السلام عليكم
كيفي الاحوال يا شباب ،،، كنت اتصفح اغلب المنتديات لأني ناوي اسافر هالصيف بريطانيا ان شاء الله عشان اللغة
دورة قصيرة وتمشي ،،،، وانا اتصفح لقيت مواضيع كثيرة تقول ابعد عن هالمدينة مثلا بورمث لأن فيها سعوديين وابعد عن هالمدينة لأن العرب كثير .
العرب والسعوديين موجودين في كلا المدن وتختلف النسبة لكن حبيت اقول ان السعوديين بشكل خاص يفيدون ويساعدون الواحد في وقت الشدة ...
قبل عامين سافرت لبورمث وكانت اول سفرة بحياتي خارج السعودية ،،، يعني تخيل ما رحت لا الكويت ولا الامارات بحكم القرب يعني من مديني إلى بورمث و كان ينقصني بعض الاشياء مثل اللابتوب عشان اراسل اهلي بالماسنجر ،،،، وبعض الملابس الثقيلة ،،،لأنو بالصيف احيانا يكون الجو بارد والاخ اللي هو انا رايح ما معي الا اشياء عادية جدا ،،،
المهم رحت عند عائلة وكان فيها سعوديين اخوان وواحد تايلندي وواحد تركي ،،، بصراحة كنت متضايق في البداية ولكن مع مرور الوقت تعرفت عليهم ولكن كنا لا نتحدث مع بعض بالعربي بل ان العائلة اللي عندها كان نظامها انك تتكلم انجليزي ،،،، في يوم جاي ابطلع من البيت للمدرسة وكان الجو مطر فشافني السعودي وقال خذ هذي مظلتي قلت ما ابغاها ،،،، طبعا مسوي قوي ،،، ،قال اقول لك خذ ،،، اخذتها وكان معاه وحده ثانية واعطاني كوت ( جاكيت لأن الجو كان بارد ) والله يا جماعة اني حسيت براحة وكنت ادعي له على موقفه معي ...
بعد ايام من وصولي قال لي : معك لابتوب قلت : لا والله . قال خذ جهازي وراسل اهلك وتكلم معهم . لأني ما احتاجه الحين . يا الله ،،،، فعلا ابن الوطن ما يقصر .
زبدة الكلام ان اللي عنده عزم واصرار على تعلم اللغة ،،، مهما كانت المعوقات من وجود سعوديين بكثرة او غيرة يبي يتعلم ::::
طيب صدقوا واللا لا تصدقوا اني لقيت سعودي هناك له 8 أشهر ما يعرف معنى كلمة hospital يا شيخ لو اجيب اي شخص عادي عرفها ... تدرون ليه ،،، انا جلست معاه وقال لي : انا اجلس مع السعوديين بعد المدرسة ونلعب بلوت
وغيابي عن المدرسة كثير ،،، بالاضافة اني من يوم اطلع من المدرسة مع السعوديين
يا اخوان لو فيه مدينة ما فيها الا سعوديين ( 2 سعودي ) حلوه ذي ،،، وهم دايم مع بعض ما تعلموا
إذن انا اللي احكم نفسي وانا اللي ادير العالم من حولي ...
في النهاية : بورمث مدينة جميلة جدا فيها عرب كثير واهلها من البريطانين طيبين جدا