السلام عليكم ورحمة الله وبركاته
تقرير بسيط وسريع لمطعم المرساة للمأكولات البحريه بالخبر الفرع الجديد كنا في السوق وقررنا نجربه
موقع المطعم تقاطع عشره مع شارع الأمير سعد والأمير طلال مقابل حديقة القلعه والمطعم كرؤية شامله
بالنسبه للديكور بسيط جدا ماهو فخم والطاولات في قسم العوائل غير مرتبه تحسه فرع عزاب مو عوائل
والعمال لازم تروح تناديهم كل شوي مو مثل اغلب مطاعم العوائل مع ان مافيه ذيك الزحمه ولكن نجي للأهم
وهو الأكل الصراحه لذيذ جدا والأسعار معقوله ولكن الكميات بسيطه جدا طلبنا بروستد روبيان لذيذ ولكن
مايجي 8 او 9 حبات ب 35 ريال وشوربة المرساه للمأكولات البحريه ب 18 ريال مش بطاله بس ماهي مثل شوربة القريه الصيني
وطلبنا بعد كبسة هامور خليجيه ب 32 ريال رهيبه جدا و 2 عصير برتقال ب 16 ريال كوب صغير
المطعم يستحق التجربه للي يبي أكل أما اللي يبي ديكور وفخامه لا يجربه
عموما اتركم مع الصور والتصوير كان بالجوال مشي حالك
الموقع

مدخل وقسم العوائل

المنيو

الأطباق

طبق الروبيان طبعا جديد بس كأنه مأكول نصه

الفاتوره 101 ريال