وهذي الدريشة اللي فيها تطل على تحت على الصالة
و مع الأسف ماعندي صور للغرفة الثالة اللي تحت بس نفس الغرفة اللي سريرها نفرين تقريبا
وهذي صور المسبح طبعا فوق في الدور الاخير (السطح)
في الليل
وفي النهار
وبعدين طلعنا تغدينا في الابراج البسيتين
وماصورت الاكل لاني بصراحة ماكان في نيتي اصور عشان انزل الصور لابس عشان الذكرى..
وبعدين طلعنا تسوقنا في مجمع سترة ..وبعدها أخذنا لنا عشى تكة من مطعم في بوابة البحرين للذيذة وذايبة كأن أسمة المسيلة ..وأخذناه وتعشينا في الشقة في أجوائها الرومانسية والهادئة ..
وريحنا شوي وبعدها طلعنا كافي عشان نحلي ونسكب بسهرة حلوة .
وهذي صور الامزون كافية اللي في العدلية وهو ماكان اسمة الامزون لة اسم ثاني بس نسيتة بصراحة
والباقي ماصورتة من كيك وكافي وعصيرات بس كلهم روعة..
وهذي صور من الكافي
url=http://www.up07.com/up8]
وبعدها رجعنا الشقة ونمنا نومة مريحة أخ أخ أخ ..
اليوم الثاني
جلسنا من النوم وفطرنا في الشقة لانها بصراحة روعة في الصباح مع الشمس تعم في اجواء الشقة كلها وماحبينا نفطر برة وبالاخص ان مطبخها مهيى لنا كل الاشياء للفطور من أواني وادوات كهربائية
وطلعنا ورحنا للجولة الثانية فندق الرتز كارلتون
هذا صور من البهو والرسبشن
وهذي القبة
وهذا اللفت
وهذامبنى الغرف
وطبعا أول مادخلنا ريحنا في جلساتهم والرجال راحو للرسبشن عشان يكملون اجرائات الغرف
ويكون عندهم ضيافة للزوار لآنة كان في وقت حر وظهر يجيبون للضيوف فوط مبللة وباردة ومعطرة عشان تروقكم من الحر والعرق (وأنتو بكرامة) وعصير وقهوة وتمر ..
وهذي صورة في الرسبشن بعد فية مطعم وكافي جلسات حلوة وتستمتع بالموسيقى والاجواء الرومانسية مع العزف على البيانو
صور

1. وهذي صور من القسم النسائي الخاص للنساء فقط واو روعة

url=http://www.up07.com/up8]
وهذا صور البهو والرسبشن في الليل
والله روعة اجواء كلها شموع ناشرين الشموع والقناديل والورد في كل مكان فية (قمة الرومانسية)
على الطاولات
url=http://www.up07.com/up8]
وعلى سور اللفت
وهذي صور الغرفة وعذرا ماعندي صور لها اكثر
وهذي صور من المسبح الخارجي وفية مسبح داخلي مغلق بس عذرا ماعندي لة صور

وهذي صور من القسم النسائي الخاص للنساء فقط واو روعة

هذا اول القسم وهو اللي يكون فية رسبشن عشان اللي بتدخل تعطيهم رقم الغرفة ويعطونها مفتاح للدواليب اللي داخل وتحط فيهم اغراضها وكل دولاب فية فوط حمام وبرنص ونشبشب (,انتو بكرامة ) وكيس للملابس الرطبة يعني راحة تامة تعيشين في هذا الفندق كانك اميرة وتعاملهم جدا راقي
وهذا القسم يكون عادي عام يمكن يكون فية رجال لانة فية جلسات وكافي
وهذي جلسات خارجية توديك للمسبح الخارجي والحديقة والبحر
اما هذا القسم خلالالاص مغلق وللنساء فقط .. وكنت في الصباح وكان شبة فاضي واستغليت الفرصة وصورت عشان ما احد ينزعج ويفكرون اني بصورهم ههه وانحرج ولا احصل لي كلمة منا ولامناك خ
وهذا اول ما تدخلين
وهذا الممر
وهذا مكان لتنشيف الشعر والاستشوارات
وهذا مكان الدواليب
وهذا قسم البخار والساونا
وهذا البركة باردة اي
وهذا ممر فية غرف المساج
وهذي غرف المساج
وهذي البركة فيها ماي بحر مالح وفيها هذي الجلسات مثل المساج والجاكوزي عشان الجسم ودافية وحتى مايخلونك تطولين فيها اكثر من نصف ساحة لانها مثل العلاج للجسم
واذا سبحتو وخلصتو روحو اللي غرف الاسترخاء في الاجواء الحالمة من الرومانسية والموسيقة والانارة الهادئة مع الشموع

وهذي بعد جلسات حلوة وهادئة
اذا حبيتي تنتظرين احد تجلسين تاكلين تفاح وتتصفحين في المجلات

واذا عطشتي تشربين ماي ههه
واليوم الثاني فطرنا في الغرف وبعدين نزلنا في المطعم والكافي اللي يطل على الحديقة والبركة في وضح النهار وروعة الشمس مع وجود الموسيقى الهادئة في كل اجواء الفندق
وكل واحد طلب اللي يحبة وهذي الصور تحكي
الآيسكريم

والموكا الساخنة

وهذا العصير الليمون بالنعناع فرش حقي ههه بارة ومنعش يبرد القلب في الحر والرطوبة
وبعدين رحنا تغدينا في تشليز
وماعندي صور ههه
وبعدين تسوقنا في السيف ثم تيسرنا لبلدنا ولعيالنا ههه
وكانت من اروع وامتع الرحلات في حياتي
وفي الختام اتمنى ان القرير يعجبكم
والله من كم يوم وانا جالسة انسق واحمل الصور ( والله مجهد) وغير اذا صادف بطئ في الموقع او النت في التحميل والتصفح (قهر)
وسامحوني على القصور وان شاء الله ألقاكم في تقرير مع رحلى اخرى رائعة وممتعة
دمتم بود...

يابعد عمري ياماري والله انه روعه وريتيني فندق كان ودي اشوفه من زمان اليت بافليون مره خق
ولا احلى من كيذا كل شي مرتب وحلو الله يعطيك العافيه خيتو
بس بسالك القسم الخاص بالنساء بالرتز يكون شامل سعر الغرفه والا له سعر ثاني ياقلبي اذا له سعر ثاني ياليت تقولينه لنا
وبسالك عن مجمع ستره حلوو والا عادي يستاهل اني اروح له والا لالالالا
يعطيك العافيه يارب وانتظريني بتقريري الجديد ان شاء الله عن مطعم البلد بالخبر مره حلو بس هسى الله يحنن قلب بنت عمي علي عشان تنزلي الصور ههه

ماشاء الله تبارك الله صور رائعة
وكما قيل صورة خير من ألف كلمة
يعطيج العافية أختي على التقرير الرائع

ماري
واو يعطيج العافيه
الصور حلوة مره على قولتكم
وسبا الرتز شي خيال ووايد حلو
حق الي تبي فتره نقاهه تاخذ لها بكج من عندهم حق الريلاكس >>ويه كل عيدميلاد راز روحه حق الريلكسيشن خ
تقرير رائع وبسيط من عضوة رائعه

ماشاءالله صور روعه تسلمين حبيبة قلبي ماري ..
عليكم بالعافيه وان شاءالله تكررون الزياه الحلوه بالأيام الجايه

ماشاء الله تقرير مره روعه واعجبني
واسستفدت منه