هلا والله اختي جيجي
ليش ما نساعدك
بالعكس حنا هنا عشان نعطي اللي نقدر عليه ونحاول اننا نعطي اللي ما نقدر عليه
بالنسبة لبرنامج السفر اللي تتكلمين عنه
انا اقترح
روما 3 أيام، ميلانو، 3 أيام>>آثار وأسواق
ريميني وريتشوني 5 أيام>>عالشاطئ
بشكيرايومين >>العاب وفلة
فينيسيا يومين>>غنية عن التعريف
بالتوفيق،،،

وعليكم السلام ورحمة الله وبركاته
بالنسبة للجدول زوري هذا الرابط فيه رد لي على موضوع احد الاخوان ان شاء الله يفيدك
https://artravelers.com/p/re/179780
تحياتي........

الأخ دودي والليث الإيطالي شكرا لكم ولمروركم وردودكم.
بس سؤال الحين اي افضل مدينة رمني او ريتشوني لسكن اقصد وللأطفال؟
بشكيرا كم تبعد عن رمني وريتشونى؟
وابي تكون اخر محطة المدينة الي فيها المطار علشان الرجعه؟؟؟
وماقلتولي عن الخطوط وش احسن واوفر خطوط تودي لإطالي وكم بتكون التذكرة تتوقعون في جون او اغسطس؟
وفيه مدينة لتسوق ما ادري وين سمعت عنها يجونها الناس يتسوقون منها علشان بضائعها ماعليها ضرائب وشي؟؟؟وهل هذة الخبرية صحيحة ام مغلوطة؟
مع الشكر الجزيل لكم.

افضل مدينة رمني او ريتشوني لسكن اقصد وللأطفال؟
والله ياختي هي جنب بعض
انا صراحة ما طلعت لها
لكن طالع لها هالصيف بإذن الله
يقولون ان فنادق ريميني انظف من ريتشوني
اما ريتشوني فيميزها مطاعمها ومقاهيها
يعني السياح في ريتشوني أكثر
بشكيرا كم تبعد عن رمني وريتشونى؟
تقريبا 3 ساعات ونص بالقطار
وابي تكون اخر محطة المدينة الي فيها المطار علشان الرجعه؟؟؟
اذا عالخطوط السعودية عندك روما او ميلانو
وماقلتولي عن الخطوط وش احسن واوفر خطوط تودي لإطالي وكم بتكون التذكرة تتوقعون في جون او اغسطس؟
ما عندي فكرة عن سعر التذكرة
بس بإمكانك تتصلين على الخطوط وتعطينهم موعد الذهاب والعودة وهم راح يعطونك السعر
وفيه مدينة لتسوق ما ادري وين سمعت عنها يجونها الناس يتسوقون منها علشان بضائعها ماعليها ضرائب وشي؟؟؟وهل هذة الخبرية صحيحة ام مغلوطة؟
ما عندي فكرة عن ذي

اهلين اختي ودي افيدك بس نصيحة احس ايطاليا ما تنفع ابد للي عنده اطفال ( هذا اذا كان يهمك انهم يستمتعون بالسفرة بمعني الكلمة ) البلد حلو مرة وخيالية بس مب لهم For Adults ( لانها تناسب كبار مافيها جو متعة ولا Fun لهم (.. احس باريس تنفع لهم اكثر لان فيها يورو ديزني أو اذا ودك تشوفين البلد لاتطولين فيها عشان مايملون عيالك ... كتسوق مثلا وبالنسبة للملاهي اللي في ايطاليا سيئة بمعنى الكلمة ماتنفع ابد ملاهي السعودية احسن منها
اما ريتشوني مقاهي وقعدات وفلة حجاج على قولتهم يعني تتوقعين ( يناسب للي معهم 7 و 3 سنين؟)
اتمنى اني وضحتلك الصورة وفي الاخير االقرار لك وان شاالله مانقصر باي شي تطلبينه

يا حبيلكم يا اعضاء منتدنا من جد الواحد يفتخر بمنتدى زي كذا التفاعل فيه قوي وسريع .....
طيب ابي برنامج لإسبوعين بين كل من ميلان وروما و رمني وريتشونى؟ وممكن اروح لفنيسيا وارجع اذا كنت في اي مدينه من هذه المدن؟؟؟
فنيسيا قريبة من روما اكثر او ميلان؟؟؟
ابي طبيعة وين القاها في ايطاليا بظبط بس ما ابي جو بارد علشان الصغار؟

أختي العزيزه
اذا الهدف من السفر ( تمشية الأطفال والتسوق ) فأنا اضم صوتي لصوت الأخ ( Italya)
يوجد كثير من الأماكن بالعالم اللي تناسب هدف رحلتكم
واكيد انتي رحتي وشفتي من أمريكا وشرق اسيا ...
أقتراحي اذا ودك بالبديل ( استراليا .. أمريكا .. كندا ) ... وبالتوفيق

ابي طبيعة وين القاها في ايطاليا بظبط بس ما ابي جو بارد علشان الصغار؟
الطبيعه بكومو
سيرميوني
لوقانو (( بسويسرا ولكنها تعتبر إيطاليه ))
على العموم شمال إيطاليا بصفه عامه أفضل من جنوبها من ناحية الطبيعه

أنا داخل عرض..
بس ودي اسئل عن لوقانو للاني سمعت عنها كثير . كم تبعد عن ميلان وماهي طريقة الوصول لها.