سؤالي ايهم احلا مناظر وطبيعه واشياء غريبه تستاهل الزياره اسبانيا ام ايطاليا ؟؟
وهل تكلفت السفر قريبه من بعضها ؟ ام واحده اغلى من الاخرى ؟
وكم تقريبا ستكلف الرحله لمدة 17 يوم في اول شهر 8 ه؟؟ وكل شي بحدود الوسط دون المبالغة ؟؟
السلام عليكم
اكتفي بالاجابات عن هذه الاسأله
طبعا كل دوله لها معلمها الخاص وتمتاز عن الاخرى لكن بوجهة نظري المتواضعه البلدين تستاهل الزياره لقربهما من بعض
بخصوص الطيران فتكلفته بسيطه لكن لتأكد تعطيني تاريخ السفر من اي منطقه في ايطاليا لاي منطقه في اسبانيا
اما اجمالي مصاريف السفر فهو يعتمد على المناطق الي راح تزورونها
ولو تذكرين تاريخ السفر بالميلادي احسن ومن اي دوله
تقبلي مروري اختي

يعني خلال 17 يوم استطيع الالمام بجميع المدينتين؟؟؟ بس احتمال تزيد التكاليف او كيف؟؟
السفر راح يكون بتاريخ 30 يوليو 2011 وماياثر لو تقدم او تاخر يوم00
الرحله تبدا من مطار الرياض لاي مدينه اسبانيه سواء مدريد او برشلونه00
المهم نزور العاصمه والمدن الساحليه والمدن التي تحوي مناظر تستحق الزياره00
ابي تقريبا التكاليف راح توصل كم؟؟ اذا مناسبه فاني ابدا بوضع خطه وبرنامج مناسب0
وشكرا مجددا

اختي خليني اسهل العملية عليك
متى راح تسافرين اسبانيا ؟
متى راح تتقلون من اسبانيا الى ايطاليا ؟
ممكن التاريخ احسن ؟
هل تودون العوده من ايطاليا الى الرياض ؟
وبعدين نروح للاماكن الي ودكم تزورونها وتحددين خط سيرك
تكاليف الدولتين اهون من فرنسا
كم عدد الاشخاص ؟
تحياتي لك

اختي خليني اسهل العملية عليك
متى راح تسافرين اسبانيا ؟
سبق وقلت 30 يونيو 2011 يعني 28 -7-1432ه
متى راح تتقلون من اسبانيا الى ايطاليا ؟
حسب البرنامج اذا اسبانيا فيها اماكن حلوه كثيره ممكن نكتفي فيها
اذا يكفي فيها 8 ايام اووك نجلسس فيها 8 ايام وايطاليا 8 ايام00 حسب التكاليف
ممكن التاريخ احسن ؟
احتمال 7 يوليو 2011يعني 6 - 8- 1432ه
هل تودون العوده من ايطاليا الى الرياض ؟
اذا رحنا لها اووك مو مشكله تكون هي اخر محطه ويكون خط الرجوع منها
وبعدين نروح للاماكن الي ودكم تزورونها وتحددين خط سيرك
تكاليف الدولتين اهون من فرنسا
كم عدد الاشخاص ؟
شخصين وطفل عمره سنه وشهرين
تحياتي لك
شكرا

طيب مادام حددنا التواريخ للسفر جميل جدا..
خليني انبهك على كم شغله مهمه لتحديد خط سيرك ..
الحين اذا تبين تحجزين من الرياض الى اسبانيا .. اي مطار في اسبانيا تبون تروحون له .. مدريد .. برشلونه .. ملقا ..؟
واذا كنتم تبون تروحون من اسبانيا الى ايطاليا . اي مطار في ايطاليا .. هل ميلانو .. روما .. فينيسيا ..؟
طيب واذا كنتم تبون تردون من ايطاليا الى الرياض .. اي مطار بتقلعون من ايطاليا ..
اول شغله خليني افيدك قبل لاتردين .. تحتاجين جدول كتالي ..
خط سير توضيحي فقط (مثال لجدولك)
الرياض الى مدريد ..
الجلوس في مدريد يومين .. والذهاب بالقطار الى برشلونه .. والجلوس فيها 6 ايام ..
والطيران من برشلونه ..الى ميلانو والجلوس في ميلانو يومين .. والذهاب الى فينيسيا يومين .. والذهاب الى روما 4 ايام
والعوده من روما الى الرياض ..
فالحاله هذي علشان تكونين ملمه بالمناطق تحتاجين قراءه تقارير الاعضاء ونحدد وجهت سيرك .
ماعليك الا الاطلاع على التقارير
بخصوص السكن فموقع بوكنق يعطيكم ارخص اسعار الفنادق وانتم تحددون المبلغ المطلوب والمنطقه الى تبونها
بخصوص الطيران الدولي .. ممكن تحديد ارخص الاسعار لوجهه واحده من خلال هل الموقع
http://www.bravofly.com/vg1/flights.do
ماعليك الا تدخلين البوابه الاسبانيه والايطاليه وتشوفين التقارير والاستفسارات فتكونين ملمه بالمناطق .
ممكن يعجبك تقرير احد الاخوان او الاخوات
هذي بوجهة نظري المتواضعه
او تستنين احد الاخوان يضعلك جدول .. شي راجعلك
بالتوفيق

يعطيك الف عافيه ماقصرت
شكرا

سمو سمو
العفو ماسوينا شي والله انه ودي احط جدول لكن انا محتر جد
لكن مبدئي الجدول اقدر اقترح
فينسيا يومين ميلانو يومين روما اربع ايام والطيران من روما والذهاب الى ملقا والجلوس 7 ايام وزيارة المناطق القريبه منها مثل غرناطه ومن ثم الذهاب الى برشلونه والجلوس 4 ايام والعوده للديار او مدريد تجلسون يومين
بالتوفيق ان شاء الله