نصيحتي لك ... رح أنت والمدام ... والجنين... وكمل سؤالك بسؤال ثاني عن المستشفيأت

اخي الكريم كم المدة اللي بتقعد فيها ؟
و كم الحد الأعلى للميزانية ؟

1. وخصوصا اذا ناوي تدفع تكاليف الولادة هناك مو رخيصه مره

السلام عليكم بناء على تجرتبي
اختار الولايه اللي تحبها
بس حاول تختار المدن الصغيره وابعد السنتر يعني
اختار المقاطعات الصغيره
وابعد عن نيويورك
غاليه جدا
ونصيحه موضوع الولاده مو سهل حاول تنزل انت والمدام
وخلي باقي افراد الاسره في بلادك
وخصوصا انك تبي اقل تكاليف
وكل ما كثر عدد الافراد كثرت التكاليف في المعيشة والسكن والاكل والشرب والطلعات

وخصوصا اذا ناوي تدفع تكاليف الولادة هناك مو رخيصه مره

حتى اذا عندك تأمين يغطي نسبة معينه من تكاليف الولاده وباقي المصاريف عليك.
غير ان البيبي بعد ما ينولد لازم له رعاية ومتابعة عند دكاتره الاطفال للتأكد من صحته قبل مغادرة الولايات المتحده حتى الام يبيلها مراجعه او اثنين بعد الولاده عند الدكتور للتأكد من سلامتها قبل المغادره للبلاد

• نقطه ثانيه باقي افراد العائله الخمس يعني من بيخدمهم

غير الام المسكينه يعني هي والده ولازم ترتاح بعد الولاده وتاكل زين تبي من يخدمها ولازم يكون الطفل الجديد معاها 24ساعه علشان الرضاعه.وتبديل الملابس.
غير انك ما بتكون فاضي لها بعد الولاده لانك رح تفتر راسك على باقي اجراءات استخراج شهادة الميلاد
ثم تصديقها من السفارة الخاصه ببلدك عن طريق الارسال بالبريد (ضروري التصديق من سفارة بلدك عشان تقدر تطلع شهادة ميلاد بلدك وجواز ثاني عند رجوعك البلاد سعودي مثلا)
ثم اخذ نسخه منها وتقديم الاوراق الخاصه باستخراج جواز السفر الامريكي.
استخراج السوشيال سكيورتي نمبر (ياخذ له 6 اسابيع بروحه) ونصيحه اذا ما تبي تطول لاتستلمه وخلي خانته بجواز الطفل اصفار.عند تقديم الابليكيشن الخاص بجواز الطفل الامريكي.
والاجراءات هذي ماتاخذ أقل من شهر ابدا.اذا ما كانت اكثر من شهر.
يعني من رأيي
خلي موضوع السياحه
والوناسة بسفرة ثانية غير هذي وخلي العيال وباقي افراد الاسرة بالبلاد
وسافر انت والمدام بروحكم علشان انت تكون سند لها واذا حبيت تجيب احد جيب لها اختها او اختك او اي حرمه تقدر تاخذ بيدها وتساعدها هناك
والسفره هذي خلي تركيزك كله مع المدام بس
واي استفسار بخصوص الولاده انا حاضره
تحياتي

اخر العنقود سكر معقود
بالفعل هذا الكلام مع الإعتذار للزميله بخصوص الكلام اللي إقتصيتها أنا من مشاركتها.... والله يرزقهم بالنسل الصالح