وعليكم السلام ورحمة الله وبركاته .. حياك الله أخوي وأبشر الجميع ما يقصروا
إن شاء الله ..
لو وضعت تاريخ الذهاب والعودة حتى يكون عدد الأيام واضحة ومحددة بالضبط فهل
6يوم شاملة أيام الذهاب والعودة !!
على العموم حتى ترد علينا أقترح عليك المدن التالية :
جاكرتا -- باندونق -- الجبل&بوقور وبعد معرفة الرد نقسم الأيام ونعطيك الخيارات
بالنسبة للسكن وياريت تحدد ميزانيتك ..
الله يحفظك للوالدة ..

حياك الله اخوي الله يجزاك خير الجزاء ويعطيك كل ماتتمنا وان شاء الله ماراح تقصرون كلكم خير وبركه
بالنسبه للذهاب بتاريخ 1 شوال الاقلاع الساعه 12 يعني نعتبر دخلنا ب 2 شوال
مايعادل بالميلادي 18 اغسطس الساعه 12 ونعتبر دخلنا ب19 اغسطس
والعوده بتاريخ 2 سبتمبر قابله للزياده يوم او يومين او ثلاثه
وبالنسبه لميزانيتي متوسطه بالمعقول لا اقتصاديه ولا مسرفه ومبذره
خصوصا بعد التذاكر لا حول ولا قوة الا بالله سعر التذكره على السعوديه 4200 ريال
والله يوفقنا وياكم يارب ياكريم

جزاك الله كل خير وبارك فيك على دعواتك الغالية ..
شف يالطيب 14-15 يوم صافية مناسبة جداً للعائلة ..
توزيع الأيام :
جاكرتا 2
الجبل 6
باندونق 4
جاكرتا 3
السكن في جاكرتا وباندونق يكون في شقق فندقية بنظام 3 غرف وسوف أضع خيارات
والجميع ما يقصروا معنا إن شاء الله ..
الجبل السكن في فيلا وهذه تختارها من خلال البحث عنها مع السائق ..
من رأيي الاتفاق مع سائق خاص ينتظر بالمطار ويكون معك طوال الرحلة وهذا أفضل
كثيراً ومريح لك وللعائلة وهناك موضوع مثبت بأرقام السائقين ..
حجز السكن في جاكرتا مهم يكون عن طريق الإنترنت لأن وقتك أعياد وزحمة في
الحجوزات ..
تنقلاتك كلها بالسيارة بين المدن الثلاث .. لنا عودة إن شاء الله تعرف رمضان ومشغولين
ولكن الجميع فيهم الخير والبركة ..
مجرد رأي .. هل يمكنك تأجيل الرحلة في الحج فالأسعار معقولة جداً بالنسبة للتذاكر

بارك الله فيك اخوي al-mosbah واشكرك جزيل الشكر الله يحرم وجه والديك عن النار
بالنسبه لترتيبك مناسب جدا بس ماهي افضل الشقق الفندقيه بجاكرتا
وماهو افضل اماكن السكن بالنسبه لباندونق ؟؟
وبالنسبه للسائق رأي جميل يا اخي الكريم وسمعت ناس تقول لا تحاسب السواق كل يوم بيوم
اعطه حسابه بعد الانتهاء منه عند العوده للسعوديه لكي لا يتركك ولا يرد عليك على الجوال عند الحاجه
وبالنسبه لرأيك عن عطلة الحج للاسف ضروفي لا تسمح الا بهذا الوقت
صحيح ان قلبي تقطع على قيمة التذاكر ههه طلعت قيمة سياره بس التذاكر
لاكن وش نسوي لجل عين تكرم مدينه والاهل لهم حق علينا
لذلك قلنا نروح وامرنا لله

بارك الله فيك والأهل لهم حق علينا وواجب وجزاك الله كل خير وخيركم خيركم لأهله والله يعوض
عليك ويرزقك ويسعدك ..
أخي الكريم بالنسبة للسائق حسابك معه يومياً يعني نهاية اليوم تعطيه حسابه عن اليوم وهذه
هي الطريقة الأفضل وإذا تضايقت منه تبحث عن غيره ويكون معك أرقام أخرى وإن شاء الله
مشكلة السائق سهلة فهناك تجد سائقين ولكن المهم بداية الرحلة يكون بينكم تنسيق وأتوقع يستمر
معك طوال الرحلة من خلال مجموعة السائقين المثبتة أما حسابه بنهاية الرحلة قد لا تجد من يقبل
ذلك ولك أن تجرب مع السائق إذا وافق ..
خيارات السكن ياريت تزور هذا الرابط لتجارب الأعضاء في السكن وإن شاء الله يكون لنا
رأي بمشاركة الجميع بعد ذلك ..
خيارات السكن من فنادق وشقق ومنتجعات في إندونيسيا من خلال تجارب الأعضاء https://artravelers.com
وهذا جدول عائلي يمكنك الاستفادة منه وحذف بعض المناطق منه وتقليل المدة والمهم
ترتيب الاماكن السياحية تستفيد منها ..
https://artravelers.com

جزاك الله خير والله يوفقنا وياك يارب
سيتم الاطلاع عليه بأذن الله اليوم