1. أهلين بالشباب كيف حالكم ... كل شئ تمام ... لكم وحشة .

سلامات ملام ... أبا كابار .

أهلين بالشباب كيف حالكم ... كل شئ تمام ... لكم وحشة .

الحقيقة سفرتي للعمة كانت ممتعة جداً وخصوصاً الجبل ( بنشاك ) اللي قضيت فيها أحلى أيام الرحلة .
أول ما وصلت جلست في جاكرتا يومين في فندق أكاسيا وكان جو جاكرتا زي جو جدة ... أما غدانا وعشانا كان في عدة مطاعم أول مطعم تخوبرنا فيه هو مطعم السفير اللي الله يكرمكم كله ( صوارير ) بعد كذا رحنا لمطعم أبونواس وحضرموت واللبناني اللي صراحة أعتبره أحسن مطعم ، بس اللي قاهرني أن أكثر التكاسي مايعرفونه مايعرفون إلا أبونواس و حضرموت أكثر شئ ... فأنا أنصح الشباب اللي يروح لأي محل ياخذ عنوانه قبل لا يمشي علشان بعدين تعطيه التكسي اذا بغيته .
وتمشينا في بعض الأسواق ومرينا السينما واحد أسمه تياتر دي جاكرتا والثاني أسمه هوليوود اللي اعتبره احسن من الأول ... بعد كذا رحنا ل أنجول اللي في رأيي أنها عايديه .
بعد كذا رحنا لبنشاك وسكنا في مجمع فلل أسمه ( بنشاك باس ) صراحة مجمع راقي ويطل على مناظر روعة ترد الروح . بعد كذا تمشينا في تامان سفاري ( حديقة الحيوان ) حاجة خيالية ... ورحنا ل تشيبوداس ( كوتا بونغا فيلا ) الحقيقة مجمع فلل فوق ما تتصور تصميم أوروبي ، مكان هادي جداً ... ومرينا حديقة الزهور ( تامان بونغا ) ... وكل ماجينا نروح للبراشوت صار الجو مغيم مرة وممطر ... ورحنا لباندونق ومرينا الموية الحارة ، على فكرة وأنت رايح لباندونق راح تمر على منطقة أسمها ( تشيتاروم ) فيها نهر روعة التصوير عنده بيطلع شئ ، بس ماتقدر توقف السيارة عنده بالضبط لازم تروح توقف بعيد شوي وتجي على رجولك .
أما من ناحية المطاعم في بنشاك شفت مطاعم عربية بس اللي أعجبنا أنا وخويي مطعم ( عدن ) صراحه مطعم نظيف وأكل صح ( لا يفوتكم اللحم المظبي والشكشوكة ) .
وفيه بقالة رهيبة أسمها ( ديني ) في شارع أسمه ( وارونق كالين ) بتلقى مكتوب على قزاز البقالة ( بقالة السعودية ) .
ورجعنا لجاكرتا وسكنا في فندق أوسيس أمير صراحه فندق رهيب بس فيه عيبين الأول الخدمة بطيئة ، الثاني إذا جت الساعة 7.30 مساءً تسمع إزعاج وأنت في الدور العاشر .
الحقيقة الكلام كثير جداً جداً عن العمة علشان كذا حبيت أوريكم بعض الصور اللي تغني عن الكلام :