bu-fatoma
اخوكم من الكويت بحاجة لنصيحتكم
انا مخطط اروح بإذن الله للعمرة في شهر صفر
وبسيارتي مع الاهل
بس الحين انا ودي اسافر بالطيران للأسباب خاصة
فقلت ابي اسافر بالطيران السعودي الداخلي
من الدمام إلى جدة
المهم
دخلت على موقع الخطوط الجوية السعودية
لقيت تذاكرنا = 3588 ريال
ودخلت على موقع طيران ناس
ولقيت تذاكرنا = 2370 ريال
يعني الفرق = 1218 ريال
يعني بالكويتي = 95 دينار تقريبا
وهذا مبلغ مو هين
السؤال بارك الله فيكم
اطير على الخطوط السعودية ولة على طيران ناس؟
وسؤال ثاني ما عليكم امر
سيارتي وين اوقفها بالدمام؟
بالمطار ولة في مواقف خاصة ومضمونة؟
بإنتظار نصايحكم وإجاباتكم
وجزاكم الله خير
عليكم السلام اخوي
والله بالنسبه للطيران كله زين بس ناس لها شروط يعني احيانا لما تغير الرحله لازم تدفع رسوم اذا الغيت الحجز لسبب ما ماترجع فلوسك على مااظن بس والله فيه ناس راحوا عليها يمدحونها
سيارتك تقدر توقفها بمطار الملك فهد على مااظن انه الساعه بريال فقط

الله يوفقكم للعمره ويسر أموركم
طيران ناس ممكن تتأخر ومثل ماقالت فاررسه مشاكلهم كثيره
مواقف المطار الساعه بريال والحسابه بتحسب

يعني اقط الف ريال زيادة
واسافر على السعودية؟
مشكورين يا اخوان وما قصرتوا

تم الحجز على الخطوط الجوية السعودية
ب 3588 ريال = 273 دينار
والمبلغ الي استقطع من الفيزا
0دينار!!!

اشلون قيمته كذا اشخص ب 800ريال
وانت شخصين انت وزوجتك يعني 1600ريال
والموقف مضمون والساعه بريال اربعه وعشرين ساعه 24 ريال
ونصيح السعودي
ناس لا تقرب ولا سما بعد
ورحله موفقه

الاخ استغفر الله
الحجز حق 4 بالغين وطفلة ورضيعة

اخي الكريم .. القرار باختيار طيران اقتصادي او طيران عادي قرار اقتصادي بالدرجة الاولي فليس هناك مجال للمقارنة بينهما .
طيران ناس طيران طائراته جديدة - مواعيده منتظمة خصوصا للمدن الرئيسية يعيبة : المساحة المخصصة للارجل ضيقة لذلك لا ينصح اصحاب الاوزان الثقيلة - عدم القدرة على استرجاع المبالغ النقدية حال الغاء السفر - يتم تعديل الحجز لقاء رسوم نقدية - الوزن المتاح اقل من الخطوط السعودية .
ناس خيار بديل للسفر اراه مناسب ولكن ان لم تكن الماده عبئا فالخطوط السعودية افضل .
عمره مقبولة مقدما

الأخ الكريم fowzi15
شكرا على الرد
وسؤال بارك الله فيك
كم الوزن المسموح فيه بالرحلات الداخلية على السعودية؟
وجزاك الله خيرا

bu-fatoma
أحسنت الأختيار
الشركات الأقتصادية عندنا ، تطير على مزاجها ، تقول ليموزينات مو شركات طيران ..
>> اسئلني عنها ، كم مره انلطعت بالمطارات والسبب طيران ناس وطيران سما
المفروض اذا مافيه لها تشغيل مثل الناس ، ليش يعطونها تصريح طيران .
وانا افضل ادفع زياده واضمن رحلتي ، والضامن رب العالمين ..
وتروحون وترجعون بالسلامة يارب ..
ومثل ما قالت لك الأخت فاررسه ، المواقف سعر الساعه بريال ، والمواقف مظلله ، وللأسف مافيه مواقف مجانيه ، ونصيحة أعرف رقم الموقف وخذ الرقم وأي دور ، لأن الأغلبيه ينسون وين موقفينها .
تحياتي ..