هاه تراي على أعصابي

لازم يكون فيك صبر اخ طموح ..
ثانيا انت راح تسافر في اجازة الحج يعني بعده عندك متسع من الوقت .. فليش مستعجل
ومدام انك راح تسافر بالشتا تقريبا .. إذاً راح يكون عندك خيارات سياحية كثيرة بإذن الله
بالوقت الحاضر مافي بالي اي برنامج سياحي معين لكن اقدر افيدك ببعض الاشياء المهمة ..
مثلا ان لا تقتصر رحلتك على إمارة دبي فقط .. وانما الاتجاه نحو المنطقة الشرقية : إمارة الفجيرة - مدينة خورفكان وكلباء ودبا .. وكل هالمدن جنب بعض
ايضا زيارة مدينة العين .. خصوصا منطقة مبزرة وانا متأكدة انها راح تعجبك .. وراح تلاقي مواضيع كثيرة تتكلم عن المنطقة السياحية في المنتدى خصوصا الموضوع المثبت عن امارة ابوظبي ..
بالنسبة لإمارة دبي فالإماكن السياحية معروفة لكن زيد عليها القرية العالمية ..لانها راح تكون مفتوحة بذاك الوقت ان شاء الله ..
واي سؤال احنا حاضرين ..

شكرا من الأعماق حور الإمارات .. :x1:
الإقتراحات جديدة علي في المنتدى، بزيارة المنطقة الشرقية زيارة مدينة العين .. وغيرها ..
القرية العالمية سبق زرتها بسفرة سريعة لدبي .. روعه وبس .
سبق اني زرت عروض لليزر .. شغل عدل .
روابط كثيره استفدت منها في المنتدى والأفضل :
https://artravelers.com
وكلامك ( بالنسبة لإمارة دبي فالأماكن السياحية معروفة ... )
للأسف عندي مو معروفه ..!!
وزميلي في دبي الأيام اللي راحت وموصيه بآخر إصدار من كتاب دبي السياحي .. وعلى قولة المصريين مكسوف منه أقوله كل شوي وينه

بالنسبة للاماكن السياحية في دبي والسينمات :
أولا المراكز التجارية في دبي :
1-سيتي سنتر دبي ..
2-مول الإمارات الجديد < اكبر مركز في الشرق الاوسط
3- مركز بن بطوطه

والله مدري وش أقول !!!!!!!!!!!! ياحور الإمارات
أخذنا من وقتك الكثير في كتابة هذا النص ..
لك مني أوفر التحيات
وعاجز عن شكرك
ومتى يجي طاري الإمارات علشان اتفلسف على زوجتي المصونة .

السلام عليكم
الأخت حور ماقصرت يزاها الله خير..
ولروابط إلي انت وضعتها فيها معلومات عن الاماكن السياحيه نفس إلي أنا بذكرهم
بس أضيف إن شاء الله في شهر 10 بيكون الجو معتدل..عندك حديقة الخور تقدر تتمشى على شاطئها ...بالإضافه تأخذ جوله بالتلفريك.

• حديقة الممزر شاطئها حلو وممكن السباحه في شاطئ الحديقه..وتقدر تأجر جت سكي على شاطئ الممزر خارج الحديقه.
• حديقة الوندرلاند العاب مائيه + كهربائيه.

وانصحك إذا مفكر تزور الفجيره وبالتحديد دبا تحجز في فندق ميريديان العقه إذا مفكر في المبيت..موقعه حلو يجمع بين الجبال والبحر.
وإذا محتاج شي ثاني نحن في الخدمه

لك تحياتي ( بنوتة الإمارات ) على هذه الإضافة الأكثر من رائعة ..
وأدري أنك مو مقصره .. وسبق طلبت إضاءة على الجلابيات وكانت لك المبادرة الأولى ..
ألف مليون شكر .

مشرفنا ما قصر كفى ووفى