أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
مرحبا هل يوجد تقليد ماركات درجة اولى فى دلهى من قطع ملابس او اكسسوارات او جزم ومااسم المحلات بالضبط وفى اى شارع اوسوق وسؤالى الثانى وين الاقى الاوانى النحاسية فى اى سوق ارجوا المساعدة وشكرا
شوفي ياستي والله العظيم كتبت لك الموضوع مرتين ويعلق الجهاز عندي لكن لعيونك والاخت الهام في دلهي باليكا بازار هذا سوق معروف جدا للماركات المقلده من شنط - جاكيتات - بلايز - نظارات - محافظ - احزمه -ا يشاربات - ساعات المنطقه معروفه وترى السوق تحت الارض وبقولك شي خذيها نصيحه لما تروحين فاصلي بالسعر مو النص الا ثلاث ارباع
يعني يقولك 800 قولي 200 ويقولك لالا وشوي لما تروحين بيناديك
وبنفس السوق في محل حق نحاس في صحون مرة حلوة انا اشتريتها لاهلي حق المكسرات وكذا مرة حلوين ومنحوته وملونه في سوق ثاني اسمو بهاار قنج هذا شارع معروف بشارع الاجانب كله موتيلات رخيصه يسكنون فيها الاجانب والشارع كله محلات جزم هنديه بس مرة واو وفيه كمان البنطلونات اللي طالعه الحين على الموضه اللي واسعه وماسكه من تحت يسمونها ينطلونات سندباد او غواار وبنفس الشارع بتلاقين محلات اكسسوارات مجنونه والله انا تعبت من كثر مااشتري لدرجه انهم شكو وانا بالمطار اني تاجره شنطه ههه في كمان كارول باغ هذا شارع مرة اشياءة حلوة ومحلات محترمه لكن مش تقليد الماركات ممكن تلاقي كم محل للشنط لكن السوق يستاهل اللفلفه في منطقه اسمها قورقاون هذي تبعد عن دلهي ربع ساعه لايضحكون عليكم السواقين ويقولون لك بعيده لا والله انها قريبه بس الافضل يكون معك سواق خاص يجلس معك لين تخلصي المنطقه هذي فيها اكثر من 15 مول وكل مول بضاعته تختلف عن الثاني - وهي منطقه راقيه جدا وفنادقها خمس نجوم حتى المطاعم اللي فيها مرة روعه تشيلز - فرايزد - روبي تيوزدي وبيتزا هت الخ احلى منطقه في قلبي هي ساكت اه ياساكت هذي في دلهي وهي اربع او خمس مولات مع بعض وكل مول يتحدى الثاني في الفخامه والبضاعه المميزة المنطقه هذي تسمى سيتي وااك يعني مدينه المشي وفيها كل مايخطر على بالك فيها باتشي وبتيل وياقلبي لاتحزن كل سبت واحد في سيتي ووك في دور المطاعم تصير حفلات على الهواء مرة حلوه ان شاء الله قدرت افيدكم حبيباتي واي خدمه انا بالخدمه اختكم مسافره
ياقلبي يامسافره للحياة الله يسعدك ياقمر انا بمشيئة الله يمكن اسافر على نهاية شهر سته الانجليزي واعرف احكي لغتهم بس بالمعلومات ميح مره وودي اجيب بضاعه من هناك بس شايله هم
ربي يسعدك ياقمر اكيد بألجألك وقت السفر وياريت تساعديني ولو بمعلومات او حتى وين نلقى مرشد يمشي معانا وقلتلك بالنسبه للغه موجوده سواء الهنديه او الانجليزيه بس الخوف من تجربه اول مره والله يعين ويوفقنا يارب
