وعليكم السلام
اخوي نصيحه قبل توزيع الايام ماحس كويس 10 ليالي ل امريكا احس لو تغير وجهتك افضل
او انك تكثر الايام لان المشوار لاامريكا ماهو بسيط وحرام تروح عشر ليالي فقط
من رايي تغير الوجهه او تزيد الايام
ولو نجي ع تقسيم الايام لوس انجلوس اقل شي فيها 5 ايام ولاس فيقاس نقول يومين وتروح لنيويورك هل العوده رح تكون منها ؟
لان نيويورك بعيده عن لوس انجلوس وايامك قليله ولا انصح انك تروح نيويورك مشوار 6 ساعات تقريبا بالطياره
وبالتوفيق يارب

f9091
شكرا على تفاعلك مع الموضوع عزيزي
نعم مثل ما تفضلت الوصول إلى لوس انجلس و العوده من نيويورك ..
الفتره قليله مثل قلت لاكن ضغط العمل يحتم على اي شخص يطلع فتره راحه .. من ناحية اخرى تتوفر لي تذاكر درجة الاعمال بسعر بخس لاني موظف فيها .. و هذي نقطه تخليني افكر في امريكا خصوصا و انها الحلم من بعيد.
للعلم لا تهمني لاس فيغاس و لا مانع من تقليص عدد الايام فيها ،، لاكن في عرض واحد يهمني احضره بل سبب اختياري امريكا في هذي الفتره هو هذا العرض ،، هذي آخر فتره للعرض بعدها ينتهي
و عندي تخطيط آخر ارجع لامريكا شهر ابريل المقبل و اقضي شهر كامل و اخليها رحلة الاستكشاف
تقبل تحياتي

مثل ماتفضل الاخ 10 ايام ماتسوى
لكن اذا مصمم ممكن تكون العشر ايام في لوس انجلوس و تروح زيارة لي سان دييغو
وكنسل نيويورك

اخي الفاضل عن تجربتي الشخصيه انصحك لوس اجلس هذي بروحه قعدنا فيها 15 يوم ماخلصنا
شوف تقرير مشرفنا الغالي عزيز
انا للامانه استفذت منا واجد كان كل التخطيط من رحلتي السابقه من مواضيعه الممتازه ان شاءالله في ميزان حسناته يارب
شوف تقرير لوس اجلس
https://artravelers.com/p/re/501320

الله يوفقك
6 أيام في لوس انجلس
2 لاس فيغاس
2 نيويورك
وتفضل زور موضوعي
https://artravelers.com/p/re/906304
راح يفيدك جدولي ومخططي

أنا مع الاخ حمد توزيعه للايام ممتاز
بالتوفيق ان شاءالله

اخي شوف لوس اجلس كبيره
ماقصر مشرفنا مضبط لك المناطق وانت قارن
لان لوس انجلس كبيرة وايد ولان المسافة بالسيارة بين مدن الشمال و الجنوب حوالى
ساعة (ممكن توصل ساعتين بالزحمة ) فراح اقسم التقرير جزئين a و b . طبعا الاشهر a مدن الشمال و نصيحة للى عندة وقت كافى يقعد مثلا 5 ايام بالجنوب و10 ايام بالشمال و اللى مخصص لزيارة لوس انجلس اقل من 10
ايام فنصيحة يقعد بالشمال
من اهم مدن الشمال a هولييوود . وست وود . بفرلى هلز . سانتا مونيكا . فانيس . مارينا ديل راى
من اهم مدن الجنوب b ايرفاين . نيوبورت بييتش . كوستا ميسا . سانتاانا. اناهيم . هانتنقتون بييتش
كان اول وصولنا في هذي المنطقه قعدنا فيها 5ليالي هولييوود
والمنطقه الثانيه في لوس اجلس
نيوبورت بييتش 6ليالي

على حسب اهتماماتك قد تكون معظم الأنشطة المذكورة في المنتدى لا تناسبك خصوصاً لو كنت مسافر لوحدك تخيل تروح لشاطي سانتا مونيكا أو ألعاب ديزني لوحدك
أن أشوف إنك لا تلغي سفرة امريكا من أجل عدد الأيام أنا سأسافر إلى امريكا بعد أسبوعين 12 يوم قسمتها خمسة أيام لوس أنجلوس وأسبوع سان دييغو مدة المؤتمر الذي سأحضره
أيضاً أن أشوف إنه ما هي مشكلة إنك تروح من الغرب الأمريكي إلى الشرق الأمريكي وترجع من واشنطن خصوصاً إذا لم يكن معكم أطفال لأننا أحيانا يكون عندنا رحلات ترانزيت وتكون مدة الترانزيت في المطارات 8 ساعات أو 6 ساعات نجلس ننتظر فما أعتقد إنها مشكلة السفر ست ساعات للشرق الأمريكي إذا كانت زيارة نيويورك مهمة بالنسة لك
إنت شوف الأنشطة اللي تهمك في كل مدينة وقم بضبط الأنشطة حسب عدد الأيام
بالتوفيق