكن يمشيها لكم..
لأني اطلعها من مكتب العطار ..وممكن فيه مكاتب ثانية ما تشترط تسديد المخالفات .
والله ييسرها لكم.
=========
بالنسبة للسويس باس ..الانسب لكم هو السويس سيفر باس لمدة ثمانية ايام...لشخصين .
وهذا الموضوع يفيدكم:
http://www.myswissalps.com/swisspass.asp?lang=EN
وبالتوفيق