السلام عليكم
من ناحية وعر ماهو وعر لكنه كله تحويلات وهو اصلا كذا من 20 سنه ماعمره يخلى من التحويلات
ولا يخلي من بعض الملاهي البسيطه اقصد حفر انا مره انعدم عندي الجنط غيرته ب 750 ريال
والأيام هذي يكثر الضباب اخر الليل يبي لك تنتبه ولا الخط عادي تمشي باليل هاي وي

والله اخوي انا مااعرف غير طريق ابوحدريه لما رحت الكويت برمضان كان فيه طريق خط واحد مسافه تقريبا 50 كيلوو وكله قطعناه بالليل روحه ورجعه الله الحافظ هو خطر صح بس الواحد لازم يمشي بشويش وبالنهايه اللي ربي كاتبه بيصير

إذا أول مرة لك على خط أبوحدرية الأفضل أنك تمشي نهار لأن الضباب هاليومين ينزل بشكل عنيف إلى درجة أن الرؤيا تصير متر واحد بس
يعني طرف كبوت السيارة ماتشوفه
أما من ناحية الطريق ففيه تحويلات ولكن عادي
أفضل شي مشية النهار فيه لوجود التحويلات والضباب

أبو حدرية كله تحويلات ومكسر جزء منه ، الأفضل تمشي الصباح وتوصل بالسلامة يارب

طريق ابوحدريه تم الانتهاء تقريبا منه الان الطريق ممتاز بصراحه بس من الخفجي الى الدمام طريق امن باذن الله يمكن باقي تحويله وحده اذا ماانتهوا منها ..
الاربعاء هذا ابمر مع الطريق ان شاءالله واشوف ..

مرحبتين يالغالي
انا اقدر ان شاء الله افيدك اكثر
بحكم عملي انا امسك الخط هذا يوميا من السبت الى الاربعاء
الخط من الكويت الين مفرق النعيريه في ثلاث جسور تحت الانشاء وفيها تحويلات
ومن مفرق النعيريه الين ماتوصل للدمام الخط الحمد لله ممتاز ولا فيه اي مشكله غير عند مدخل الدمام في نحويله طويله شوي يبيلك تنتبه منها
غير كذا سهالات ان شاء الله
لاتنسى دعاء السفر وتوصل ان شاء الله بالسلامه

طيب ممكن اعرف كم المسافه من الدمام للكويت

اخوي اتكل على الله..
وتبي نصيحتي السفر لازم مع شخصين..
ويفضل يكون الاخير صاحي وواعي لينبهك
من مفاجئات
الطريق في حال تركيزك على القيادة..
بالفعل الخط من بعد النعيرية لدمام اوكي
ورحلة موفقة..