اخوي توكل على الله الامور ابسط مما تتصور
بالنسبه للحجز انصحك بالسنغافوريه كل ماحجزت مبكر حصلت سعر افضل
الجو الحين صيف لكن يظل بارد لابد عند الخروج من جاكيت احتياط
بختصر جاكيتين بالاضافه لعدد من الملابس
اما الاكل فيشبع ولاشك عندك خيارات من مطاعم وجبات سريعه الى هندي ايراني تركي والاسعار معقوله
بالنسبه للابتوب لاتخاف
اخيرا هاملتون صغيره وجميله كباقي مدن نيوزيلندا

وعليكم السلام ورحمة الله وبركاته
يا هلابك أخوي سلطان
انا مسافر بعد شهر و10 ايام ان شاء الله لنيوزيلندا لمدينة هاميلتون وابدخل معهد وايكاتوا بجامعة وايكاتوا بس عندي اسئله
الله يوفقك وييسر لك أمرك إن شاء الله
منها الجو وماادري اجيب من اللبس صيفي والا شتوي محتار واذا كان برد هل بردهم قوي بالحيل يعني تحت الصفر
اتوقع الأجواء بتكون دافئه نوعاً ما . . بس إحتياطاً خذلك صيفي وشتوي . . لأن الفصول عندهم عكسنا إذا عندنا شتاء عندهم صيف والعكس . .
ثانيا وش رايكم بمدينة هاميلتون ؟؟
للأسف ما عندي خلفيه عنها وياليت تبحث عنها في محرك بحث المنتدى
وثالثا اللاب توب هل يصادرونه اذا كان البرامج فيه مقلده
علما ان نسخة الويندوز اصليه ....
لا . . على ما سمعته من تجارب الأخوان
وش تنصحوني بمكاتب الطيران ؟؟
وهل هناك مكاتب خطوط بالرياض للكاثي سيفك والسنغافوريه ؟؟ واسعارهم الله يخليكم
المكاتب اعتقد الطيار ممتاز بس ما قد جربته . .
شيكتلك ع السنغافوريه على رحله ذهاب وعوده تنطلق 22-2-2010 على رحلتين عوده واحد بعد شهرين ونص والثاني بعد 6 شهور أسعارها متقاربه 6600 تقريباً
ذهاب فقط 4000 ريال
والاكل عندهم هل هو يشبع والا لا اقصد دسم مثل اكلنا بالسعوديه
الأكل مشاكل مشاكل :d على حسب العيله اللي بتكون عندهم وأغلب أكلهم يكون مسلوق