حياك الله اخوي .. انت وولد عمك وخالك . نتشرف بكم
اولا متى موعد السفر ؟؟؟ اللغه تعرف شيئ بسيط ؟؟ كم يوم مدة السفر وتقريبا كم ميزانيتك ؟؟؟
وابشر بشهر عسل حلو ... ومبروك مقدما

يعطيك الف عآفيه اخوي ويجعلها ربي بميزان حسنآتك
زوآجي رآح يكون بنهاية شهر 7 يعني احتمآل بروح في بدآية شهر 8 وبالنسبة للغه مو ذاك الزود يعني اعرف بعض الكلمآت اما بالنسبة لمدة السفر تقريبآ من 12 يوم او 14 يوم
وبالنسبة للميزآنيه حدود ال 23
والله يبآرك بأيامك وعقبآلك اذا انت مو متزوج وأذا متززوج الثانيه ان شاء الله

بالنسبه لوقت سفرك حسبتها قبل شوي رمضان السنه الجايه راح
يكون 1 اغسطس يعني صعب تروحون للنمسا برمضان
يفضل تخلونها باجازه العيد يعني شهر سبتمبر او اكتوبر الجو روعه
تحياتي لك

سوري يا الغلآ ما فهمت عليك انا مآ راح أخذ شهر كآمل انا بروح 14 يوم بالكثير
يعني من بدآية شهر 8 هجري وبرجع قبل< بدى آ يتح‘طم

انا فكرتك تتكلم 8 بالتاريخ الميلادي بس بما انك تقصد بالهجري راح يكون بدايه شهر يوليو يعني ممتاز
خلي رحلتك على ميونخ ذهاب وعوده
ميونخ - سالزبورغ - كابرون - ميونخ
هذا افضل مسار
ميونخ ليله - سالزبورغ ثلاثه ليال - كابرون 7 ليال - ميونخ 4 ليال
المجموع 15 ليله يعني 16 يوم وممكن تنقص يوم من كابرون اذا تبغاها 14 ليله او تضيفها لميونخ
ويفضل استئجار سياره من ميونخ وارجاعها في ميونخ
بالنسبه للميزاينه ماعندي خبره
والخطوط شوف الاتحاد او الاماراتيه مميزه جدا
وعندك التركيه تنزل لميونخ بس مو ذاك الزود يعني ما في فخامه وتكنلوجيا الله بالخير

يعطيك الف عآفيه يا غلآي ومشكروه ما قصرتي
بس انا ابي جدول للرحله كآمله يعني مثل ما تفضلتي وعطيتيني خط السير بضرب لك مثآل :-
مثلآ من الريآض او اي مدينة الى ميونخ وبرتآح فيها اول ليلة في مثلآ الفندق الفلآني وبعدين تطلع عن طريق مثلآ التآكسي وتروح لمدينة ثآنيه وتروح للمكآن الفلآني وكذآ
أتمنى تكون وضحت لك الصوره لأني والله مآ اعرف شي ولا عمري رحت هناك حتى خطيبتي لمآ قلت لها بنسآفر
قالت بكيفك بس دول شرق آسيآ ما نبيها
وحلمي أروح أي دولة بأوروبآ
وشآكر لك أختي مرورك لا عدمت اطلالتك
وردتي ..~

يفضل اول شي تحجز الخطوط وبعدها نتاكد من مخطط السير اللي راح يعتمد على حسب حجزك
وبعدها راح اعطيك خيارات للسكن في كل المدن والبرنامج اليوم تقدر تشوف التقارير الموجوده بالقسم مليانه واكيد اخوي علي يقدر يساعدك بالبرنامج

آفآ وينكم يا مشرفين ويآ أعضاء الخبره
وربي محتآر ومحتآج مسآعدتكم ابي شخص يوضح لي كل شيء
فيه واحد عرض علي يقول مكاتب السياحه تسوي لك جدول
بس على كلآمه انهم يأخذون اكثر وما ابي هالشيء
ابي شخص فاهم ويسآعدني تكفون
ابي توضحون لي الصوره من الألف الى الياء
من اول شيء اسويه الى حد ما ارجع للسعوديه
من طلبآت والحاجات الآزمه الي لابد منها وشرح عن طريقة الفيزا
( لأن فيه شخص عرض علي خدمة من البنك الأهلي بس والله ناسي اسمها بالضبط نفس الفيزا وافضل الي هي بطاقه واحط فيها مبلغ معين لكن ما ادري شنو اسمها بالضبط )
انتظر مسآعدتكم لا تبخلون علي

هلا فيك ..
موجودين بارك الله فيك الاخت بنت حواء رسمت خط سير جيد جدا ..
اذا ما تحب تأجر سياره .. الافضل كم ذكرت .. تبدأ بميونخ ليله للراحه ثم الى سالزبورخ 3 ايام بالقطار ثم الى زيلامسي 4 ايام بالقطار ثم الى ميونخ 4 ايام بالقطار..
هذا هو المخطط .. الطيران السعودي لا ينزل ميونخ ... لازم اتشوف طيران ثاني ..
ثالثا لازم تعرف لع=غه تمشي حالك فيها بالقطارات والباصات وحتى الفنادق ..
رابعا ما ذكرته من فيزا .. هذي اسمها فيزا مسبقة الدفع .. ولازم اطلع الفيزا العاديه كحتياط وتكون محفورة الارقام ..
بعد هذي المرحله لما تحجز التذاكر نختار الفنادق ثم الاماكن السياحيه ..
والمهم اخوي انك اتشوف التقارير المووجوده بهذه الموضوع او غيره
https://artravelers.com/p/re/101660
لانك اعتقد ما شفت بعد بعض التقارير المهمه ....
تحياتي