هلا أختي
بالنسبة لاسعار الطيران رديت عليكي في موضوع القناص الهلالي
بالنسبة للسكن في ماربيا حاولوا انكم تسكنون في بورتو بانوس هذي أحلى منطقة في ماربيا والميزة هي انكم اذا سكنتوا فيها ما تحتاجون تكاسي كل شي تقدرون تروحون له على رجولكم... حطوا في بالكم التكاسي غالية في ماربيا ... طبعا بالنسبة لي المشي في السفر شي حلو وبعدين تشوف التنظيم والناس تنفتح نفسك ... بالنسبة للسكن أنا سكنت في فندق في ماربيا في بورتو بانوس اسمه hotel PYR الحقيقة كان رائع مقارنة بسعره ... شيكت على اسعاره في شهر أكتوبر اليوم يطلع ب 72 يورو يعني حوالي 360 ريال !!! حطي في بالك انه قريب من البورت يعني مشي حوالي 10 دقائق الى ربع ساعه ... وانتبهي من المكاتب السياحية بعضهم يقولك شقق في ماربيا وما يقول وين الموقع حقها ... واذا رحت هناك تلقاها بعيده وتقعد كل ما بغيت مشوار أخذت تكسي وخذ لك مصاريف تكسر الظهر

برشلونه اعرف انها تجنن
بس احنا طالعين نغيير جو نبي نروق اكثر
بنشوف لو ناخذ من مدريد كم يوم لبرشلونه
التذاكر للحين موجعه راسي
ما لقيت حجز بسعر كويس
انا كنت اسمع ب3000 و2500 ...
الحين ما القى الا 6000 وفيها ؟؟
مع اننا لو سيزون

والله يا أختي العاده أسعار التذاكر ما بين 3400 تقريبا الى 4500 طبعا على حسب السيزون وعلى حسب وقت الحجز يعني كل ما حجزتوا بدري كل ما حصلتوا سعر أرخص
بس 6000 ريال انا اقولتس كثير مرة عليها
انتم متى تاريخ ذهابك وعودتكم ؟ هل عندكم يوم معين لازم تروحون فيه ولا فيه عندكم مرونة زيادة يوم أو نقص يوم لانه ممكن يفرق بالسعر

كل الشكر
فعلا السعر مو مرة حلو لدرجة اني فكرت اهون عنها هالمرة واروح لمصر اقرب واونس...
لاني ما ادري عنها اسبانيا ؟؟؟
بس قلت يابنت روحي لشركة سياحة وشوفي وش ممكن يصير ...
والود ودي نمشي ثاني ايام العيد او ثالث علشان يمدي اخذ من اجازة العيد مع كم يوم اضطراري او استثنائي!!