وعليكم السلام ورحمة الله وبركاته
يسعدلي صباحك نوف وتسلم ايدينك
مميزة من يومك وكل مرة تقرير عن مطعم جديد وغامض
عليكم بالعافية والمطعم ما يشجع الزيارة على هالأسعار

مهند
صباحك اسعد

نوف وهالمطاعم
مخطط على شركة تسويق للمطاعم ولازم تكوني المديره
عليكم بالعافية
اشوف ان سعره مره مبالغ للطبقتين الوسطى والاقل واذا مافيه مناسبة مايلزم هالسعر لشخصين
هناك مطاعم أقل بكثير من هالسعر لكن هذا لزوم البرستيج
اشكرك على جهودك بهالمنتدى وخاصة بالاكل

نوفه وينك غاطه من زمان عنك يالدووبه
اكشخ المطعم ديكوراته تفتح النفس حقت روقان ذكرتني بمجلسي نفس الالوان والديزاين
على فكره العصير الابيض مو كوكتيل هذا اسمه بينا كلاودا خ شوفي الفاتوره شكله كذب عليكم وجابه
عليك بالعافيه خيتو تقاريرك دوم دوم دوم متميززه وكوشخه مثلك

غالي نار ---واحسه عادي بس الديكور جونان
طيب اذا صارت الوحده ماعندها قطه وشلون تقط(((((((((((اقول اقعدي في دارتس وشوفي عيالتس))))))وحدكم تورتيلا هرفي وانتي وعيالتس
ههه

ولد العنقري
والله التورتيلا اطعم ... واحلى يسلمو خيتو ام الزهور والله يخلي لك زهورك

ام الزهور ههه فقعت ضحك
نوف معقوله انتي كنتي في سنترو اليوم؟؟؟؟؟؟ انا اليوم رحت له وكانت اول مره اروح له... كنت رايحه اخذ سويت...وكوفي
طلبت مارشمالو سوفليه... ب 45 ريال وماكان حلو.. كان مطبوخ زيادة..وكيكة تفاح كانت حلوه والله...بس العيوب اللي شفتها كالتالي
ملاعقهم حقت السويت صغيره يالله قدرت اكل فيها من صغرها مره اولد فاشن وكانت مره محكحكه كأن لها ميه سنه مستخدمه... لدرجة قلت اكيد شارين مواعينهم مستخدمه عقب فندق!!! (ارخص لهم)
والجرسونات بنقاليه وفلبينين... مب فاهمين بالمره ومترددين .
التويليت الله يكرمكم ماكان نظيف(وهذي نقطه ضعفي) ...والنكته اني لما دخلت وش لقيت؟؟؟؟؟؟؟؟؟؟؟؟؟؟؟؟ لقيت رضاعه حليب جوا ناس ناسينها وباين لها ايام ههه ....كان ودي ابكي مدري اضحك. تحطمت صراحة...والتويلت سيت من ارخص واردى الانواع ابو 80 ريال .... وحتى الحنفيه واضح فيها اثار يعني من زمان ما انمسحت...وحاطين صابون ضغط يعني انت اضغط بنفسك من عقب الاف الناس.. بصراحة ما ارتحت!
الزبدة انا عادي عندي ادفع بس على شي يستاهل.. اما هذا المطعم ما يستاهل صراحة!!
ومره يا نوفي ميرسي على التقرير الوافي...

ديكوره روعه اموت بها الالوان
يعطيك العافيه لك مني لقب نحله المطاعم شرايك عاد موافقه خ

الله الله يانوف وش هالرواقه بهالمطاعم مهب مثلي هندي وانت جاي بس على الاقل انا انبسطت بالاكل مهب مثل بعض الناس
ملاحظين كل التقرير وقالت اختي واكلت اختي انا اقول لو اختك منزله الموضوع مهب ازين
مبدعة يانوف حتى بزياراتك للمطاعم بس فيه شغله ماتلاحظين اذا انتي تصورين العالم يناظرونك تقل مسويه جريمه خاصة انتي لان الناس يناظرونك يقولون لاتصورنا