H.JAMEEL86
15-12-2022 - 12:42 am
مرحبا اخواني واخواتي
تم الوصول بالسلامة الى ارض الوطن بالسلامة من تايلند من قبل يومين
اولا اسمحو ليي ان اتكلم باسم عضوية زوجي
واتكلم العامية لسرد التفاصيل
بداية تم الحجز ع الخطوط القطرية كانت انسب وافضل وقت وكان سعر تذكرتين 533 دينار
توجهنا قبل 4ساعات للمطار لانهاء الاجراءات وللتسوق في سوق الحرة وللعشاء هناك
وبعدين ركبنا الطيارة كانت متوجهة الى قطر (المسافة من البحرين الى قطر ثلث ساعة ) وقعدنا ترانزيت ساعتين تقريبا وبعدين الى بانكوك مدة الرحلة 7ساعات نوعا ما كانت متعبة بس الخطوط القطرية عنندها برامج تسلية قعدت اطالع ليي جم مسلسل وفيلم لين ماخلص الوقت وهبطت الطيارة على بلد الحرية وكنا حاجزين من نت تذاكر داخلية من بانكوك اير ودايركت الطابق الرابع والى مكتبهم ودخلوا الاغراض وانتظرنا لانة حاجزين الطيارة بعد الوصول ب3ساعات تحسب لاي تاخير والحمدالله الامور ميسرة واخذنا تاكسي بعد الخروج من المطار ب 500بات والباص ب 150بات وفي اغلى بس هاي انسب سعر ولسيارة كانت هواندا سيفك وصلنا الى بوكيت
وفندقنا اسمة بانمبوري قريب من اماكن واجد ممنها شاطى والمجمع والسوق اول يوم كنا تعبانين حدنا سيدة السرير ووصلنا تقريبا هناك الساعة 2 الصبح
والفندق كان جيدجدا من ناحية النظافة والمعاملة والبوفية الافطار مقبول وفية الله يعزكم شطاف ماء في الحمام وكان ورانا ديسكو عورنا راسنا منهم بس زين ان يقومون منوكت يعني ساعة 2 يسكرون مو لصبح
المهم قعدنا الصبح ورحنا للريوق وكان متنوع بس مو حلو يعني بيض بانواعة وسليس ومرتديلاا وعيش وبطاطا بس طبقين يتم تغيريهم يوميا اما باقي الاطباق ع طول بس كان اوكي
وطلعنا ندور مكتب بوم مقابل مطعم شرق ولونة وردي وصوبة محل نظارات وحجزنا اول رحلة الفانتزيا شو وكان سعرها 1550بات للشخص وجة لينا باص واخذنا هناك والعرض كان ممتع للغاية وبوفيهم متنوع وفية كل شي قسم الحلال واستانسنا وايد ويرجعنا ع ساعة 11باليل ونمنا
يوم ثاني رحنا للعجوز بوم ياحليلها تينن كلحين ماقالت ليي يو ار بيوتفل مدام دبحتني وتجيب ليي كرسي اقعد علية وتخلي صوبي المروحة المهم بلاا فشار واجد
حجزنا عندها جيمس بوند بسعر 750للشخص مع بوفية ورحنا مجمع الجونسلين يفتح ع ساعة 11 اكلنا ايسكريم برة وقعدنا نصور ع مايفتح والمجمع حلو وكبير وسوينا فوت مساج ليي ولزوجي اهو سو لية رجال واني بنية (بصراحة هناك ماينعرف رجالهم من نسوانهم كلهم مسوين روحهم نسوان )هناك راحة مابعدها راحة ولفينا ع اغراضهم وتغذينا ورجعنا وياحلو المجمع كل شي فية
اما محلات المساج الي برة ماانصحكم فيهم لانة شفتهم يشربون خمر في الشارع ويتلصقون في شباب ويلحقون وراهم ويقولون ليهم مساج تعالل مساج حلو حلو بس اذا واحد ويا مرتة مايسون جدية بس يقولون مساج مدام بس ومعروفين الي يسون مساج عليهم تنورة طويلة مفتوحة من فوق الى تحت وبدي وعاد كل محل لون (يعني مايصلح لرجال بروحهم يسافرون يجرونهم جر بقومون علي الرجال الحين )
المهم افضل مساج بصراحة الي في المجمع لجونسلين واضمن
للحديث بقية اذا فية تفاعل ووالى اللقاء
رحلتي الى تايلاند
