كانت الأمطار تتساقط بغزارة :mf_depres في جو بديع عند خروجي من المطار، ومع اشتداد المطر والبرق يلمع بقوة، والرعد يضرب بسوطه الأجواء .... لا امطار ولا شي ..الا رطوبه وقلة حيا
وفجئه سمعت الماس صديق خويي يقول من هنا ... تعالوا (يا سلام الماس يعرف عربي )
المهم ركبنا السياره اللي جايبها الماس .... ومن زود الميانه وصلنا ناس من اهل الرياض معنا ...
لهم سالفه طويله في الاجزاء القادمه...........
وأخير وصلنا الفندق .. عقب هالرحلة الطويلة والمتعبة .. اوف .. ما صدقت اني وصلت رحت خذيت لي دش سريع على مندي من حضرموت وهات يا نوم خ ..
وعقب ما قعدت من هالرقدة الحلوة .. قعدت وانا جوعان حدي .. طبعا تعرفون انه اكل الفنادق غالي بس ما باليد حيلة أول يوم ولازم أطلب من الفندق ..نزلت اللوبي عاد طلبت لي ما لذ وطاب من الأكل وهجمت عليه ..
تفاجئت ان ماس عزيز على قلبي كان نازل في نفس الفندق والماس هذا طالع اخو الماس خوي خويي.. قلت للماس خوي خويي مر علي الغرفة وبنسوي مفاجأة حق الماس اخوك ..
الماس دخل عليهم الغرفة وانا انتظرت شوية برى قلت يزعم بدخل عقب شوية .. عاد طقيت الباب عقب شوية .. سالوني من .. ؟؟
قلت لهم .. روم سرفس خ .. وصدقوا الربع ..
اول ما فتح لي الباب الماس صديقي .. فتح عيونه وتم يطالعني .. كنه مو مصدق و يبي يثبت على اللي قاعد يشوفه صج ولا لا ..
الا اقوله .. أي انا صديقك .. اشفيك ما عرفتني ؟؟ وياخذني بالاحضان ....
المهم قلت لربعي وشو برنامجكم حق بكره (< == نصاب ) .. فقالوا لي بيروحون لسارينا بس اليوم مش بكره.. وعقب ما قعدنه نسولف شوية رجعت غرفتي علشان اريح شوية ..
الفندق كان زين بس لك عليه شوية ..(السنترال).. كانت في بعض الأشياء ما عجبتني فيه ..
اول شيء وأهم شيء .. الله يعزكم الحمام .. لكم عليه ... والغرف ضيقه .. ؟؟!!
والبركة اللي فيه صايرة في ظلال يعني ما تجيها الشمس..
مدخل الفندق كان فيه مكان صغير جالسين الناس فيه ....
الصراحة ما قد مرة قعدت هالمكان .. بس كنت اشوف السعوديين قاعدين فيه :gathering .. ما ادري شنو كان عاجبهم في هالمكان ...
طبعا هذا كان أول يوم لي في الفندق وانا مع الماس واصدقائي في السفر قلنا لازم نتفقد الفندق ونشوف مرافقه .. الماس اللي معنا من النوع الشيطان .. قال خلزنا نروح . قلت له لا انا ما عندي هالسوالف
الا يقولي اشفيك انت .. معقد .. يبه محد قالك بنروح بس بنطالع ناخذ فرة ونجوف الوضع ..
نزلنه تحت في البيسمنت .. ودشينه مكان كله ظلام في ظلام .. .. دشينا وشكله كان يخرع ...
قلت حق ربعي يالله .. لاتفشلنونا .. الأوادم قامت تطالع فينا .. وربعي يقولون لي لا .. خلنه نستكشف المكان أكثر ..
واحنه قاعدين ندور.. لمحت من بعيد واحد قاعد يطالع فينا .. قلت يمكن قاعد يطالع مثل باقي الأوادم ..
قلت حق ربع عن الرجال اللي يطالع فينا...وانا اقوله هالجملة الا والرجال جاي صوبنا .. قلت حق ربعي.. الله يستر .. ما قلت لكم ما نبي مشاكل وما نبي هالمكان.. !!