السلام عليكم ورحمة الله وبركاته
اول تقاريري المصوره بالمنتدى بيوزري هذا thamer
ولا كان لي تقارير نزلتها هنا بالقسم وباقسام اخرى بيوزر i love 90s ولا عرفت كيف ادخل فيه مره ثانيه لاني اضعت الباسوورد ..
http://www.fourseasons.com/seychelles/
موقعه بغرب جزيرة ماهي كبرى جزر السيشل
ويعتبر من اروع الفنادق المتواجده هناك الى جانب فنادق مايا وبانايان تري والهيلتون
الحجز فيه تم عن طريق الامارات للعطلات وقد تم حجز غرفه من نوع Hilltop-Ocean-View-Villa
طبعا منتجع وبهذه السمعه والفخامه اكيد متوقع ان يكون الاستقبال عالي
اول ماوصلنا كانت الساعه 1 الظهر تقريبا وكان الجو ممطر ووقتنا كان فعلا يوم شمس ويوم مطر على ماذكر اننا زرنا سيشل بموسم امطار غزيره
الموظفين هناك استقبلونا وقالوا لنا نتأسف منكم على هالجو؟! ضحكنا قلنا لا عادي احنا نبي هالجو اصلا
هذي كانت فلتي رقم 604
الترحيب كان عباره عن مكسرات وحلويات عربيه مع تمر وفاكهه وايضا كان مع شامبينيا !! ماتجي .؟!
السرير بالمناسبه كان مريح جدا لدرجه اني انوم فيه 9 ساعات متواصله!
دورة المياه اعزكم الله كانت ماخذخ نص مساحة الفله
المسبح وكان شوي مو ساتر خاصة لما يقرب احد من باب الفله سواء خدمة التنظيف او الغرف فكانوا يشوفون بالراحه
لكن مع الاشاره الحمراء اللي تكون عند مدخل الفله من الخارج متحيلا حد يتجرا ويتعدى ويدخل للفله
هنا وقفتي كانت خطيره عشان التقطت هالصوره (على حافة المسبح) لكن لاجل عيونكم كل شي يهون
هذي الاطلاله الكامله للمحيط من عند الفله
بوفيه الفندق كان صغير لكن لذيذ وهذا صوره لبوفيه الافطار
وكان عندهم 3 ايام لبوفيه العشاء
الثلاثاء بوفيه عربي والخميس بوفيه ايطالي والسبت بوفيه كريولي
طبعا العادة النزلاء يجلسون يفطرون في هالمقاعد لكن الجو ماكان مستقر (ممطر)
فكانوا تحت الظل خلفي
وهنا وقت ماكنا نفطر انكبت علينا السماء وتلاحظون كيف قوة الامطار على البركه
نصيحه للي يسكن بالفور سيزونز وقت المطر راح تحصلون كثير قواقع على الممرات فانتبهوا اثناء المشي لاننا كم مره وطينا عليهم وتكسروا فصرنا منتبهين واحيانا نشيلهم بيدنا ونبعدهم
الشاطي كان راائع وهادي وخاص فقط لنزلاء الفندق
وفيه احلى من انك تسبح بمسبحك الخاص في وقت ممطر!!
صراحة كان يبكي الجو
صورة لمنظر الغروب من عند الفله
صوره للغرفه اثناء الليل
وايضا صوره لدورة المياه اعزكم الله
واي اسئله واستفسارات معينه عن المنتجع احنا حاضرين وبالخدمه...