1. 5.كيف يكون سير الرحله ...وش نروح أول ؟؟


2. ج/ فرنسا .. وبس ..

9آلاف ريال = 1914 يورو !!
ماتسوي شئ . سواء في فرنسا أو في أسبانيا ..
خلنا نفترض 10 ليالي في فرنسا .. تطلع الليلة تقريباً ب 120 يورو . يعني بالريال تقريباً 5700 ريال ..
التذاكر .. على القطرية أو الإماراتية . مايعدون ال 2500 ريال ..
يعني الحين صار 5000 ريال للتذكرتين + 1500 خلنا نفترض للياهل .. + 5700
= 12.200 .. خلنا نقول 12.500 ريال .. للتذاكر والسكن
بشرط . أنكم تحصلون فندق أو شقق ماتزيد عن 120 يورو .. في اليوم ..
فرنسا فيها متاحف اللوفر ومتاحف كثيرة . لمحبي الآثار ... ويامكبر متحف اللوفر .. والله كبير من قلب ..
أما عن أسئلتج :-
1.ممكن نروح الديرتين ونستمتع بأفضل مافيهم بهذي الميزانيه ؟؟
ج/ أعتقد يصير . بس تكون (4) ليالي في فرنسا و (4) في أسبانيا .. بس ما أعتقد تكفي علشان تنبسطون ..
2.هل من الأفضل نروح لوحده منهم .. وايش تقترحون ؟؟
ج/ فرنسا .. ما في أي كلام .. وأيضاً أسبانيا حلوة .. وأرخص من فرنسا بالنسبة للسكن والمعيشة .. بس بنسبة بسيطة ..
3.بالنسبه للفيزا .. هل فيه فيزا تشمل الدولتين ؟؟ ولا كل وحده لها فيزه لوحدها؟
ج/ فيزا الشنغن لازم تاخذينها قبل السفر بشهر .. لأن الفيزا تاخذ أقل شئ 14 يوم في السفارة .. والشنغن تقوليلهم أبيها . متعددة الدول . يعني تقدرين تسافرين إلى أسبانيا والبرتغال وفرنسا وألمانيا والنمسا وغيرها من الدول الي في الاتحاد الأوروبي بفيزا وحده ..
وكم تستغرغ من الوقت ؟؟..وايش أفضل ديره نطلع منها الفيز؟؟
ج/ السفارة الفرنسية والألمانية والأسبانية . كلهم نفس الشئ ..
4.يصلح نستغني عن السفر لأسبانيا بالطياره ونروح بالقطار؟..كم المده؟؟..والتكلفه؟؟
ج/ نعم يصير . وبتكون أرخص . لكن متعبه في نفس الوقت . لأن أسبانيا بعيده شوي . صحيح أنها مع حدود أسبانيا . لكن بالراحة 5 ساعات بالقطار أو أكثر ..

5.كيف يكون سير الرحله ...وش نروح أول ؟؟

ج/ فرنسا .. وبس ..

6.بالنسبه لفرنسا...بس نجلس في باريس ونشد أرضنا ؟؟..مافيه مدن ثانيه تستحق الزياره؟؟؟...وبالنسبه للغه انا اعرف انجليزي بس الوهقه ان كل لوحاتهم الارشاديه فرنسي ...يعني احس ان حنا بنمشي ولا ندري وين الله قاطنا فيه ..وش الحل؟؟
ج/ بالعكس .. أنا بروحي ماعرف أنجليزي . بس أمشي حالي تمام معاهم . وكنت متخوف من هذه النقطة . وأسألي درجة أعمال عني .. هاهاها ..
وأعتقد باريس تستحق الزيارة لمدة 14 يوم . دون ملل أو كلل ..
7.ايش هالحوسه عندهم ..ميترو وباص و اندر جرواند ؟؟...وش سالفتهم ذولا؟؟ وش الفرق بينهم ؟؟ وايش الأفضل؟؟..وايش الأرخص؟؟؟
ج/ الأندرجراوند نفس الميترو .. يعني مثل (البعير والجمل) .. نفس الشئ هاهاهاها
أما عن الباص فأنا ماستخدمته . لأن أعمادي كله على الميترو .. سهل وبسيط .. وسريع ورخيص بعد ..
يعني رايح جاي يكلفني تقريباً 3 يورو و 70 سنت . لشخصين .. بعكس التاكسي ..
8.وبالنسبه لمطاعهم ..اكلهم حلال ولا لازم نسأل؟ وايش أفضل المطاعم الغاليه والحليوه

الحين ميزانية السكن والتذاكر 18000 ومصروف اليد 9000 يعني 27000
وشكله بومحمد حسبها 18000-9000=9000 ههه
الرجاء التوضيح من الاخت سحابه لانه صارت خسبقه في الحسبه يعني سلطة

والله نصيحة لاتروحين بهالميزانية الا دولة وحدة ولمدة اسبوع اصلا اذا كفت..خصوصا فرنسا كا مالها تعلى اكثر واكثر والمطاعم الفاست فود بتدفعين 30 ريال على ساندويش من غير بيبسي ولا شيبس شلون المطاعم الثانية..والله ان البيتزا الكبيرة من بيتزا هت ب80 ريال ناخذها ولو تبين المطاعم الغالية والزينة بتدفعين 1600-2000 ريال في الوجبة (والله عن تجربة) اصلا ديزني بروحها يبيلك 1000 ريال من تذاكر واكل والعاب وملابس واغراض راح تلقينها..كل شي غالي في فرنسا حتى تحميض الفلم ب120 الحين يمكن اكثر لاني مارحت من سنة ونص..

تكلفة أسبوعين في سويسرا وفرنسا تقريباً من 22000-28000 ريال في فنادق 3-4*
شاملة التذاكر والسكن والمصاريف ( عن تجربة )

الميزانيه ماتصلح الا لمدة اسبوع ولدوله واحده ..انصحج بأسبانيا لأنها ارخص من فرنسا
انا قريبتي راحت شهر العسل هي وزجها بس لفرنسا 10 ايام واسبانيا 5 ايام وكان مجموع الصرف شامل التذاكر+ والفندق 4 نجوم + الاكل والشرب والتنقل كان 50000 رق مع العلم انهم ماتسوقوا
هذا رايي واتمنى لج رحله سعيده

لا .. التذاكر والسكن في فنادق لاتتجاوز ال 120 يورو .. لمدة 10 ليالي . راح يكلف
2-500
يعني أقل من المتوقع ..
8-000 - 12.500 = 5500 ريال .. صافي الأرباح .. شدخل هاهاها
0+ 9000 = 14.500 ريال .. (مصروف اليد) ..
يطلع حوالي ( 3085 يورو ) ..
أعتقد الحين ترتيب الفلوس تمام ..

يالربع لاتخرعونها ..
كل واحد وحسب معيشته . وين يروح وين يجي ... يعني لو كله أكل في مطاعم غالية وراقية . أكيد الحساب بيكون 100 - 200 يورو بالراحة ..
ولو في مطاعم عادية مثل بيتزا بينو راح يكلف تقريباً للبيتزا الوحدة 16 يورو .. ووللكولا ب 5 يورو .. يعني أقل من 50 يورو تقريباً لشخصين ..
ومطاعم كويك وماكندونلدز . تقريباً لشخصين ب 13 يورو ..

اخوي بومحمد احنا بالعكس مانخرعها بس فعلا فرنسا جدا غاليه وبعدين احنا ننصحها علشان تعمل احتياطاتها وماتنصدم بالوضع وتتمتع بسفرتها بدون ماشي ينقص عليها
وكلنا نتمنا لها التوفيق بالسفره