هلا أخوي
انا أعطيك حسبه على نظامي أنا
لكن لازم تعرف تخطط صح و تعرف الديره كم تستاهل .. يعني عشان لا يندبل عليك المبلغ
الشخص الواحد لمدة اسبوعين و مبسوط ؟ 2000 دولار من غير التذكره
لو عرفت تخططها معانا او مع الشباب بالمنتدى تخطيط ممتاز راح تشوف ان المبلغ هذا مريحك عالأخر
تمنياتي لك بالتوفيق

talaga
مشكور اخوي على ردك السريع
يعني المعيشه في الفلبين بشكل عام غاليه ؟
الفنادق و التنقلات و المطاعم
معليش اخوي انا ابزعجك شوي لكن
اذا فيه امكانيه
تعمل لي تخطيطه بسيطه
للفلبين يعني فين اسكن الى اي مدن اذهب كيف طريقة السائق
من وين اجيب السائق
و ابي رحلات في الفلبين تكون بحريه وغابات وشلالات
يعني من الي يحبه قلبك
تخطيطه بسيطا اذا مافيه ازعاج
عشان انا استفيد و اعضاء المنتدى كمان يستفيدو
يعني اذا مو عشاني عشان اعضاء المنتدى
وشكرا

وادي الغضب
هلا بالحبيب .. انت تامر أمر طال عمرك ... و شأنك عزيز ان شاءالله
طيب انا بقترح عليك شغله بالبدايه و انت بكيفك
لأن كل شخص له مزاجه الخاص بالسفر
اقترح عليك بالأول تشوف الموضوع هذا و تقراه عدل .. و اذا ما ناسبك تعال و أبشر بسعدك ان شاءالله
https://artravelers.com/p/re/404579
بالنسبه للسواقين و الله انا شخصيا ما تعاملت مع سواقين نهائياً لكن الأخوان ممكن يفيدونك اذا عندهم معلومات..
و لنا عوده ان شاءالله

talaga
مشكور اخي العزيز وما قصرت كفيت ووفيت
وان شاء الله اقدر اخدمك في يوم من الايام
الله يوفقك

talaga
تلاقا مساء الخير ..
اتوقع تكلف اكثر من هالمبلغ 2000 دولار
طيب انت كم حطيت معدل مبلغ السكن اليومي تقريبا ؟

أخي العزيز أتمنى لك رحله سعيده
احجز فندق عن طريق النت فهناك فنادق حلوه
لديها عروض ممتازه مثل فريزر بلس شفة غرفتين
بحدود 130 دولار لليله
اطلع رحله 3 أيام لجزيرة بوراكاي ويومين لسوبيك
ويوم واحد لهدن فالي00 ويوم في لاقونا ومايهون منتجع بوهول في جزيرة سيبو
واخواني تالاقا وعاطل هم سادة التنسيق لرحله جميله

اهلين اخوي وطن .. فريزر بلس الليله 210 دولار ..
انا دخلت من اكثر من موقع مايتجاوز هالسعر

فراشة الشرقيه
هلا والله بفراشه
لا ولله ما تكلف اكثر للي يعرف يحسن التصرف بالبلد
طيب شهر كامل كلفني 1000 دينار كويتي .. شرايك ؟
البلد رخيصه للي يحسن أختياراته و يعرف من وين يجيب أفضل الأسعار .. و نتفق كلنا أن الفلبين اذا فيها شي غالي فهو السكن .. غير السكن كل شي رخيص .. يعني لو حليت مشكلة السكن راح تعرف كم تكلفك البلد..
و انا قلتها قبل فتره .. للتمشيه و الأكل و الشرب بالفلبين راح يكلفك 1000-2000 بيسو يوميا ..
اذا ماكان في بالك تتسوق .. أحسبيها صح و تكون المصاريف أقل من المرصوده.. هذا ما يمنع انك تبسط حالك !!
بالعكس .. اللي يسافر سياحه و ما يكرم نفسها و يدلع حاله هذا يجلس ببيتهم أبرك
لكن النظريه اللي اقصدها ... انه شخصين جلسوا نفس الفتره و نفس النشاطات .. واحد كلفه 3000 دولار و الثاني كلفه 5000 دولار !!! وين المشكله ؟ الجواب هو مقصد كلامي
و حياك الله

اها صح كلامك حسب وضع وطريقة كل شخص .. وزي ماقلت السكن هو اغلى شي ولكن يعتبر حلو بالنسبه لدول ثانيه