هلا
طيب عادي لنفرض ونجزم انة شهر عسل وش المشكلة ههه
طيب المدة ممكن تقسم على دولتين بما انك ذكرتي تسوق
وبما ان ميلان قد تكون هي الهدف وخط الرجعة ممكن تتسوقون منها ومابتندمون ابد بس بتستنزف الجيوب بقوة
يعني ممكن تبدئون بجنيف ومن بعدها انترلاكن ومنها لوقانو
واخيرا ميلان
التكلفة 40 الف ومافوق شاملة كل شي سكن وتنقلات بسيارة ايجار
واكل وشرب كحد فوق المتوسط

وعليكم السلام ورحمة الله
شوفي اختي افضل اماكن التسوق في سويسرا
{ جنيف زيورخ }
والارياف جميع ارياف سويسرا جميلة بلا استثناء
وعلى راس القائمة سيدة الارياف " انترلاكن "
وعندك لوزان - مونترو كلهم حلوين
بعطيك جدول وان شا الله انه يكون كامل واذا فيه اي مدن نسيتها ياليت الاعضاء يضيفونها
مثلا
من 1-4 - جنيف
من 4-8 - انترلاكن
من 8 -10 - لوزان
من 10 - 13 زيورخ
من 13 - 15 جنيف مره ثانيه
وفي يوم 14 تروحون لاحد الارياف الفرنسية القريبه من جنيف يعني روحة ورجعه بنفس اليوم
وبكذا تكونين شفتي الارياف ومدن التسوق
اما على الفيزا انا قبل تقريبا 3 او 4 ايام طلعت الفيزا وكان سعرها 300 ريال للشخص
وما اخذت ولا 20 دقيقة في السفارة
اما المواصلات ما اقدر افيدك بس التكاسي هناك غالية اكيد وعلى حد علمي انه قليل وجودها في سويسرا
بس تقدرون تستعمولون الباص واذا عندكم الخبرة استئجار السيارة اكيد افضل
وان شا الله رحلة سعيدة

اوه معليش نسيت اضيف لك المبالغ المتوقعة
انا حاجز على الخطوط السعودية بتاريخ 11/19
التذكرة ب 1944 للشخص " درجة سياحية "
انا حجزت فنادق في { جنيف - زيورخ - انترلاكن } طلعت ب 8200 ل 9 ايام
انتم 2 و 15 يوم ممكن توصل ل 14 الف
اما الاكل والشرب تقريبا 500 ل 600 في اليوم يعني ممكن 8000 في ال 15 يوم
اما سعر استئجار السيارة والله اسف ما عندي خلفية يفيدونكم اهل الخبرة
التكاليف
يعني ممكن تكون الاسعار بين 24 - 25 الف طبعا غير التسوق والمواصلات
طبعا الاسعار الي انا حطيتها لك هاذي للوقت هذا يعني من نوفمبر الي يناير
لاكن في الصيف والاجازات اكيد بتتدبل