مساء الخير للجميع ..
الله يعافيكم انا ابغى أسافر لأوربآ لأول مره . يعني ماأعرف شي عنها
لذلك أبغى فزعتكم يالغالين .. برنامج من والى باب بيتنا
اولاً الرحلة تبدأ بتاريخ 21/4/2009 الى 1/5/2009
بسآفر انا وزميلي فقط
ماهو افضل وانسب طيران ؟ وكم سعره ؟ ( طبعا من الرياض)
الرحله ابغاها تكون يوم الثلاثاء لذلك الثلاثاء راح يكون طريق وسفر والبرنامج المفروض يبدى الاربعاء الى يوم الخميس .. علمآ بأن اخر يوم ونصف لازم اكون في ليدز لزيارة أصدقائي هناك ومن ثم العوده ..
يعني أبغى برنامج من يوم الاربعاء حتى الاربعاء بين لندن وباريس ومانشيستر
وماهي أهم المعالم اللي لازم ازورها في هالمدن ؟
وماهو السكن المناسب فيها ؟ يعني ابغى سكن متوسط ونظيف وآمن ويكون مو غالي مثل فندق 3 نجوم تعرفون الميزانية
ماهي الميزانية المتوقعه بدون التذاكر .؟ وكم المصروف اليومي المتوقع لسآئحين إثنين دون السكن يعني اكل وتنقلات وماشابه .؟
كم أسعار العملات هناك وكم تساوي بالريآل ؟
وماهي الأجواء غالبآ خلال هذه الفتره في هذه المدن ( يعني ناخذ ملابس صيفيه او شتويه ) ؟
أخيرا اللي عنده نصائح او ارشادات لايبخل علينا الله يعافيه .. وكذلك اللي عنده اقتراح اخر لسير الرحله او تغيير احد المدن اكون شاكر له .؟
والف شكر لكم مقدمآ ...